قلوب سرقهاالحب💔
الحلقه السادسه والعشرون
"
"
غاده/بابا بكره منش ماشيين
بابا/عليش؟
غاده/هك تعبانين ومعندنش نيه
بابا حرك راسه بحيره/باهي براحتكن ورد الباب وطلع انامسحت دموعي بنحاول معش نبكي وكملنا سهرتنا
اما معاذ روح وهله مش قاعدين وكان في المطيخ يطيب في قهوة خشو هله يزغرتو مبروك مبروك اضايق (الله يبارك فيكم ) خذا قهوته وراكب قابلاته ساره تحشمت فنص فيها وركب شقته ..
بعد كم يوم بابا روح بغاده لان تكمل بدري وعمو جا روح بيا انا وسمر روحت عليهم عشن بنطلعو للسوق وطلعنا السوق وروحت ع سمر عمو قالي تو بكره ونا شايل سمرالعياده نشيلك الجامعه
عماد/معاذ امتى بتغير دار النوم؟
معاذ/من قالك بنغيرها؟
عماد/متجيش يارا دار مستعمله غيرها
معاذ/انا عاجبتني ومنبش نغيرها
عماد/من جدك انت؟
معاذ/وانت من جدك مصدق روحك تبيني نغيرالدار عماد/والله عيب عليك
معاذ/والله محد قاللها توافق عارفه مراتي محلهش متوفيه خليها هي نا حنسيبلها الحوش اصلا خليها هي والاثات
عماد/تحسابها ميته فيك را 100 راجل يتمناها
حتى هيا مجبوره كيف ما انت مجبور
معاذ/باهي تمام سهلت عليا المهمه
عماد/خزي عليك كنك رايح لاتطاق خليك راجل ومتحرجنش مع العرب وطلع وسيبه
معاذ/يعني مجبوره تبي واحد اخرى؟ اش دخلني بيها تنحرق ماني فاضي لدواخ الراس
عماد/اتصل بسمر نا كنت جنبها
سمر/وخري وصكري وذنيك حبيبي قليل ادب
نا/خزي حله ولقت غطاها
سمر/اهلين حبيبي كيف حالك؟
عماد/ الحمدلله
سمربدلع/كنك دادي صوتك مش عاجبني؟
عماد/لا مفش شي نعسان وممبدري مصبي ع العمال يركبوفي المطبخ.
سمر/صوره ليا حبيبي
عماد/مفاجئه قلنا
سمر/باهي حبيبي خاطري
عماد/عن شرط عطيني بوسه
سمرتحشمت/عمادبطل سماطه
عماد/خلاص براحتك منش مصورلك..الحوش كله اخترتيه معايا..دار النوم والمطبخ مفاجئه الا لو بستيني سمر/امموواااااه♥نحبك
نا/منحرفه
عماد/او اوه نحبك سمورتي
سمر/هههههه
عماد/اسمعي حبيبتي نا موصي ع دار نوم من تركيا وصاحبي قريب يروح ومعاذ بيوصي ندزلك كم دار نوم دزيهن لشهد تختار وحده عشن نوصي صاحبي سمر/باهي دزهن اهي سمر جنبي
عماد/تمام بكل صكري تو ندزهن هي
سمر/باي دادي
عماد//اخ يا غلا وعيون وحياة دادي امموااااه ♥♥ وصكر
سمر/اخ امتى الفرح بس
نا نضحك عليها مجنونه
سمر/هههههه تعالي شهد بحتي ديار النوم قالك معاذ اختاري
انا باستغراب/معاذ ولاعماد
سمر/كنك معاذ متحشم دازهن مع عماد
انا/اه بعدم تصديق (في نفسي حاسه اني حنعاني اخرى مع سي معاذ)
وجن صور الديار وكانن كلهن يهبلن رسيت انا و سمر ع دار لونها بيضاء كلها واكسسوارتها كرستال اخترتها ودزتها سمر لعماد
سمر اتصلت بعماد/جاتك الصوره؟
عماد/اها احسنت الاختيار سمحه حتى نا عجبتني سمر/باهي دزلي صوردارنا
عماد/لا لا مفاجئه
سمر/مش بستك توا
عماد/ البوسه للمطبخ مش لدار النوم
سمر/سامط خزي
عماد/باهي اساليها تبيها مطعمه بالاحمر ولا المووف؟ يعني الفرش الجبسن بورد..
سمر/باهي تو نسالها وندزلك ع الوتس
عماد/تمام حبيبتي انا بنرقد نعسان مطوليش عليا تصبحي ع خير
سمر/وانت من اهله.
ثاني يوم عماد جا لسمر
سمر كانت تهدرز هي وصاحباتها
صاححبتها امل/مرحبتين اهلا بالطله اهو جا الطرف سمر/تحشمي ع وجهك نغير راني
فاتن صاحبتها/يااي هيا باي نحن ماشيين
عماد/صباح الخيرحبيبتي
سمر/صباح النور كيفك؟
عماد/مشتاقلك
سمر/تسلملي
عماد/مقتيلش شن اللون اللي بطعم بيه شهد دار النوم؟ سمر/ اه سامحني نسيت قالت تبيه موف
عماد/باهي تعالي نقعمزو و قعمزو يهدرزو
غاده طلعت من المحاضره لقت علي مقعمز يشرح لبنت ولبستها تحشم و وجهها باكو الوان..قربت غاده بحتت فيه وبرمت ومشت
علي/غاده تعالي قعمزي..
غاده/الباين انك مش فاضي ومشت قعمزت يلا صاحباتها وخانقتها العبره ومتبش توري
علي جا صبا يلاهن/غاده تعالي نبيك
غاده متسمعش وقعدت تختلق في الاحاديث مع صاحباتها نظام استكراد..
علي صبا وربع ايديه يبحت فيها..
وغاده ولا هي هنا..
على/معلش ياخواتي ممكن تخلونا بروحنا شويه؟
صبن صاحباتها وهي برمت وجهها
علي/غاده كنك شن درتلك
غاده/شن درتلي؟ وباكو الالوان اللي مقعمز معاها؟ ونزلن دموعها
علي/غرتي يعني
غاده/ماغرتش
علي/والله الا غرتي بعدين نا كنت نشرحلها والله مابحتت في وجهها ومانحقش في ولا بنت الا انتي غاده/اضححك عليا
علي قعمز يلاها ومسح دموعها
غاده/شهقت علي وخر كنك انت
علي/اسف ياروحي والله حشمتني وطلبت مني وعد معش نشرح لبنت الا انتي معقوله غاده عندي ونبحت في غيرها..
....
.....
.....
يتبع
#كاتبه_أميمه_اسامة
