قلوب سرقها الحب💔
الحلقه السادسه والاربعون
"
"
خشينا ع عربي سلمنا ساره ترقص في حواجبها اه شكلك داسه حاجه
انا نضحك حطينا الفطور وفطرنا احمد ومعاذ يلمو في الموعين ويجيبولنا في المطبخ.. اناوساره وسلمى وسمر خشينا نغسلو في الماعين
ساره/نكنس الصاله ونجيكن ولعت الكهربائيه جاها احمد /هاتي تو نكنس نا ومسك عصاة المكنسه بدون قصد مسك يدها
ساره ابتسمت /شكرا نعدي نا للمطبخ
سلمى/عارفه ياسوسو عماتي بايتات اليوم
ساره/الله امالا اليوم سهره صباحي..اسمعن شهد وسمر را اليوم مافش مشي لا هنا ولا هنك للسحور خليكن باهي بنات عماتي جايات وجو خلينا نلعبو
انا/هههه باهي شن بتلعبي
ساره/نلعبو لعبة الصراحه
سمر/حي عليكن بعدك عماد صريح ع الاخرهههههه
معاذ خش/سلمى قالتلك جدتي هاتي الوشق يلايا
انامش فاطنتله/عيد فكنا من جو الخزريط ههههه
معاذ/كنك
ساره/اسمع فكنا من قصة المشاوير را اليوم السهره صباحي عماتي جايات ولنقانه بنهدرزو ونلعبو لعبة الصراحه
معاذ/لا تمام قاعد مش طالع نروح من التراويح ونجي بس اهم حاجه مش جدي هو اللي يطرح الاسئله نحس فيه يقرا في الافكار ماشور شي هههههه
نحن/ههههههههه
سلمى/امالا ناوي تكذب هي اسماها صراحه كل سؤال جاوب عليه صح
سمر/حيحي شكلي بننسحب
معاذ/عدي ملحي محد ينسحب
شهد/هههههه انا نقعمز يلا جدو وجديده نتفرج عليكم وانتو تلعبو
ساره/جابتها حتى جدي يلعب معانا واللي يتخلف عن سؤال يحطله حق
انا وسمر/حي عليهم هذه جلسة اعتراف امالا معاذ/تي هو مش بالسيف بس فيها جو بالله عليكن عد ميجش ماتلعبنش معانا؟تي تعال ياعماد شوف مرتك
عماد صبي يجري /كنها
معاذ/يضحك بدت اللعبه من توا
عماد/لعبة شنو؟
سلمى لعبة الصراحه سمر وشهد مايبنش عماد/لنقاني نشفق عليك يكفي اعترافاتي ناههههه بعدك مفلم في اللعبات الفايته من قبل لاتجي
معاذ/تي اطلع برا جايبك تقنعها درت روحك فارس احلامها اللي بينقذها من الخطر
نحن/نضحكو
اسمااعيل جا/دايرين جو في المطبخ من ورانا معاذ/تي تعال ياسموعه شوف ولد عمك مايبيش مراته تلعب زعميتك خايف عليها
اسماعيل/تي عليا الحلال تلعب سمر غصبا عنها تي نا مجهز الاسئله
معاذ/يضحك بالقوة وسمر متخزرطه
معاذ/لا نا بنلعب ومراتي جنبي تلعب معايا وكرني من يدي ولا لا ياشهوده..
اناخلااص نسب فيه احراجات بككل
اسماعيل/تي بشويش ع البنت مسكينه شوف وجهها هما/يضحكو
معاذ/تي بالجو معقوله نقعد نلعب وانتي مقعمزه بعيد ع شان من نا نلعب؟اها
اووو عليا قريب نموت من الاحراج/معااذ خلااص اطلع برا خلينا انكملو الحوسه
اسماعيل وعماد/باهي ياامسخ صار تلعب ع خاطر شهد
كلهم يضحكو
واسماعيل يعيط في عيطة الشباب الشلتت تي تعال يا احمد طلعلنا روميو وجوليت من المطبخ (طبعااسماعيل بارد بكل وبصارته مالهش حدود)
احمد/تي حي عليك من باتي ع العيطه هذ شن قالك؟ اسماعيل/يارا أمتى نزوج سحنوني عيال عمي هضوما؟ نحن مطربقين ضحك
احمد/ههه ايييه اسكت مغير خلي خيك يزوج قبل ويبحت في ساره
اسماعيل/بدا يتنطر ويعيط في نفس العيطه اوواووو جدوو وباته وعمه مع بعضكم/انت يافرخ كما تطلع برا والله نوريك
اسماعيل/يضحك الله غالب عليا خلوني نطلع خيرلي وطلع
جدو/معااذ..احمااد..عمااد اطلعو من المطبخ
ساره/اطلعو هي خلونا نكملو وقت
عماد طلع ومعاذ/بلكي تبن مساعده؟
سلمى تضحك منبوش مساعده مغير اطلع
احمد/باهي خلوني نسيق الجنان
معاذ/يضحك لاتعال نشفطو ع جدي وكره وطلع
انا/ساره شن في بينك وبين احمد
ساره مستوهه
سمر/تي بالرسمي في حاجه
ساره/تي اسكتن مفش شي.. ترا قوليلي انتي كنه معاذ اها؟وتضحك
انا/تي يا انتن عليك احراجات كنهم خوتكن وعيال عمكم ميتحشموش قريب متت من الخزرطه البنات يضحكن
............................ ......
