قلوب سرقها الحب💔
الحلقه الرابعه والسبعون
"
"
اسفه ع التأخير بس والله امتحانات ومش لاقيه وقت والله امس للساعه 3اليل نقرا شويه ونكتبلكم شويه بس لكن كتبتلكم حلقه طويله يعني حلقتين في حلقه..يعني حلقة الصبح واليل مره وحده مجرد نحصل استراحه من القرايه نكتب حلقه 78 يعني احتمال كبير ميكونش في حلقه اليل لاني كتبت حلقتين ياريت تقدرن ضرفي وسامحني مره اخرى
انا/حبيبي والله خفت عليها متزعلش ياحبي وقعدت نبوس فيه
معاذ/باهي خلاص هي وقت ع الصلاة ألحقي ارقدي بعد تطلع سمر من المستشفى مفش نوم ..وطلع
............
الظهر سمر طلعت والحوش يملا ويفرغ هلي ع الجيران
موسى قاعد برا ويحوحز..لقى ندى بنت عمتي عبير في الجنان
موسى/ندى كلميلي سميه
ندى خشت بالصوت العالي/سميه سميه يبيك موسى
انا وسمر وغاده نضحكو
سميه متبش تلفت الانتباه/قوليله مش فاضيتلك
عمتي عبير/سميه أعقلي وفكينا من العرايك بتاعكم
سميه/باهي يا امي
أنا ماسكه وليد سمر/شن بتسموه؟
عماد/مفتاح ان شاءالله
عمي/لامتسموش مفتاح اختارو اسم سمح
عماد/اختار انت ياباتي
عمي/اممم وقعد يفكر
سموه مصطفى
عماد/خلاص مصطفى
سميه اسلحبت للجنان /ياموسى
موسى من بعيد/منش جاي مش قلتي منكش فاضيتيلي
سميه برقه غير معهوده/ موسى والله بلعاني عشن ندى دوتلي قدامهم
موسى/تعالي نهدرزو هنا مرايف عليك..وقعدو يهدرزو
حنايا الخاطر معش حلت النت اسماعيل شغلت تفكيره..شكلها زعلت مني
انا بدا معايا الوحم واكثريته جايني ع معاذ سمر سبعت ومشن الايام
زهراء وهي طالعه للقاعه لقت إسماعيل مصبي قدامها/اهلا زهراء كيف حالك ومدلها يده
زهراء انقلب كيانها بعد شافاته وقلبها قعد يدق وبربكه مدت يده/أهلين
إسماعيل/كنك مش فاتحه النت وتلفونك مقفل
زهراء معرفتش شن تقول/اه مشعارفه
إسماعيل/ممكن تجي نحكو
زهراء مشت معاه وهيا ساكته
إسماعيل/زهراء إنتي زعلانه مني؟
زهراء/..لا لا عليش بنزعل؟
إسماعيل/زهراء انا كلمت بنات واجدات لكن عمري ماكنت جاد معاهن ونقول فيها لهن..نقوللهن راني مكسد..بس انتي خشيتي خاطري
زهراء تبحت فيه ومش مصدقه..
إسماعيل/ساعديني نسيب الوجيج هضا
زهراء تبحت فيه باستفهمام/بصفة شنو نساعدك؟
إسماعيل يضحك/صديق وسيتحول عماقريب الى حبيب
زهراء وجهها طماطمه
إسماعيل مسك يدها/ إتفقنا؟
زهراء بلاشعور وكانن يحركن فيها مشاعرها وبلا وعي/اتفقنا
إسماعيل/تمام هي وقت ع محاضرتك ونرن عليك بعدين منلقكش مقفل
زهراء ابتسمت/حاضر ومشت
إسماعيل قعد مستوه فيها لين مشت
وبهكي قوت علاقه اسماعيل وزهره
إبراهيم يحكي لباته وامه/ نبي نخطب رانيا بنت عمتي حميده
سالم/معندش مانع ماتلقى خير منها
سالمه/ماشاء الله عليك تعرف تختار يارب توافق ونفرح بيك
باته/بكره تو نمشي نحكي مع حميده وصلاح..بس لو رانيا ماوافقتش منبش مشاكل كيف قبل كيف تالي
إبراهيم/اكيده ياباتي
سالم/يصير خير
................
