قلوب سرقها الحب💔
الحلقه الثانيه والستون
"
"
سيف دار فنجان قهوة وفتح النت.. وهنا بس شعر بالطامه اللي نزلت عليه
وقعمز فتح النت وخشن الرسايل..منصدم ومندهش.. وزاد اخرى لما شاف الفيديو اللي في المستشفى..هكي يا ريان خسرت حبيبتي وأم عيالي ع سباك! خزي عليك انا الغلطان نستاهل وقعد يخبط..وضرب الطاوله بكراعه نزلها دشاديش ومن قهرته قعمز في الوطا وقعد يبكي
.............
انا نضت درت دش وجيت انوض في معاذ حبيبي نوض وقت ع الجامعه وشغلك
معاذ/دودي خليني شويه
انا/ميدوو وقت .. كرني يلاه واضبطني خليك اليوم انا/حبيبي مو بعد بكره مسافرين خليني نمشي اليوم وفي نفس الوقت ناخذ اجازة
معاذ طلقني/باهي صبي وصبا حتى هو وتيت الفطور ولبست وخشيتله لقيته كيف طالع من الحمام لاف روحه بالمنشف ويمشط في شعره مصبي ع المرايا حبيت صدره واضبطته/ نحبك ياميدو
معاذ/واجد ولاشويه؟
انا/واجدد بكل..وانت؟
معاذ/نحبك ونحب الوطا اللي تمشي عليها
نا/ربي يخليك ليا ياعمري .. هي تعال افطر فطرنا وطلعنا .. وصلنا للجامعه مسك يدي وحبها/خلي بالك من روحك..
انا/حتى انت دير بالك ع روحك..
معاذ/تنسش روحي مع غاده وعمي يروح بيك دويتله من امس عندي شغل واجد
نا/حاضر حبيبي
معاذ/انزلي بسرعه قبل لانرد بيك
نا/هههه ونزلت
...........
سيف رن ع ريان..ريان ردت وصوتها شين حزينه هههه/ألوو اهلين حبيبي
سيف/انتي وين؟
ريان/تو طالعه للمختبر كنك وسيفه؟
سيف/خليك بنجيك توا في الحوش
ريان/حبيبي بابا قاعد
سيف/مدخلنش بيك دبري نبي نحكي معاك
ريان/باهي وسيفه كنه صوتك
سيف/ريان قتلك نبيك ضروري كيف نجيك
ريان/باهي حبيبي تعالي في المربوعه اللي برا بابا راقد تو نرجاك ع الباب
سيف/ok وصكر مطقتش 10 دقايق لقاته قدامها حامق ومستعد حتى يقتل مدتله يدها/كيفك
فاتها وصكر باب الجنان/تعالي في المربوعه خشو المربوعه مشى صكر الباب
ريان/سيف كنك حل الباب
سيف/تضحكي عليايا**** اه خخزي عليك وع اشكالك
وعطاها كف
ريان/اه ليش ياسيف عطاها كف اخرى..
ريان تبكي/حول معش تضرب تي كنك انت؟ عطاهاكف اخرى
ريان/اطلع برا..اطلع بأي حق تمد يدك عليا
سيف/نربيك كان هلك معرفوش يربوك
ريان/اسكت تحكش ع هلي سيف شدها من محرمتها ووراها التلفون/ احكي من هضا يامحترمه؟اه يامتربيه اه من هضا ياحقيره..ريان تبكي/بطل معش تضرب هضا صديق
سيف/ولعلها الفيديو (وهي تبكي وتقوله نحبك)
صديق هضا وعطاها كف..اه احكي..صديق هضا؟
ريان تبكي/خلاص ياسيف سيبني حرام عليك..قعد سيف يكر فيها من محرمتها لين نحلت وقعد يشد فيها من شعرها احكي منو يخبطلها في راسها في الساس..من هضا شن اسمه؟
ريان اترجى فيه/خلاص والله خلاص والله مات مات سيبني
سيف/احكي اسمه
ريان/معتز اسمه خلاص مات
سيف/تخوني فيا ياحقيره عليش تخوني فيا وعزقها بالقوة خبطت ع الساس وطاحت..اسمعي اللي بيني وبينك انتهى تفهمي؟ردي تفهمي
ريان برعب/فاهمه وخبري هلك انتي منش فاضيلكم نجي نحكي مع هلك يا************* وطلع وسيبها ركب سيارته وقعد يمشي ع قصاد وجهه مهوش عارف روحه وين يمشي وقف بعدهافي نص الطريق وقعد يبكي..يبكي بحرقه ريان اللي ضحكت عليه وخاناته.. وفدوى اللي خسرها
بعدها بحت في ساعته لقاها 11 ولع ومشى شور هل فدوى.. طبعا فدوى من امس روح بيها حميده لهلها
ركب الدروج ورن الجرس..فتحت ماما..بحتت فيه وقعدت مصبيه
سيف/خير ياعمتي كيف حالك
ماما/الحمدلله خش تفضل
خش سيف ومهوش عارف شن يحكي وكيف بيقابل بابا وشن يدير قعمز
هلي كاينين يفطروا
بابا/من جا؟
ماما/سيف خششته للمربوعه
فدوى غصت في الاكل وخنقتها العبره صبت خشت دارنا
بابا صبا خشتله قعد يبحت فيه..كيف عيونه حمر كيف مش قاعد على بعضه/شن تبي جاي؟
سيف صبا حب ع يده وع راسه/سامحني ياعمي واللي تبوها انتو وفدوى يصير عارف روحي غالط. ودنقر راسه..
