قلوب سرقها الحب 💔
حلقه13
:
:
سمر/عسل والله ونزلت من السياره تلاقت معايا
سلمنا انا وغاده
انا/رايفت عليك عميمه
سمر/حتى نا والله الطب دفنا
انا/مش غير الحمدلله نكمل السنه هذه والجايه ونتريح سمر/الله ياعوينك اه خطرها قاللكم خالد؟(فرحي يوم 20/6 )عماد اتفق معاه وحددو وبعدها دارها ليا مفاجئه انا/مبارك عليكم
غاده/عقبالي يارب هههه بحتت هك لقت علي يضحك سمعها تخزرطت وتحشمت وخشت في بعضها
انا/تستاهلي يامطيوره.. ومشينا كل وحده لقاعتها ومشى اليوم عادي.. غاده تتحاشى في على متحشمه منه وهو يرجى في ردها ع احر من الجمر ..وروحنا في السياره رنت عليا لميس(عرفتوها؟ اخت راشد) رفعت التلفون الوو لميس كيفك؟
لميس/الحمدلله كيف حال عمي خالد وعمتي امال وغاده والبنات كلهن؟
انا/ههههه بخير كلنا كنك تحكي بسرعه
لميس/مشنووقه اصلي في السوق بنعزمك ع فرحي بعد اسبوعين أناواشرف يوم 1/1
انا/مبروك باهي ان شاءالله
لميس/تغيبي نهارك تو ندزلك اسم الصاله غار توا حايسه في السوق
انا/حاضر تو نقول لبابا وباذن الله نجي
(طبعا لميس يعني ديما ع اتصال معاها بالفيس والوتس بس معاش تلاقينا مكالمات بس)
صكرت الخط وانستهت اهو لميس بتزوج هي وخوها اكيد مانسوش راشد بس هذه الدنيا بس نا منش قادره قطع تفكيري بابا وين وصلتي شهد انا في نفسي(كنه زارق عليا)
بابا//فرح من؟
انا/لميس واشرف يوم1/1 تعزم فيا
بابا/ماشاءالله..بتمشي؟
انا/مشعارفه
بابا/حرك راسه يمين وشمال بقهر وصلنا للحوش بالنسبه لسمر روحت تغدت مع محمد وفاطمه ولقت فاطمه مجهزه كل شئ خشت دارت حمام ورقدت ناضت بعد العصر خشت المطبخ دارت طحينة سمسم وسلطه الباذنجان المقلي والبطاطا المقليه بالهريسه العربيه والمكسرات
لبست بلوزه بيضه شيفون ومحدده فتحة رقبتها بالجوبير والاكمام جيهة الايدين جوبير طويلة شويه ومعاها سروال عسلي وطلقت شعرها ورسمت عينها رسمه خفيفه ودارت روج خفييف ونزلتلها فاطمه وقعدن يهدرزن
هاجر/تدق ع معاذ في الحمام هيا حبيبي ديما نتاخروا ع موعد العياده ماصدقت حصلتها الدكتوره يشكروا فيها
معاذ/هي هي ناطالع
عدت هاجر دارتله قهوه وحطتها له في مق وطلعوا ركبوا السياره وولع مدتله هاجر القهوة
معاذ/سلم ايديك تفهمي في الجو
هاجر/ههههه تبي وليد و لا بنيه؟
معاذ/نبي وليد بس مزال مايبانش توا صح ؟
هاجر/حقه ميبانش عادي وليد ولا بنيه انا نحب الصغار معاذ مسك يدها باسها
وصلو العياده وخشو ع الدكتوره وبعد الاسئله المعتاده دارتلها صوره ماشاء الله وضع البيبي 100% لك اسبوعين في الرابع نعطيك فيتامينات انتي منفخه شويه ماتاكليش املاح عشن ميتعبكش الانفاخ
هاجر صحيتي دكتوره هي بسلامه وطلعت هي ومعاذ ماسكين في ايدين بعضهم
هاجر/حبيبي خاطري نمشي حديقة الحيوان
معاذ/توا قريب يصكروا
هاجر/اي توا والله خاطري
معاذ/عليك توحيمه راك تتوحميلنا ع حيوان
هاجر/قديش بارد انت وخبطاته ع كتفه
معاذ/يضحك اسمعي حكي فيا رد بالك تحكي جسمك هاجر/هههه حاله والله
وننزلو تمشو شويه معاذ خاطري نركب فيها اللعبه هذه معاذ/الصحن الطائر؟من جدك
