قلوب سرقها الحب💔
الحلقه السادسه والثلاثون
"
"
سيف اتصل بريان طوط طوط ريان بحتت في ربا وقالتلها طاح طاح
سيف/الوو ... وقعد ساكت
ريان/الوو سيف معايا؟
سيف/ايوا معلش الاسم؟
ريان/هههه بسحوين ريان معاك
سيف/بنقولك في بضاعة جديده نزلتها اليوم الصبح كان بتجي تشوفي؟
ريان/ والله؟ بكره رمضان امتى تفتحو؟
سيف/بعد الظهر ان شاء الله
ريان/بسحوين خلاص اوكي بااي تو نمرىعليك بكره وصكرت
ربا/عيب عليك ياريان لابس دبله الراجل تخربيله حوشه
ريان/اسكتي بالله تبيني نزطل انا مطلقه من بيجيني غير شايب غابيه في الليبيين
ربا/ربي يهديك خليني نرقد خيرلي
فدوى جت من حوش عمتها كاينه تحوس عند عربها والافندي يكلم خشت لبست وعطرت ومكيجت وجابت القهوة والحلو وجت قعمزت جنبه/اهلين حبيبي امتى روحت؟
سيف/امبدري شوي كيف وين البنات؟
فدوى/رقدن عند عميمه شوي قالتلي سهى (اخته)مافيكم ماشمرتوهن خليهن يلايا وعبوده راقد سيف/تمام وقعدو يهدرزو
&سمروعماد&
خشو الفندق تعبانين من المشي دوشو وجت رقدت سمر ع كتفه وقعدو يهدرزو
عماد جاه مسج ع الوتس من الدلوعه سمرقعمزت/من الدلوعه؟
عمااد/هههعههه هده حبيبتي
سمر توحشت/شنووو
عماد/يالهبله الدلوعه سلمى دلوعة العيله
سمر/حول ترا وقعمزت عليش تنرفز فيا
عماد حبها/تغيري دلوعتي
سمر/كني مانغير راجلي وحبيبي وعمري وكل شي عندي
عماد/نحبك والله تعالي شوفي سلمى شن دازه ..
سلمى دازتلهم صور الطاولات ولمتنا وفيديو وجدي يهدرز وجدتي مقعمزه ع العداله
سمر/الله عليك جو سمح
عماد/اها منحكيلكش ع جو اللمه زعمه شن جو معاذ وشهد؟
سمر/مشعارفه محصلتش معاها فرصه بس حسيته يطلع واجد مايقعدش بس هي تقولي تمام لعند امبدري حكينا ع الماسنجر وسألتها قالتلي جونا تمام عماد/يارب ينسجمو
سمر/يارب
معاذ خش الحوش نا كنت نجهز في صفرة السحور
معاذ/كانت لابسه برموده زيتي وبلوزه بيضه كت وفتحتها سبعه وشعرها فلو ودايره كحل خفيف ولمعه روج بس ..بس كانت طرف من الاخيير قعدت نبحت فيها.. بعدها برمت وشافتني انفجعت وشهقت وحطت يدها ع قلبها/كنك خفتي؟
شهد/اسفه بس مفطنتلكش بعد خشيت انفجعت
معاذ/هههههه
انا/اخيرا ضحك اه معاذ الساعه 2 تسحر توا ولا قبل الفجر؟
معاذ/انتي شن تبي؟
انا/اللي يريحك
معاذ/معناها خليها قبل الفجر بشويه لاني توا كيف متمرن نقدرش ناكل
انا/خلاص تو نغطيه ع الطاوله خش دير حمامك معاذ/خلاص خشي تريحي ارقدي تو نديرحمام ونرقد حتى انا
انا/باهي تصبح ع خير
معاذ/وانتي من اهل الخير
خشيت داري الحمدلله افتكيت من التكشيخه هدرزت مع غاده ونجلاء من تلفون غاده وبعدها خذاني النوم ونا نحكي معاهم
معاذ/خش داره وقعد يفكر حرام نظلم فيها بس منش قادر ننسى هاجر..يارب ساعدني والله معش عرفت نفكر الله يرحمك ياهاجر يعوينك تريحتي وطلع صورها وطرحهن ع السرير وقعد يتفرج عليهن..كان في صوره وهما في حديقة الحيوانات في طرابلس هاجر تعزق في السبول للقرود من بعيد وتضحك نزلن دموعه تفرج تفرج ولم الصور ودسهن في الدولاب بحت مزال ساغه الاربع ع الفجر خش الحمام وجا دق عليا نا في سبات عميق ههههه فتح الباب كنت راقده
