قلوب سرقها الحب💔
الحلقه الثانيه والاربعون
"
"
هلي كانو دايرين عزومه مش عاديه ونحن خشينا بالمنفي والبكلاوه والقزوزه والعصير الساعه 12 جا معاذ وعماد يروحو بهلهم وخششنالهم عزومتهم في المربوعه وروحو وقعمزنا
وقعمزنانهدرزو ونضحكو
سمر/انتي قربي هنا احكيلي شخبارك انتي ومعاذ نجلاء/تي حولي قاعده معاك في نفس الحوش احكيلي نا
انا/شن نحكيلكن عيب اسرار زوجيه هههههه
غاده/اه خلاص متقهرينش ياحيوانه
انا/هههههه خشن ماما وعماتي وفاطمه علينا وبعدها خش عمي وبابا انا وسمر صبينا نضبطوا فيهم عمي/شهوده كيف حالك رايفت عليك
انا/ الحمدلله حتى نارايفت عليك ياعمو
المهم قعمزنا نهدرزو وجو لمه وهدريز سمح للفجر بابا و عمي عدو للصلاة وصبو يصلو انا منصلش
عمتي عبير/بكره بعد الظهر تمشن معايا للحناياالسودانيه
انا/منحبهش الحنه السودانيه
عبير/بتاع البخارسمحه مو انتن مروحات بكره امتى بتحنن حنن بالسودانيه ومره اخرى تحنن عربيه بروق سمر/شهد تو نوريك رسمات صقع وقعدت توري فيا انا/سهفتيني ونحن نتفرجوع الرسمات رن عليها
عماد/الو حبيبي نجي نروح بيك ؟
سمر شهقت/دادي كنك اتفقنا نباتو
عماد/مرااايف عليك بككل
سمر/حتى نارايفت عليك وقعدو يهدرزو قليلة ادب عمتي هذ هههههه
سيبناها ورقدنا
نضنا بعدالظهر
عبير/نوضن ياخامرات الظهر اذن عيب عليكن نجلاء/خليني ياعمتي مزال بدري
ماما/بدري من عمرك صبي صلي الظهر ورانا 100 حاجه
نجلاء/نعسااانه وقريب تبكي وخوشو الجوج وماجوج موسى ماسك البخاخ ويبخبخ/نوضو نوضو يوسف/مصبي ع راسي نوضي شهد شهددد شهوودي شهاهييد نوضي
انا/ياحمار انت وهو اطلعوا برا
خديجه/ههههه شهد نوضي الظهر اذن امتى بتحنن ورجالتكن فاطرين هنا
سمر/اه بنرقد دادي ماخلانش نرقد امس
انا/هههههه يادي دادي قطعتينا بيه وصبيت فريحه/صدقت فيك والله
هدى فتحت الرواشن وبصوت عالي خلاص نوضن نوضن وموسى ويوسف قامو بالواجب..نضنا صليت الظهر انا وسمر وعدينا للحنايا وكانت زاحمه عندها وحنينا بتاع البخار وجت حنه سمحه روحنا قبل المغرب بساعه خشينا عمتي فريحه تزغرت/صحه صحه كل شي كان جاهز قعمزنا نهدرزو بعدها جا معاذ وعماد وإذن المغرب وحطينالهم فطورهم في المربوعه مع بابا وعمو ورجالة عماتي وسيف راجل فدوى.. كان فطورنا شربه عربيه ومكرونه بشاميل والبرتقاله و كفته وسلاطات وكان كل شئ حلو نجلاء وهدى نضمن السفر وحاسن فيها تصوير و ينزلن ع الفيس فطرنا ولمينا الحوسه والرجاله عدو للتراويح عماد قبل لايطلع/ترا ياحميده ناديلي سمر
حميده/سمورتي تعالي يبيك راجلك سمر طلعت
انا حزت في نفسي امس يكلم فيها وتوا جاسأل عليها ومعاذ ماعبرني بككل..