انا جايتني ع معاذ منش طايقه بنته بكل
انا/معاذ شيلني لهلي تعبانه
معاذ/شن تحسي وقرب مني صبيت نجري ع الحمام
قعدت نرجع
معاذ/حبيبتي كنك؟
انا/سامحني معاذ منش طايقه الحوش ومنش...وسكتت
معاذ/منكش شنو؟
انا/شي بنعدي نبات كم يوم عند هلي
معاذ/باهي وتي روحك نعدي ننهي كم شغله ونجيك وحبني وطلع
هو طلع ونا خشيت نرجع
شويه ودقت عليا ساره وسلمى
ساره/معاذ قالنا انك تاعبه جينا نقعدو معاك لين يجي
نا/مش طايقته بكل مجرد يقرب مني نبقى نرجع..مسكين وجعني
سلمى/حرام
وقعدنانهدرزو
..............
ع المغرب مشيت لهلي
غاده/شكلك بايته؟
انا/اها بايته
غاده بحتت فيا/كنك؟
نا/عليك لز عيني عينك
غاده/لا والله عليش بايته؟
انا/تعبانه ومنش طايقه بنته
غاده/والجامعه تمشي معايا بكره؟
نا/نبش نمشي بنرقد
نجلا/ههههه مش قتلكم نا منبش نزوج كني نقرا ونا نتوحم.. ولا عندي بيبي نعاني فيه كيف سمر ونقرا
غاده/اصلا مازال ماجا اللي ياخذ قلبك تو بعد نشوفوك شن تديري
نجلا/لا ياحنه نكمل قرايتي ع مهلي وبعدها ملحقه ع الزيزة
غادة/لاوالله قلبك حيرجاك وميحبش لين تكملي قرايتك ؟ تي اسكتي بالله بلا فلسفه
نجلا/حي شهد رقدت
نوضي ياسامطه مرايفه عليكي في واحد يرقد توا
غاده/خليها ترقد حرام تعبانه.. تعالي شوفي فدوى شن دازه
نجلا/الله محلاها عليك طبيعه سمحه حي سوسو تهبل لبستها
غاده/هههه بحتي هاجر كيف مخليه روحها حاله فضحت بيهم
وقعدن يضحكن
............
معاذ قعدت نبرم منش عارف نرقد وشهد مش في الحوش رنيت ع عماد/انت في الحوش؟
عماد/اها قاعد
معاذ/نبي نجي نشوف مصطفى لو مازلتو واعيين
عماد/هههه تي هو في نوم مع مصطفى ولا راحه
معاذ/هي دقايق..ولبس وطلعلهم
تغير يا عماد قعد يشبهلك
مصطفى عالق العياط
سمر/وين شهد
معاذ/عند عمتي..تعال حبيب عمو ومسكه
سمر/بايته؟
معاذ/اها قالتلي تعبانه ومش طايقه الحوش
عماد/ماانضني الاجايتها عليك ويضحك
سمر تضحك
معاذ/تي لاياراجل شن جايتها عليا
عماد/هههههه
معاذ لعب ع مصطفى ورد شقته
زعمه شهد جايتهاعليا صاح
شنو يعني مش طايقتني؟
لا لا لا مغيرفي حوش هلها اتريح اكثر
مسك رن عليا نا كنت راقده
رن ع نجلا/السلام عليكم
نجلا/وعليكم السلام أهلين معاذ كيف حالك ؟
الحمدلله..كيف حال شهد نرن عليها متردش
-شهد من خشتها راقده لعند توا
كنها مريضه؟
لالا قالت نعسانه انوضها لكي؟
لالا خليها اتريح جايتها ع النوم خلاص باهي هي مع السلامه
نجلا/مع السلامه وصكرت..يامينتي خايف عليها كان انا منسيبه بككل
غاده/عد مش بيدها مسكينه
...............