معاذ/شعرها حريري وجاي ع وجهها فانيليتها مرتفعه الله عليك بياض جمالها مش عادي طفوله وبراءه مش عاديه كانت طفله قعدت مصبي يلاها ونبحت فيها.. بعدين قررت انوضها
ششهد..شهد نوضي الفجر قريب يذن...ششهد انا نطيت مقعمزه هضا شن جيبه ع راسي وقعدت نغطي في روحي
معاذ/يضحك هضا كله نوم ممبدري ونا انوض فيك انا//هي هي نضت
شوي طلع معاذ وعدا سخن الشاهي والقهوه..غسلت وجهي بسرعه وجيت يلاه/السلام عليكم معاذ/نصبلك شاهي وحليب ولاقهوة؟
انا/قهوة
معاذ/بس مش وقت قهوة توا
انا/بنصحصح عشن نمسك مصحف
مععاذ/صاح
تسحرنا واذن الفجر وهو طلع في للجامع ونا قعدت مستوهه في كرسيه مش خاطي صوته غليظ صاح بس حلوو ضحكته حلوه شكله جذاب ماعندي مانقول فيه زعمه حنحبو بعضنا؟ اخ صبيت لميت السفره وصليت ومسكت مصحف معاذ روح من الجامع خشيت رقدت ومانريتش عليها نعساان ومنبش نشوفها تاخذ في مساحه في تفكيري
ثاني يوم سيف قاعد في المحل خشت عليه ريان ريان/السلام عليكم
سيف يبحت فيها وتنهد/وعليكم السلام
ريان اختارت فستان /ممكن استاذ سيف نبي نشاورك في موضوع
ريان قعمزت/شن نحكيلك هلي بيزوجوني غصب سيف/عليش ارفضي شنو في العصر الحجري نحن؟ ريان/المشكله انه راجل مزوج وعياله رجاله قريب عمري
سيف/ وليش هكي
ريان/لاني مطلقه في نظرهم محد يجيني وقعدت تبكي(طبعا ريان كذابه الا في قصة انها مطلقه وبكت من جدها لانها مطقتش عند راجلها 6 شهوركان يحشش ويضرب فيها اطلقت)
سيف/حتى وكان مطلقه مش من حقهم يجبروك ارفضيه
ريان/هضا ثالت عريس نرفضه شن ندير..انا بفلوسي ومش محتاجه شي..بس لو راجل صغير وحتى عنده عيال عادي بس ميكونش كبير..
سيف قعد يبحت فيها لو زوجه ثانيه توافقي؟ ريان/لو صغير مش كبير عادي نوافق
سيف/خلاص رقمك عندي ارفضي هضا وتو نكلمك نشوفلك عريس
ريان غبي شكله مفهمنيش نبيه هو منبش واحد ثاني/باهي هي مع السلامه وطلعت متشتته ذهنيا عجبني نبيه هو نا
ربا/تعرفي انك مريضه نفسيا من جدك الغباء اللي درتيه انا معد نرافقك
ريان/اسكتي ربا مش ناقصتك نا
سيف عجباته ريان زعمه نخطبها وناجر لها البنت سمحه بس فدوى مش حترضى اييه عليك حاله الشرع محلل اربعه عادي وقعد يفكر وبنة عطرها ملا المحل روح سيف قبل المغرب بساعه الحوش نظيف ومبخر والفطور طايب وفدوى لابسه فستان حوش كحلي فيه دوائر بيض ودايره شعرها ذيل حصان ومكحله وتوكل في ساره وهاجر مافطنتلش وين خش..
فدوى/هيا يا سوسو هم هم هجوري بيب بييب هيا هيا همم سيف حس بالذنب صبا يبحت في فدوى وقال /السلام عليكم
فدوى/ابتسمت وعليكم السلام اهلين سيف كيف حالك اليوم؟
سيف/تعب اليوم شكلي العصر نصكر احسن فدوى/اها مو تفتح بعد التراويح صكر اذان العصر سيف/هضا اللي بيصير شكله
خش دار حمام وامتد ع السرير
......
......
يتبع انتظر ردودكم وتوقعاتكم وارائكم
....يتبع
#كاتبه_أميمه_اسامة