بيسه عدت لفدوى..فدوى باكيه لين قايله بس بيسه/ غار اسمعيني بس والله عندي خطه جهنميه بديت فيها والله نجيبه لك للطريق
فدوى/معاش نبي عليش بيتزوج شن ناقصه؟اها ماهوش مراهق راجل مصنع امنع..ترشف انا شن ناقصني صغيره وسمحه وجايبتله عيال..اها ششن ناقصني وتشهق وتبكي
بيسه/غار اسمعيني بس انتي مثلي مكإنش عندك علم لين انتمو الخطه وبعدها تقوليله سمعت وتديريله قصه وتعدي لهلك صدقيني حيجري في جرتك ويحرم يرفع عينه في مرا
فدوى/مشقادره يابيسه بنموت نحس في روحي
بيسه حضنتها بعيد السو عليك غار وسعي بالك بس تبي تسيبيه لها بالساهل يعني؟ وقعدت تقنع فيها
.................................................
الرجاله روحو من التراويح وجن عمات معاذ ببناتهن وجت تسنيم ..أنا ركبت شقتي غيرت درت حمام حموو..ولبست غطاء صلاة الكامل بإشربه لونه مووف ودرت كحل خش معاذ/السلام عليكم
انا/وعليكم السلام
خش يغير دبشه ونا رنيت ع هلي/اهلين ماما شخخباركم لكم وحشه
ماما/الحمدلله كويسين كلنا
انا/شكلكم مش في االحوش هرجه يلاك؟
ماما/عند عمك محمد وعماتك قاعدات
انا/اوووه من ورانا؟ ياخساره
ماما/تعالي مزال بدري
انا/لامره اخرى مش منسقه للمشيه
ماما/براحتك
انا/هي سلميلي عليهم كلهم مع السلامه
طلعت لقيت معاذ مقعمز في الصاله يتفرج ع التي في/بتعدي لهلك نشيلك؟
جيت قعمزت جنبه/لامش ماشيه عيلتكم ملتمه والبنات يرجو فينا ع القهوة غار ركبت نغير دبشي
معاذ مسك يدي وحبها وهو ماسكها/هيا ننزلو
نزلنا ..
عميمه/هاتي القهوه اهم نزلو
شربنا قهوتنا وطلعنا للجنان طرحنا ديسه وقعمزنا نهدرزو..
اسماعيل/ياجدي سيب الشياب تعال العب معانا
جدو/خاطاني ياليد بنهدرز مع عزوزي وعويلتي ابراهيم/ياجدي بنلعبو لعبة الصراحه..لنقانك ألعب معانا
بنات عماته/هيا ياجدي هياعد لاحق ع هدريز الشيابين
عمامه وعماته يضحكو/باهي باه يامعفنات
صبي جدي قعمزيلانا
الشباب تمو يصفروا اووه جديي.. جدي جديي جدي اواو اسماعيل عيط عيطة شلتت لنقانك صقع ياجدي ..جدو ضربه بالعكوز/تحشم يافرخ كم مره قتلك فكنا من العياط
اسماعيل يضحك /تي اه ياجدي خلاص معش نعيط ساره/انا واسماعيل اليوم نسألو
ساره /جدي شن احلى ايام الاسبوع عندك؟ جدي/الجمعه عشن نشوفكم كلكم ملتمين جنبي ساره/ربي يحفظك لنا ياجدي
ساره/معاذ أين أحلى باشميل شهد ولابشاميل ماما؟
انا بحتت في ساره وبحتت في معاذ
معاذ/بشاميل امي أحلى
كلهم ضحكو
ساره/عماد أين أحلى رمضان اللي فات ولا رمضان هضا؟وعليش؟
عماد يضحك/رمضان هضا اكيد عشن سمر معايا قعدو يضحكو والشباب يشفطو وسمر متحشمه ساره/احمد شن أمنيتك؟
احمد بعد تردد/تكمل شقتي بسرعه عشن نخطب االشباب يشفطو عليه وهو محرج وساره انحرجت ونحن بحتنا فيها عيونها فاضحاتها
ساره/ابراهيم في من كنت تكلم امس في اليل تحت روشن دارنا؟
ابراهيم/حي ع امه ان شاء الله تسمعو فيا؟
كلهم يضحكو/كبسه كبسه كبسه
ابراهيم/نكلم في الجو بتاعي
جدو/باهي ياصايع تضحك ع بنات الناس
ابراهيم متحشم/تي خلاص ياجدي قلتو تبو صراحه اهو صارحتكم
اسماعيل/واو ياساره عليك انتينات ديما خليك حذر يا ابراهيم
كلهم /هههههههههههههههههه
ساره/اسلام شن ابيخ موقف صارلك؟
اسلام يضحك/لا بجد شكلك تشتغلي في الاستخبارات ساره/جاوب را جدي يحكم عليك
اسلام/لا إلا حكم جدي ابيخ موقف صارلي كنت في الجامعه وعاكست بنت شوي عطتني كف!
اطربقنا ضحك
احمد/واو عليك موقف
جدي/تستاهل ياطحان خزي عليك
اسلام يضحك
معاذ/اكيد قصتك ع النت نلقوها
اسلام/خزي يا امسخ اسكت
اسماعيل يضحك/ بنعيط ياجدي ماتضربنش
جدي/والله تعيط نضربك
نحن/هههههه
ساره/شهد برفعة حاجب شن مشاعرك تجاه معاذ؟
شهد
.....
.....
.....يتبع
#كاتبه_أميمه_اسامة