بتت عند هلي يومين معاذ يكلم فياويبيني نروح ونا منبش كنت نهدرز مع ماما والبنات
رن الجرس..
بابا/شهد معاذ جا
انا/اي عليا تو اكيد يبيني نروح
ماما/خلاص ياشهد عيب روحي
طلعت صبيت ع باب المربوعه
معاذ صبا شهدحبيبتي كيف حالك؟
الحمدلله كويسه
معاذ/هيا شهد ألبسي نروحو
نا بدلع/ميدو خليني منبش نروح
معاذ قربني منه/رايفت عليك حبيبتي الحوش شين بلاك
حطيت يدي غ خشمي
معاذ/كنك مصكره خشمك؟
بصوت واطي/مش متحمله بنتك
معاذ تفاجأ/كنها بنتي؟ دبشي نظيف تو كيف داير حمام بعدت عليه.. مش متحمله بنتك سامحني معاذ غصبا عني
معاذ/بكره نروح بيك هي مع السلامه وطلع من المربوعه
طلعت في جرته..بدا يلبس في كندرته جا بابا
بابا/وين يامعاذ بدري تعشى معانا
معاذ/سامحني ياعمي عندي مشوار ضروري غار جيت نشوف شهد
بابا/باهي ربي يعينك
بعد مشى معاذ خشيت الحمام نرجع
ماما/كيف معاذ روح؟
انا/اها طلع
ماما/كنك مامشيتي معاه؟
نا/ماما والله ماني متحمله بنته شن ندير وقعدت نبكي
ماما/خلاص ياشهد هضا الوحم حتى نا زمان كان هكي وحمي
نا/بس اكيد زعل مني
ماما/لالا ميزعلش هو مقدر وعارف خشي تريحي سلم بنيتي
معاذ ركب السياره ومتعقد..اف تو بنبات حتى اليوم بلا شهد زعمه بنتي شينه صاح وقعدت نشم في روحي
وصلت الحوش خشيت ع الحمام طول درت دش وغيرت دبش جديد
طلعت من الحمام اتكيت ع السرير وقعدت نتخيل فيها بجلابيتها الكحليه لما جيتها امبدري..عيونها نعسانات ودايره شعرها ضفيره مرايف عليها جتني رساله
شهد/ميدو حبيبي تزعلش مني والله مرايفه عليك بس منش قادره نقرب منك سامحني)
رديت عليها/لا زعلت
اتصلت بيا تبكي/حبيبي تزعلش بالله عليك والله ما قصدي معاذ
اخ قديش نموت في دلعها قديش مرايف عليها/معقوله تقولي بنتي شينه
شهد/شن ندير كله من وليدك يخلي فيا ندير في تصرفات هبله
معاذ/نحبك ياهبله مش زعلان منك بس مدخلنش بكره نروح بيك
نا بدلع وسحوين/ميدوو
معاذ/دخلنش بيك
............