بابا قعمز/ياسيف انا وين ماعطيتك بنتي قتلك تحترمها قتلك حطها في عيونك..مطلبتش منك فلوس مطلبتش منك شي كبير احترام وتقدير..قتلك يوم اللي تغلط ادويلي وناخذلك حقك.. مش تضربها لا وانت الغالط وتضربها.. انا مش مسامحك وهيا مهيش مسامحه
سيف ماسك دموعه/ياعمي والله اسف سامحني معد تتكرر اللي تبوها ياعمي والله فدوى ع عيني وراسي..بابا يبحت فيه وساكت..
سيف/باهي خليها تجي نحكي معاها
بابا/منقدرش هي مجرد عرفت انك هنا خشت الدار وصكرت ع روحها
خليك ياسيف لين تعرف قيمتها..مش تبي تزوج؟ تزوج وجرب عشن تعرف قيمتها..انا بنتي منزعلهش ومش ناقصها شي عشان تجي عليها ضره
سيف يمسح في دموعه /ياعمي خلاص فركست الخطبه بالله عليك عطيني فرصه
بابا/شوف ياسيف انا شايل منك وهي كذلك..
سيف صبا/باهي ياعمي مع السلامه وطلع
بابا دق ع فدوى وخش لقاها تبكي../اسمعيني يافدوى سيف جاي يرد فيك وكاين بيحكي معاك
فدوى/منبش نرد أنا يابابا وزادت تبكي
بابا/باهي يافدوى بس هو نادم ولحظة غضب
فدوى/منبش
بابا/باهي يابابا خلاص محد جابرك معش تبكي وحضنها لين هدت وطلع وسيبها
سيف روح للحوش وهو راكب ضبحتله امه/ياسيف كيف معندكش عمل
سيف بدون مايبحت فيها /لامعندش
امه/امتى بتروح بفدوى؟
سيف/مشعارف وركب
هاجر ركبت في جرته/بابي نبي ماما
سيف/تو بعدين نشيلك انزلي لجديده انا نعبان بنرقد
هاجر بحتت فيه ونزلت/ ياجديده بابا يبكي
امه بحتت في ولدها اللاخر كاين يلاها/ انظر كنه هو ومرته لها 3 ايام عند هلها؟احكي معاه بعدين سلم وليدي تامر/حاضر يمي تو نشوفه
............
جاني بابا في الجامعه روح بيا أنا وغادة حطني في حوشي قبل لاننزل طبست ع غاده/قولي لنجلا نبي فيديوات الفرح وتوا بكره نجيكم نسلم عليكم قبل لانسافر
غاده/حاضر
انا/مع السلامه سلمو ع ماما والبنات وموسى ويوسف.. ومع طلعت عمي سلم ع بابا وقعد يهدرز معاه..ركبت شقتي بسرعه حطيت غدايا ع النار وخشيت نسبح.. لبست قفطان اصفر أكمامه كت وفوق الركبه وجففت شعري ودرته ذيل حصان وكحل وروج وعطر وقعمزت نقرا بعدها خلاص معش حليت عيوني رقدت ع الكرسي..
روح معاذ قعد ينابش فيا لين نوضني وجا يوم اللي سفرتي جهزنا شناطينا واسقدنا لتركيا..وكانن أحلى أيام حياتي..
فدوى مزالت في حوش هلي ومصكره تلفونها وسيف فسخ الخطبه
فدوى تبكي/ياماما رايفت ع العيال معقوله ليا اسبوعين ماشفتهم يقهر فيا بالعيال
ماما/يافدوى مش يقهر فيك بس اكيد متحشم باتك لما جا ماعطش وجه
فدوى/يستاهل
ماما/يافدوى فكري زين جاك مرتين ومابيتش تطلعيله عطيه فرصه أحكي معاه اشرطي عليه الخطبه وفسخها
فدوى/منبش نشوف وجهه فسخ الخطبه وضربته ليا؟وخيانته؟ مهنش ساهلات
ماما/ربي يهديك وطلعت وسيبتها
غاده/فدوى عليك تصكير راس فيك
فدوى/حرام عليكم منكمش حاسين بيا انا تحملته كم شهر يخون فيا ونسمع في مكالماته ومادويتش ومتحمله لكن بعد مد يده مستحيل نعيش معاه في حوش واحد..انتو منكمش حاسين بيا
غاده اضبطتها والله حاسين بيك بس خلاص وقعدت تسكت فيها...
ماما رنت ع سيف/ياسيف جيب العيال لفدوى تشوفهم مرايفه عليهم
سيف/حاضر ياعمتي تو نجيبهم
ماما/بارك الله فيك
العشيه جا سيف وجايب العيال وبابا مكنش قاعد خشو العيال وكان لقاءهم بفدوى يبكي يضبطوا فيها ويبكو وهي تبكي
سيف/عمتي قولي لفدوى نبيك
ماما/يافدوى سيف بيحكي معاك
فدوى/ياماما فكيني منبش
ماماطلعتله/مبتش ياسيف..
سيف باهي ياعمتي انا طالع وطلع..وجايبلهم دبشهم ومصروفهم كامل
