قلوب سرقها الحب💔
الحلقه الثانيه والثلاثون
"
"
سيف من كثر مانقلب عياره سكر المحل وروح للحوش
شهد/نضت الساعه 11 غسلت وجهي ومكيجت وطلعت ندور ع معاذ (العريس الهارب) ههه زعمه في اين دار؟؟خشيت الدار اللي مقابله داري كانت دار كبيره فيها دولاب في الساس ابيض حلو وبسيط وشاشة معلقه وصالون ارضي رقيق لونه بيج وفيه ورد برتقالي وزرعي والموكيت لونه بيج والفرشه مكرونه برتقالي فيها بلكوني والستاره سمنيه فيها ورد بارز برتقالي والجمه زرعيه كانت دار رقيقه وبيسطه وحلوه طلعت لحمام اللي في الصاله كان اسود بالابيض مواد صحيه وديكور اول مره نشوفه..نسيت اني ندور ع معاذ ههههه طلعت لغرفة الضيوف حلووه صالون بالدور الداير ماجش عالي ولا واطي جبسن بورد رهيب والالوان ع البيج والقهوي..الله محلاه خشيت المطبخ كان كبير اسود في الابيض حاجه روعه وفيه بلكوني.
فتحت الثلاجه ولقيت تورته حطيتها وحطيت موس وشوكات وصونيتين..لقيت خبزه ساخنه..حي شكله نايض ممبدري قعدت بسرعه نوتي في الفطور جهزت بسرعه ولقيت مقعد مغطي حليته لقيته عشا الصاله..في اكل وكل خير ونا راقده امس جيعانه..طلعت للممر كان طويل وعريض..واو الحوش يريح ع اليمين لقيت حمام ومربوعه كبيره انستهت فيها سمحه طلعت ع اليسار لقيت دار مردوده دقيت..دقيت ماردش دقيت الثالثه وفتحت الباب..لقيته مصبي عالزيانه يلبس في ساعته ويبخ في عطره كانت دار نوم فرديه
انا/اه اه وصوتي يادوب يطلع ومنزله راسي معاذ الفطور جاهز تعال افطر..
معاذ بحت فيها من فوق لتحت فصلها..وبصوت مش مسموع/سمحه العطيبه
معاذ/لاشكرا افطري انتي
شهد/لاتعال افطر معايا انا جيعانه وماناكلش بروحي معاذ مصدقه روحها/اش دخلني نا كان ماتاكليش بروحك؟
شهد/انصدمت
معاذ/شوفي انتي كنة مفتاح وحليمه بسس.. مترجيش مني شي
شهد/رفعت عيوني فيه ونا مصدومه ودموعي نزلن معاذ/انا غصبوني ع الزيزه مزلت مانسيت مراتي.. وانتي مغصوبه عليا..خليك شهر ونطلقك وتزوجي اللي تبيه.. انا/مصدومه وساكته
معاذ/ فهمتي توا؟ اناطالع مترجينش نروح ..وطلع من الشقه وسيبني..ماعطانش فرصه ندوي قعمزت في مكاني نبكي بصوت عالي..الغبي شن نطلقك بعد شهر و تزوجي اللي تبيه..شن يحسابني هضا؟ قعدت نبكي خشيت ماليا إلا داري نحبس روحي فيها..سد نيتي ع الاكل خزي قعمزت نبكي ياربي انا من قهر لقهر..حتى بعد حاولت ننسى راشد يجي يذكرني..مسكت تلفوني لقيت رنتين من ماما..مسحت دموعي وجيت بنعاود نرن عليها رنت سمر
انا/الوو صباح الخير يا عروس
سمر/صباح النور يا عروسه كيف حالك ؟
انا/الحمد لله كيف حالك انتي وعماد؟
سمر/هههههه سمن ع عسل.. وانتي هاشن جوك انتي ومعاذ؟
انامسحتت دمعه/تمام الحمدلله قتلك لقيت ماما رانه عليا
سمر/اها اكيد بيطمنو عليك حتى نا رنو عليا بيجونا العشيه
انا/الله رايفت عليهم نسمع في عماد يدويلها/حبيبي شن تبي تتغدي