إسماعيل كان يدق في الحنك مع وحده من ال 100صاحباته وزهراء ترن وترن
إسماعيل/ اسمعي صكري بنرقد
عليا/مزال بدري خليك
إسماعيل/بالعربي صكري بنكلم الجو بتاعي
عليا/مسخفك عيني عينك
إسماعيل/والله انا قتهالك من البدايه نكسد عليك
عليا بدلع مصطنع/حرام عليك نحبك نا
اسماعيل /حبك برص وصكر عليها
يدوي بروحه اسكنت الزف شن هاللصقه
اسلام يلاه/انت فتحتلها الطريق
إسماعيل/دايرلي فيها شيخ مو حتى انت تكلم
إسلام/لا خيك تاب معش نكلم حطيت طرف في راسي
إسماعيل/والله؟
زهراء ترن عليه اخرى وهو يبحت في التلفون/ قولي كيف قدرت معش ترد عليهن
إسلام/رد من اللي ترن هذه؟اسم جديد(كبيدتي)
إسماعيل/ايه تو تقولي في من كنت تكلم
اسلام/هههه مخوفتك
إسماعيل عزق فيه المخده/مسخفك
اسلام/رد رد خوذلك استيكة هزايب
اسماعيل عطاه كارشو وطلع للجنان.. ورن ع زهراء
زهراء من اول مافتحت الخط/فمن كنت تكلم يا استاذ اسماعيل؟
إسماعيل/كنت نكلم في صاحبي
زهراء/شن يبي فيك صاحبك الساعه 2في اليل؟
إسماعيل/يهدرز
زهراء/اسماعيل متكذبش عليا
إسماعيل/كنت نكلم في بنت
زهراء/كنت تكسد عليها كيف ماتكسد علياماه؟
إسماعيل/زهراء انا منكسدش عليك
زهراء/والبنت اللي امبدري حتى هيا متكسدش عليها؟
إسماعيل/زهراء نا حكيتلك بصراحه وقتلك اني نكلم في بنات واجد
زهراء/ترضى اختك يكسد عليها شاب
إسماعيل/اكيد منرضش
زهراء/وكيف ترضى تكسد ع بنات الناس
إسماعيل/هنا عارفات ولاصقات وراضيات
زهراء عصبت بس انا منش راضيه
إسماعيل/انتي مش كيفهن انا منكسدش عليك
زهراء/عليش تكلم فيا باهي؟
إسماعيل/لاني نحبك ياهمي نحبك نحبباااك
اسلام فتح الروشن/صوتك ياحمار سمعت العالم وطرشت البنت
زهراء استكت..وصكرت
أسماعيل قعد يرن عليها زهراء خدودها حمر وتبحت في التلفون ومش قادره ترد
..............
أحمد/سوسو مرايف عليك..باهي اطلعي للجنان
ساره/تبي معاذ يقتلني
احمد/اكيد راقد في سابع حلمه
ساره/قصدك صايرله ارق..شهد بايته عند هلها
احمد يضحك/تي نبي نشوفك معش نقدر
ساره/اسمع تعال نهدرز معاك وتشوفني من روشن داري بس خليك بعيد
أحمد/هيا باهي
ساره/صكر شويه تو نرن عليك نا
وصبت ع المرايا
سلمى غمت التلفون في المخده/لمي شفاشيفك تقول معزوقه فيهن جلاطينا
ساره/ألهي بسي أوس بس
ومشت لبست توته سمنيه لاصقه وطلقت شعرها وجاباته كله ع الجنب ودارت كحل وروح ودارتله رنه وفتحت الروشن
احمد كاين يستني يلا الروشن مجرد فتحت لقاته في وجهها انفجعت
أحمد/بخ
ساره ححطت يدها ع قلبها/فجعتني حرام عليك
أحمد يضحك/محلااك ياسوسو ومد يده ع شعرها ومسك خصله
ساره/حبيبي بعد عليش ناوي
احمد/نشوف السماحه هذه ومنديرش شي؟
ساره/احمد را نخش
احمد/لالا خلاص تو نبعد ومشى بعيد وقعدو يهدرزو ويبحت فيها
اسماعيل دز رساله لزهراء(عارفك تحشمتي بس والله نحبك صاح ومنضحكش عليك وباذن الله حنكسر الشفره وندير شفره وحده اخرى ونكلمك عليها..تو بنفك الشفره ونكسرها معش حتحصليني مجرد نركب شفره نرن عليك..تصبحي ع خير حبيبتي) وطلع الشفره وكسرها وهوا خاش للحوش خبط في احمد وهو يكلم في ساره/تي حق قدامك مش منك هايم في الحب
ساره تضحك/حي عليا هضا اسماعيل تو يفضحنا
احمد/وطي حسك يافرخ
اسماعيل/معش تقول فرخ تو بنصبي تحت روشن دار معاذ ونضبح وصبى قعد دروحها يضبح يامعاذ را ساره تكلم في احمد
احمد/اسكت ينعن شكلك ساره/سكته السخيف هضا
اسماعيل يعيط في عيطة الشلتت/اووو
ابراهيم طلعله/حي ع امك والله باتي ينوض يلزك ياغبي الساعه3
اسماعيل/ههههه وخش داره لقى اسلام راقد وتلفونه يلاه كاين يحكي مع صاحبته(اسيل)وخذاه النوم عدا دزلها رساله (يانور تو بكره نتلاقو) وحط التلفون
وقعد يتنطر/نوريك من الخواف هههههه
وخش رقد
...........
