قلوب كسرها الحب 💔
الحلقه السادسه عشر
"
"
قعد في السياره يرجى فيهم .. امه وتت الشنطه وطلعت وركبوا.. هدوء ودموع وصلو في الطياره قريب تقلع واسقدوا
&في مكان اخر&
كانت شهد وامها امال وغاده ونجلاء يجهزن في روحهن ماشيين فرح لميس واشرف
شهد لبست فستان بسيط لونه ازرق ومبتش تدير اي مكياج
غاده/مش حلو فستانك دودي بتاع لمه عاديه مش فرح وع الاقل ديري كحل
انا/غاده والله كما تسكتي نسلح ونحلف ماني ماشيه راني بالسيف نجامل لميس حلفتني بس كان عليا مانبي نمشي وخنقتها العبره
ماما/شيرتلها خليها براحتها
طلعنا عدينا للفرح كانت حنة لميس وزفة اشرف خشت مرات اشرف كانت سمرا شويه بس سمحه وجسمها حلوو فيلوها سمني رقيق وواثقه من نفسها في خشتها وخشت بعدها لميس وكانت طالعه حلوة حتى هي بس مرات اشرف طالعه احلى جني خواتها يسلمن ويرحبن بيا وامه وشالني ع راسهم...
بعدها شفت عمته وفتحيه مقعمزات يلا بعضهن
(فتحيه اللي رقتني في عزا راشد)
جيت سلمت عليهن وقعدن يخطرن عليها كل شي راشد في حياته وفي وفاته ومعش شديت دموعي مشيت للحمام فشيت عبرتي ودزيت رساله لبابا:
(بابا قالتلك ماما نص ساعه وتعال روح بينا)
وطلعت قعمزت يلا لميس شويه هدرزت معاها بعدها ماما تشيرلي تعالي جيتها باتك كلمني توا قال البسن واطلعن
نجلاء/كنه مستعجل؟
انا طبست ع ماما/متزلطينش دزيت رساله لبابا قتله يجينا
ماما/فنصت فيا عليش؟
انا/خنقتني العبره مضايقه
ماما/هزت راسها باهي مفش مشكله هي اطلعن .. روحنا بابا/مستعجلين حسيتكم مطولتوش
ماما/راسي مصدع شكله ضغطي راقي
نجلاءوغاده/ونا نحساب بابا هو المستعجل قالنها مع بعضهن
نا/ضحكت غصبا عني
#عندسمر#
من القايله ترن ع عماد لايمكن الوصول اليه
عماد وصلوا وخشو يعزو مبنش عليه معاذ جا لايهاب:وين معاذ؟
ايهاب/في شقة رياض
قعد معاذ قريب ساعه مطلعش معاذ والناس تسال وين راجلها
عماد/رياض وين معاذ
رياض/سامحني لهيت في العرب هاك مفتاح الشقه وخشله من الباب هض محد شورك راه بالله عليك خليك معاه قريب ينهبل معش عرفت شن نديرله كان ميقدرش يطلع عادي
عماد فتح الباب وخش لقى معاذ مقعمز في الوطا ويبكي ويحكي بروحه
معاذ/هاجر حبيبتي عديتي بسرعه محلنيش شبعت منك كنت نرجى في وليدنا مكنش فيك حاجه فجأه هكي ربي خذاك مني مش مصدق نا..مش مصدق ويشهق ويبكي..شن حياتي نا بعدك..؟عماد متوقعش خوه يصير فيه هكي
عماد/قعمز قدامه هو خانقته العبره عظم الله اجرك ياخيي
معاذ عزق روحه عليه وقعد يبكي بصوت عالي.. هاجر ماتت ياعماد هاجر نحبها منش قادر نستوعب معش بنشوفها
عماد/يبكي قول لا اله الا الله ربي يصبرك ع فراقها ربي يغفرلها ويرحمها وتلفونه قعد يرن رفعه
عماد/الوو شن هالسكنان هضا؟
سمر/..........
عماد/كنك سكنتي ومعصب وصوته باكي
سمر خنقتها العبره/عماد حرام عليك شغلتني من الصبح مش محصلتك
عماد/سمر بعدين نكلمك منش فاضي
سمر/السلام عليكم وصكرت في وجهه ..كنه هضا شن درتله عليش يهزب العتب عليا مشغوله ونسال عنه مارد وفاتاته بكل والله ماني رانه عليه خليه يعرف غلطه عماد/معاذ اطلع للخيمه الناس تسال عليك معاذ باهي نصلي ونطلع هي وصلى وطلع
سمر كانت متعقده في دارها خش عليها محمد
سمر مكلمكش عماد اليوم؟
سمر/كلمني بس مشعارف كنه جوه شين وبعدها تلفونه مقفل
حميده/اها مرات خوه توفت وهو ماشي لطرابلس اكيد مشغول
سمر/شهقت مرات معاذ ياروحي ربي يرحمها..عماد ديما يشكر فيها..متبوش تعدو تعزو؟
حميده/عزيته في التلفون تو بعد يروحو نمشولهم
عندي نا
ثاني يوم عدينه الجامعه ومن اول ماخشينا على تلقى غاده(السلام عليكم )
غاده/وعليكم السلام
علي/ غاده شويه نبيك
غاده/وقت ع المحاظره
علي بحت في ساعته /مزال في وقت عطيني 5دقايق من وقتك..مشو قعمزو
علي/كنك معش رديتي عليا؟ موافقه ولا لا؟ غاده/واطت راسها موافقه بس كيف متفقنا على/خلاص بكره نجي لباتك نخطب
غاده/ابتسمت oK وعدت سيباته.
.....
.....
.....
يتبع
#كاتبه_أميمه_اسامة
