قلوب سرقهاالحب💔
الحلقه السابعه والاربعون
"
"
ساره/شهد شن مشاعرك تجاه معاذ؟
معاذ/بحت في ساره بتفنيص..وانا برضو ووجهي انحمر..وقعدت نصب عرق
اسماعيل/جاوبي ياشهد..
سمر/هههههه شهد جاوبي ومشيها بالجو
معاذ/تما يضحك وكان مقعمز جنبي..قعد يحكيلي بصوت واطي شهد جاوبي..ونا اكثر واحد انحرجت منه هو معاذ
ساره سألتني بلعاني تبي تحركني وتحرك معاذ بس خافت من ردة فعله بس بعد معاذ ضحك تريحت انا/بعد دقايق وتهيالي سنه/انسحبت من اللعبه جدي/اللي يخش اللعبه ممنوع ينسحب تقدري ترفضي السؤال بس ينحكم عليك حكم
انا/نضحك حسستوني في جلسة محاكمه خلاص موافقه
معاذ/متأكده؟
انا/اها متأكده
ساره/سؤال شهد تحول لك شن شعورك تجاه عماد؟
سمر تخزرطت وسكتت شويه بعدها نزلت راسها/نحبه ونموت فيه
عماد تحشم
و بدو الشباب والبنات يعيطو ويصفروا
والشياب يضحكو ومش عاجبهم الحال ساره/لصفاء بنت عمتها/شن هو الموقف السخيف اللي انحطيتي فيه؟
صفاء/اول درس تشريح ليا بعد شفت المجسم قعدت نبكي وماقدرتش وبعد اجبروني قعدت نرجع وقعدو يضحكو عليا
نحن/هههههه
ساره/سلمى/فيش خاطرك؟
سلمى/تفكرخاطري نكون مقعمزه ويخش عليا معاذ ولاعماد جايبلي هديه فون 6
عماد ومعاذ بحتو في بعضهم/مايمشيش من خاطرك يادلوعتنا
ساره/اسملا عليا نا
معاذ/تي ع قيس اسئلتك البايخه كملي
ساره تضحك/تسنيم تكرهي عمتك ولا تحبيهاا؟ تسنيم/هههههه بالجو مانكرههش بس منحبهش
جدو/عيب ياتسنيم عليش؟
تسنيم/ياجدو ديما توجع فيا مهما نديرلها ماهوش عاجبها
عماد رفع حاجبه/تبقى ام راجلك لازم تحبيها تسنيم شيرت ع رقبتها/غصبن عني مانزلتلش من هن عماد يضحك
ساره/فيروز بنت عمتها/شن الحاجه اللي متحبيهش في خطيبك؟
فيروز عظت شاربها وبحتت في ساره.. ساره احكي قاري فاتحتك احكي هههههه
فيروز/المحاظره اللي يعطيها ليا بعد نقوله بنبات في حوش جدو
احمد واسماعيل/لنقانه مكلط خطيبك هض فيروز/هي هي هي كنكم معاه انتو؟
عماد/عليك اللي مش متحمله فيه
فيروز تحشمت ونحن نضحكو
كانت اجواء سمحه
جديده/ياسلمى هاكي فرقي الشاهي صبت سلمى تمدلنا في الشاهي والكاكاويه
اسماعيل/توا دوري نا
اسماعيل/شن أصعب موقف مريت بيه في حياتك ياجدي؟
جده/يفكر..
إسماعيل/ها ياجدي؟
جده/ع مهلك ياولد
.................................................
بيسه روحت من فدوى مجرد طلعت من عندها فدوى خشت رقدت عشن ماتشوفش سيف لانها مش طايقه وجهه
..............................