سالم حكى لباته ومفتاح انه ابراهيم يبي يخطب رانيا..
الجد/والله فرحتوني ياعويله ساره ورانيا ماطلعنش برا نشووفكم كلكم قدامي
سالم/بعدين بنمشي نحكي لحميده وصالح
الجد معاذ/تو نمشي معاك انا ومفتاح
عند حميده وصالح رانيا وميسون كيف حالك ياجدو خير ياخالو كيف حالكم..كنكم مكلفين روحكم
حميده تضحك اصلهم جايبين باستي وقزوزه ميسون كرت رانيا/تعالي هنا..باستي وقزوزة..شكلها خطبه
رانيا/كيف شن قصدك؟
ميسون/اسكتي بس تعالي نديرو قهوة ونصنتو
سالم/ياصالح جايك نطلب نسبتك وكان صار نصيب لنا الشرف وكان ماصار نصيب الخطاب 100 والقسم واحد.. وكيف قبل كيف تالي مايتغيرشي
ميسوون/واحد من عيال خالي سالم
رانيا/ياعليك خبر جبتيه من غير عيال خالي سالم عماد ومعاذ متزوجين واحمد خاطب
ميسون/ياابراهيم يا اسلام
رانيا/يارب مايكون اسلام
ميسون/وبلكي اسماعيل
رانيا/ياغبيه اصغر مني..
خوذي مدي معندش وجه نخش عليهم ماشيه داري
صالح/والله مانلقى خير من ابراهيم وخير منكم انا موافق نشوف رانيا وماتطلعوا الا بالرد
ميسون خشت ع رانيا/ ابراهيم
رانيا تنقز ع السرير..واااو واخيرا ياابراهيم حسيت بيا
ميسون تضبط فيها
حميده/خشت رانيا تعالي نبيك
ميسون/ماما احكن يلايا
حميده/مسمطك اطلعي نبي رانيا
طلعت ميسون..رانيا بعباطه/شنو في ياماما؟
حميده/ابراهيم جاي يخطب فيك
رانيا/ابراهيم من؟
حميده/ابراهيم ولد خالك شن رايك؟
رانيا/نزلت راسها وسكتت
حميده/نبي ردك
رانيا بصوت واطي وهي متحشمه/موافقه
حميده اضبطتتها/مبروك يابنيتي ابراهيم كويس ومحترم وولد خالك حيصونك ويحفظك
وطلعت خبرتهم.. شربوا القهوة وطلعوا
طبعا ابراهيم من الفرحه انهبل ودارو غيطه هو واسماعيل وااسلام واحمد
عماد كاين برا/شن في عندكم؟
حكوله ...
عماد/استنو نرن ع معاذ
جاهم معاذ..ودارو غيطه صقع
سالم ومفتاح وجدو جو قعمزو يلاهم..
