قلوب سرقها الحب💔
الحلقه الثالثه والعشرون
"
"
شهد خذيت بندول وخشيت داري وبعدها بابا روح بخواتي وخوتي موسى ويوسف خاشيين فرحانين و دايرين حفله اليوم اخر يوم في الامتحانات
نجلا/نا الخميس نكمل الله راحه نفسيه
ماما/بالنجاح
غاده/الله ياعوينكم
ماما/الغدا واتي غيرو عشن نغرف
خشت غاده/دودي مزلتي زعلانه من امس؟شن في؟ مرديتش عليها وحطو الغدا
نجلا/تعالي تغدي
انا/منبش ناكل
نجلا/غار هيا تعالي كولي طبيخه باميا سمحه بنتها فايحه
نا/عندش نيه كانو يتغدو في الصاله نسمع في بابايقول /ياامال السبت دفع رجاله بسيط وبعد المغرب بيجو هل معاذ يجيبو فلوس دبشها ويتفقوا ع الفرح كلمي فريحه وعبير و سمر و مرات محمد وادويلها تفرد وجهها قدام العرب ومنش دايرين مقابله
غاده/دفع من؟!
بابا/دفع شهدخطبها معاذ خو عماد
غاده/انصدمت وسكتت عشن هكي شهد بتنهبل وخشت غسلت الموعين وبابا وماما خشو قيلو
انا فتحت تلفوني ورنيت ع عمي حميده/ الوو عمو/اهلين شهد مبروك
انا/معقوله هكي؟
عمو/شن اللي معقوله ياشهد لعند امتى بترفضي انا/..........
عمو/ليش تبكي الراجل كويس ياشهد حرام عليك هبلتي هلك..ارضي بنصيبك..ومتزعليش باتك.. باتك بيتهنى عليكن وكان ماهو كويس وماعاندتي واصريتي را ما جبركش
انا/نبكي
عمو/شهد بفكري بعقلك انتي توا خاشه ع ال21 وهذه اخرلك سنة في الجامعه والراجل ممتاز وحالته الماديه ممتازه وهله كذلك وعمتك الهبله سلفتك شن تبي بعدهكي؟
انا/....... ساكته ونسمع في سمر يلاه تقوله عطيها ليا من امس نرن عليها مقفل وساكنه يلا راسه.. بعدها نسمع في عمي يقول باهي اللي رن راجلك وفكني من سكنانك.
عرفت ان عماداتصل بيها
عمو/والله باتك يبي مصلحتك افردي وجهك وافرحي واضحكي وعاطي نفسك فرصه انك تحبي(عموصريح) انا/.............
عمو/ممبدري ساكته حسيت روحي مصلح اجتماعي انا/ضحكت
عمو/واخيرا نزغرت؟
انا/ضحكت
عمو/ايوا هك..خلاص دفعك السبت تو نجيك الجمعه نشيلك السوق تشري حاجه تلبسيها بعد يجو هله
انا/بقهرعندي دبش
عمو/عارف عندك اشري فستان اخرى وتلقيه حطيه في بتاتك
انا/باهي
عمو/هي مع السلامه
انا/مع السلامه وصكرت..
قعدت نفكر بعد شهر بالزبط بنزوج زعمه نقدر نتأقلم مع معاذ؟ وهو حيقدر يتأقلم معايا..زعمه حننسى راشد او حنحبه زي ماحبيت راشد وزعمه هو حينسى هاجر؟..بس معاذ من اسبوع سمر حكتلنا انه منهار ومزال مانسى مرته.. زعمه عمي كلامه صاح نعطي قلبي فرصه؟.. ياربي ساعدني صبيت نصلي العصر ودعيت ربي يجيبلي الخير مفش قدامي حل.. هلي جبروني وحطوني قدام الامر الواقع..
&امامعاذ&
كاين راقد خش هيثم جايب غداء من مطعم قعد ينوض فيه/معاذ هيا نوض العصر اذن ممبدري واالمغرب قريب يذن سكنله لين ناض
هيثم/هياجيعان صحصح وتعال كول معايا
صبا معاذ خش الحمام توضى وصلى العصرو قعمز ياكل بدون ولاكلمه
هيثم/احكيلي كنك،؟
معاذ/جدي خطبلي ودفعي السبت والفرح الشهر الجاي هيثم بهزوه/هضااللي مزعلك ياراجل عطيني العروس ومصاريف الفرح
معاذ/لنقانك حقير
هيثم/اوووه كبد العطيب وغار
معاذ/غرت عينك اصلا ناهبل نحكيلك
هيثم/ياراجل افردها خايف عليك يشوف في حالتك.
لعند امتى بتقعد هكي يعني قلة وكالك وعزلتك في حوشك بتجيب مراتك ولا مراتك حترضى تشوف حالتك هكي؟ انا مقدرضرفك وحاس بيك وعارف ان مفش حديجي مكان حد بس هلك خايفين عليك..فكر في امك اللي توا قافل تلفونك واكيد رنت عليك كم مره مشغوله عليك يرقى ضغط ولا سكر..بيش تشريها..وجدك وباتك انت جربت الفقد وان شاء الله بعد عمرطويل ربي ياخذ امانته..وهم زاعلين منك تقعد تندم في روحك..المفروض تكون اقوى من هكي....
معاذ يسمع وساكت..
هيثم/الحوش حوشك اقعد عندي كيف ماتبي بس نا رايي تروح تبات في حوشكم او ع الاقل تكلم امك تطمنها ..نستاذن منك بندوش وسيبه
معاذ/ والله كلامه صح بس غصبا عني..قعد شويه ورن ع امه /الوو يالغاليه كيف حالك؟
امه/ معاذ وينك سلم وليدي مشغوله عليك روح معاذ/تنشغليش عليا ياامي انا كويس وقاعد عند هيثم امه/امتى جاي؟
معاذ/بكره نصلي الجمعه ونجي بايتين معانا الشباب امه/معاذ انت كويس؟
معاذ/والله كويس يامي تنشغلش علينا تو نغير جوي ونروح بكره
امه/باهي في امان الله
&سمر وعماد&
سمر/شن الخليطه اللي داروها هلك وخويا معقوله مزال في ناس تغصب عيالها ع الزيزه؟
عماد/هضا جدي ديماكل شي غصب والله معاذ قالب الدنيا ومسيب الحوش
سمر/مسكينه شهد حتى هي في حال خايفتهم ميتوافقوش
عماد/ متخافش معاذ صاح عصبي بس طيب وحنون ونحنا جنبهم حنصبولهم
سمر/يسترالله
ثاني يوم الجمعه..
قعمزت ع سفرة الغدا مع هلي ع مضض..نحاول نكون طبيعيه ..بس نا نغلي ع نار ..ممكن نا نحاول نتقبله.
بس نا نغلي ع نار ..ممكن نا نحاول نتقبل الفكره بس معاذ معتقدش.. والدليل انه مادارش مقابله..ونا سارحه مانا/شهدكولي
رفعت الكشيك لفمي/ناكل
كان الجو ع السفره متكهرب..الكل ياكل في صمت..حتى موسى ويوسف اللي قبل يتناقروا
.....
.....
يتبع
#كاتبه_أميمه_اسامة