هاجر/باهي خاطري
معاذ/ببطنك هذه بتركبي؟
هاجر/ خيرها بطني خليني بالله عليك
معاذ/هي وركبوا
اللعبه تبرم ومعاذ يعيط سمحه فيها جو والله اخر مره ركبتها سنه سادسه ابتدائي
هاجر/لانا اخر مره ركبتها قبل فرحي بشهر وقفت اللعبه
الشاب/خلاص بنصكرو وقت نزلنا
معاذ/في نفسه(هاجر فرحانه تقول طفله ضحكتها فرحتها فرحت لفرحتها وروحنا)
&نجو لعماد&
وصل حوش سمر وجايب معاه باقة ورد وطبق بكلاوه رن ع سمر الوو سمر انا برا نبش نرن عشن يفتحلش محمد
سمر/هي تو نفتح وطلعت فتحت الباب وصبت تبحت فيه وشافت بوكي الورد من الفرحه نزلت دموعها يهبل خذت منه الباقه تفضل
عماد/طبس يسلح في كندرته وخطف بوسه وخش جاته سمر سلمك جياب ليش مكلف روحك طوقها عماد بايديه ماشي يغلى ع حبيبتي عطاها بوسه في اللحظه هذه محمد دق باب المربوعه سمرىمن الحشمه والخوف دفت عماد ع الكرسي وقعمزت
عماد اطربق ضحك وسمر وجهها احمر محمد خش شن في ضحكك لعند برا وسلم عليه بالاحضان سمر خذت الباقه وطبق الباستي وطلعت تجري
فاطمه/كنك وجهك حمر شن في
سمرمنحرجه/محمد شوي خش علينا في وضع مش هو دفيت عماد طيحته ع الكرسي
فااطمه/اطربقت ضحك وسمر قعدت تضحك
محمد/كيف حال معاذ له فتره مش باين؟
عماد/في طرابلس مرته ماشيه زياره لهلها سمر خشت جايبه سفرة القهوة والحلويات
محمد/باهي نا طالع لصاحبي في المحل اللي في الشوكه هي السلام عليكم وطلع سمر مدت لعماد القهوة وجت قعمزت جنبه
عماد/يضحك هيا الدفه
سمر/هههههه عليك موقف حقير ووجهها انحمر
عماد/قعد يبحت فيها بنظرات شغف تهبلي اليوم سمر/ديما نهبل نا
عماد/صاح من يوم عرفت قعدت مهبول شربوا القهوة وصبت سمر شالت الصفره
فاطمه/محمدطلع اول ميجي نديرلك رنه خلي تلفونك عالي
سمر/الله يربحك بعدك عماد متهور
فاطمه/ههههههه
خشت سمر المربوعه جت بتقعمز جنبه لقت روحها في حضنه قعمزها ع كرعيه كيف ماتمسكي البيبي الصغير كراع يمين وكراع يسار (عرفتو كيف) سمر شهقت..!عماد اطلقني كنك؟ عماد مايسمعش بدا يبوس فيها وسمر متكتفه وخايفه'عمااد الله يربحك سيبني تويخش حميده تبقى فضيحه
عماد/مراتي شن فيها ونزل ع رقبتهاووو
سمر/قعد قلبها يدق ونفسها عالي وتدف فيه حتى كان راجلها ومستمتعه بس خايفه ومحرجه كان تزرق سندس ولا محمد مشاعرها مضاربه..بدن دموعها ينزلن عماد فكها دغري سمر تبكي؟ !
سمرزادت تبكي
عماد/اس اس سامحيني خلاص والله خلاص حولت اسكتي..
سمر تصقم في روحها وخلاص تتمنى الوطا تنشق وتبلعها من الاحراج.. وسيباته وخشت للحمام كملت بكاها وضحكها ع منظرها وتهوره غسلت وجهها وعاودت مكياجها.. وخشت ع فاطمه في المطبخ لقتها مجهزه كل شي
فاطمه/كل شي حاهز ع تسخين اللحم
سمر/هي تو نسخن
فاطمه/عدي قعمزي تو نسخنه وندق عليك
سمر/عادي تو نسخنه نا خلي المجنون اللي جوا يهدى شويه
فاطمه/معش تعزميه
سمر/شعفه توبه
فاطمه/ههههه
محمد رن الجرس وفتح الباب وخش عماد مرتبك بتاع داير فالطه
محمد خشله قعدو يهدرزوا لين جابت سمر العشاء
..
..
..
يتبع
#كاتبه_أميمه_اسامة