انا/عماد جنبك؟صكري صكري
هو/شهد سلميلي عليها
انا/سلمك وسلمه هي عديله ههههه سلام توا سمر/ههه سمعتيه سلامات
رنيت على ماما طوط طوط طوط
غاده تجري ردت/الوو دودي رايفت عليك ياكلبه الحوش شين وتبكي
انا متسبله بكبت/حتى نا رايفت عليكم والله شخباركم؟ غاده/حال الشقا و الحوسه
انا/ربي يعينكم نجي نساعدكم عهههههه؟
غاده/اه متقهرينش انتي تزوجتي والحوسه ع راسي انا/واو عليك حسد تو تزوجي والحوسه تبقى ع راسي غاده/امتى بس؟وينك ماما ترن عليك
انا/كنت راقده
غاده تضحك
انا/باهي يابايخه عطيني ماما
غاده/ماما ماما تعالي شهد
انا/فريتيلي وذني
ماماتجري/شهد كيف حالك حبيبتي ؟رايفت عليك
انا/الحمدلله حتى نا رايفت عليكم
ماما/ها يا شهد مبسوطه؟طمنيني شن صار معاك؟
انا/الحمدلله مبسوطه كل شي تمام
ماما/باهي الحمدلله بعدين جايينكم في العشيه انا وعماتك هي خوذي عمتك/الو عميمه كيف حالكم عميمه/دودي الدلوعه كيف حالك كيف حال معاذ؟
نا/الحمدلله كويسيين
عميمه/وينه هو يلاك؟
نا/لا طلع توا نزل لهله
عميمه/هاشن صار عندك؟
انا/ كل شي تمام
عميمه/هاكي عبير تبيك سقدن مطولنش تو يجي راجلها.. وكلمني البنات كلهن وهدرزت وسكرت
صكرت منهم وضلمت الدار وعدلت الساعه ع اذان العصر و رقدت
معاذ سلم ع هله وجا بيطلع اذكر ناسي اوراق يبيهن ركب للشقه/ملهش حس والدار مصكره خذا اوراقه وخش يشرب اميه لقى الطاوله مفتلكه بتاع الفطور..مجهزه الفطور و مفطرتش..وطلع جوني هلي غيرولي جوي وماحسستهمش بشئ وروحو..واستمريت ع الحال هضا مانشوفش فيه هو يطلع من الصبح يروح في اليل..استغليت الفرصه وقعدت نقرا هدوء وجو مهيئ ننزل شويه العشيه عرب جايين يباركو ونركب نكمل قرايتي..اما سمر عايشه هي وعماد احلى حياة زوجيه يطلعو يتغدو برا ويتعشو برا..وانا حايسه في كتاباتي وقرايتي..
*سيف كاين في المحل وخشت عليه ريان سيف بحت فيها بتاع وينك
ريان/اهلين كيف حالك
سيف/اهلا كويس
ريان خشت تقربج في المحل وكانها ادور ع حاجه معينه
سيف/كيف ممكن نساعدك؟
ريان/نبي فستان بسيط بتاع خطوبه
سيف بدا يطلعلها
ريان/معلش يا استاذ تعبتك معايا اصلي نامنبش نشري غار هلي مصرين
سيف/هو لكي؟
ريان/تقدر تقول خطبه بالاكراه ونزلن دموعها تمثيل ..و قربت منه وكانت بنة العطر تفحفح/وخذت واحد من كروت المحل وطلعت قلم من شنطتها وكاينه قريبه منه وكتبت رقمها ع الكرت وخذت كرت بتاع المحل اللي فيه رقمه و سيف دايخ في عطرها وشكلها
ريان/كان جبت بضاعه جديده قبل الاسبوع الجاي رن عليا..هي باي وطلعت
سيف طلع في جرتها لين ركبت السياره وولعت ومشت..
سيف وجعاته مسكينه شكلهم غاصبينها ع الزيزه سمحه ورقيقه ولبيسه..الله عطرهاخيال شكلها عنيدها سياره سمحه راكبتها وباين من ستايلها ولبسها كله ماركات قعدطول الوقت يفكر فيها ومستوه وعقله معاها وخلاص
توقعاتكم ولايكاتكم
....
....
.....
يتبع
#كاتبه_أميمه_اسامة