مفتاح/عقل ان شاء الله هضوما اللي بنزوجوهم
اسماعيل زاد العيار
سلمى تسمع فيهم/اسمعي لنقاني بنمشي يلاهم
ساره/ارجي تو نجي معاك
معاذ جاني روح بيا في اليل وخشيت باركتلهم قبل لا نركب شقتي
ومشن الايام وجن الايام وفاتن 3شهور
كنت ماشيه للعياده نراجع ع الحمل
معاذ/لازم نخش معاك
نا/حبيبي تحكم في مشاعرك يلا الدكتوره بلاش احراجات
خشينا ع الدكتوره ودارتلي الصورة/مازال مش باين لان البيبي ضعيف..لازم تاكلي انتي توا في الشهر الرابع..تو نعطيك دوا للترجيع
كملتلي الدكتوره الصورة وطلعنا ركبنا السياره ومعاذ بيطير من الفرحه/ها حبيبتي فيش خاطرك؟
نا/عصير طبيعي
تكينا خذينا عصيرطبيعي بعدها درس ع محل دبش حوامل
معاذ/انزلي حبيبتي هي نزلت المحل
.............
أوس/باتك وعمك في الحوش توا؟
سلمى/اها قاعدين في حوش جدي اول باب
أوس/تمام ادعيلي
سلمى خايفه/حبيبي توكل ع الله وباذن الله ماتنرد
نزل أوس من سيارة مرسيدس بيضا..لابس سروال كحلي و قميص أبيض وماسك طبق بكلاوة مع تدريسة عماد مروح من العياده لقاه يرن في الجرس
عماد/السلام عليكم
اوس/وعليكم السلام..تفضل
اوس/جاي لمفتاح وباته معاذ****
عماد/وصلت تفضل
خششه المربوعه وخشو عليه الرجاله
كان اوس مطلوق في الدوة
ياعمي/جاي نطلب يد بنتك
مفتاح/تفضل ياولدي بس البنت صغيره واجد
اوس/مافش مشكله نرجاها ياعمي وكان ع قرايتها تكمل عندي عادي نرجاها سنتين3
جدي/يصير خير ياولدي تفضل عرفنا عليك بس
اوس/أوس عبد الرحمن ال***** مواليد ال88 دكتور في الجامعه حاليا نسكن فوق هلي وقاعد نبني يلاهم في الهواري وعزق الكاينه:متزوج من قبل ومراتي متوفيه وعندي وليد وبنيه
..مفتاح انصدم
عماد صبا وسيب المكان وسالم خش وطلع جاب سفرة القهوة
جدي لم الموضوع/تو نسألو وناخذو راي البنت والنصيب اللي مكتبه ربي يصير
اوس حس بان هما تفاجئو. سكت وشرب القهوة وطلع وهو طالع تلاقى مع معاذ ونا مروحين
طلق السلام ومعاذ رد عليه
معاذ/ ضيوف في حوش جدي..انتي عدي عند حوش هلي
خشيت لقيت سلمى ترعش وتبرم في مكانها
وعمتي دايرتلها تحقيق
اول ماشافتني/شهد اوس كان في حوش جدي وطلع دزلي رساله شكله هلك مش موافقين
انا/هو هضا اوس؟ شفناه..لنقانه طرف عمتي بحتت فيا..عندكن علم كلكن امالا؟
انا انحرجت
عمتي/اسكتي ماتفضحش روحك يحسو بيك خوتك يقتلوك
معاذ خش لقى عماد حامق/مبرد وجهه شن يحساب روحه مزوج بعياله جاي يخطب في مواليد ال2000 مهوش واخذها
مفتاح/خلاص انت عليش معصب من قال بنعطوها
جدي......
.......
........
يتبع
شن توقعاتكم شن يصير في اوس وسلمى ؟
وشن رايكم في خطبة ابراهيم ؟ وشن رايكم في حبيبة إسماعيل؟
حنايا الخاطر ومحبة الله افتقدرت تعليقاتكن
أميمه أسامه
#كاتبه_أميمه_اسامة