عماد/كان مانكلمك ماتجيني بككل
سمر/ههههه بنشوفك ترايفلي ولا لا؟
عماد/ميت رياف نا نسيتيني بعد شفتي هلك
سمر/معقوله ننسى حبيبي وحباته ع خده اشتقتلك ياعمري عماد حضنها وقعد يبوس في رقبتها وسمر ذايبه
غاده وهدى يتباوعن
غاده/هيي عمتي هذ مااتحشم بكل هي وراجلها هدى ضحكت بصوت عالي
سمر/هي دفت عماد عماد وقت ع الصلاه عدي عماد بحت فيها وعيونه ذبلانات مرااايف
سمر/اش البنات يتباوعن
عماد انحرج وطبق الباب وطلع
سمر/خزي ياقليلات الادب ماتحشمن ع وجهكن غاده وهدى/هههههه عد راعي شعورنا عندنا جفاف عاطفي
انا نضحك شكلهن كبسنك
عمتي/سخيفات خزي..انتي كنك ماطلعتي لراجلك؟
انا/نطلعله بش يديرني تفرجه كيف مادارنلك هههههه سمر/خزي عطيتكن وجه عمتك نا
انا/ههههه خلاص انتي سلفتي توا مش عمتي
البنات يضحكن وسمر منحرجه اللي شافنها قعدت تشلط فينا بمنشف المطبخ والبنات يضحكن
وقعمزنا نهدرزو صار وطري طراله وجراله فدوى نست همها وضحكت وغيرت جوها وسيف ريان ترن عليه وتهدرز معاه وبيسه تسمع في الصوتيات
ريان/رايفت علي صوتك لك كم يوم مارنيتش عليا سيف/حتى نا رايفت عليك كيف حال باتك
ريان/بابا تعبان ضغطه عالي نقاني خايفه عليه وتمت تبكي
سيف/اس عليش تتفاولي عليه
ريان/بابا كان تصيرله حاجه مشعارف شن يصير فيا سيف/بلاش مفاوله هدرزيلي شن درتي اليوم وشن جديدك وقعدو يهدرزو
معاذ روح من الصلاه خش الشقه/ الحوش مهبي بلاها ولع التلفزيون ومسك تلفونه رن عليا
انا كنت نهدرز مع البنات مفطنتش للتلفون غاده//علي قالي بنقرا فاتحه بعد العيد بابا مايبيش انا/عليش ميبش
سمر/الله عليك جو تو يوافق خلي امك تزر عليه غاده/ماما حتى هي متبش والمشكله اني منكلمش فيه ومبعدين من بعضنا وهو بينكلب عشن هك قالي نقرو فاتحه
انا/خليه يجي يحكي لعمي حميده تو يقنع بابا
سمر/اها صح تو نديرلك جو حتى نا مع حميده نجلاء/باتن حتى اليوم يابنات مازلنا ماشبعنا من شوفتكن
ماما/شن يباتن عرايس لا ماتباتن
انا/وااو عليك لزعيني عينك
سمر/ههه لا نا بنروح
فريحه رمت فيها المخده
سمر تضحك/مفش احلى من الصراحه
انامسكت التلفون ونا نهدرز لقيت رساله ..معاذ بعد مارديتش دز رساله/شهد كيف حالك الحوش شين بلاك ....
قديش فرحت وابتسمت البنات مركزات/اووووو شكله معاذ
اناانحرجت
غاده/تراوريني شن دازلك
انا/بطلي ثقاله
ماما وعماتي يضحكن
خش عمو/شربتو القهوة؟
فريحه/لا نرجو فيكم
موسى يتعارك هو وسميه بنت عمتي عبير/انا قتلك معش تطلعي في الشارع
سميه/مدخلكش بيا بابا راضي
موسى/صكري فمك معش تعلي حسك عليا
سميه/ياسلاام شن تحساب روحك
موسى شدلها شعرها بلاش قلة أدب والله نشوفك في الشارع نضربك
عمو/موسى سيب البنت عنك
سميه تبكي/ياخالو قوله البليد هضا
حميده/موسى بطل سماطه خلي البنت
موسى/والله ياعمي نشوفها في الشارع نضربها ناحلفت
بابا/سكر فمك تجي شورها نوريك
سميه جت قعمزت في كتر بابا وموسى انقهر وقريب يبكي/ مغير تطلعي من الدار نوريك
عمو يضحك/والله العيل كبر ياخالد نحن صبينا للمطبخ نديرو في قهوه..
هدى/فطنتن لموسى وسميه؟
توقعاتكن شن بيصير في الحلقات الجايه
....
....
....
يتبع
#كاتبه_أميمه_اسامة
