قلوب سرقها الحب💔
الحلقه السابع والعشرون
"
"
علي/ اسف ياروحي والله حشمتني وطلبت مني ..وعد معش نشرح لبنت الا انتي تي معقوله عندي غاده ونبححت في غيرها
غاده ضحكت
علي/افرديها خلاص تعالي نفطروا
غاده/علي وقت ع جية بابا ولاعمو منقدرش
علي/باهي ندير فاتحه كمهضا
غاده/لا فاتحه لا وبعدين هلي حايسين فرح سمر وشهد خطبها خو عماد
علي/ماشاء الله نسقد روحي ونكمل شقتي امالا غاده/نحس فيه مزال بدري
علي/كيف مزال بدري لنا قريب سنه مخطوبين غاده/باهي وقرايتي؟
علي/عادي تكملي قرايتك شن المشكله
غاده/باهي ان شاء الله خير
ومشى يومنا عادي
ساره تحاول تصالح معاذ ومتحشمه منه وخايفه وهي في المعهد(معهد لغات) كلمت عثمان من تلفون صاحبتها
عثمان/الو من معايا؟
ساره/ ساره نسيتني
عثمان/شن خطرني عليك ولا ولد عمك سيبك؟ ساره/عثمان شن الكلام هضا انت سمعت اللي صار ونا مكنتش نعلم ان حاط عينه عليا وبعدين معاذ كسرلي تلفوني معرفتش كيف نكلمك
عثمان/تضحكي عليا ياساره يعني مقدرتش تكلمي من تلفون اختك ولا امك ولا كيف ما اتصلتي توا
ساره/والله كنت خايفه معاذ دقدقني وكان يعلم عماد وبابا يكملو عقابي وكان عندنا دفع مافضيتش ليا كم يوم غايبه ماعديتش المعهد اليوم بس مشيت عثمان/برضو مش مصدقك
ساره/نزلن دموعها باهي ياعثمان براحتك متصدقش عثمان/دايرتيني سكورطه بعد فاتك ولد عمك خطرلك ترديلي
ساره/عارف ياعثمان اصلا انا غلطانه ونستاهل اللي خسرت ثقة هلي عشانك دبنك تشك فيا متلزمنيش عثمان/ايوا اقلبيها عليا توا
ساره/خلاص عثمان اللي بينا انتهى وانسى ساره وكان تنقلب السما ع الوطا متفكرش نردلك..
وصكرت عليه وقعمزت تبكي..خزي حقير والله نشعفه عليها تو نوريك ياعثمان قسما بالله حتى تجي تخطب نرفضك مش نا اللي تدوي معايا هكي.
سلمى/خلاص ياساره حامق بس تو يفطن لروحي وتلقيه يجري في جرتك
ساره/خليه ينحفن كرعيه والله معد معبرته وكان شن يدير واول خطيب يجيني كويس نوافق عليه خليه يتأدب..
بسمه صاحبتها/مغير وسعي بالك
ساره روحت متنكده خشت لقت معاذ مروح لحقاته برم وجهه عليها وركب شقته لحقاته
معاذ/اش تبي جايه
ساره/بنحكي معاك
معاذ/نبش نشوف خلقتك وجا بيسكر الباب
ساره تبي تأثر عليه/معاذ بنحكي معاك كلمتين منندريش ع روحي نعيش لبعدين والا لا
معاذ سيب الباب وخش
ساره تبكي/معاذ انا اسفه سامحني والله معد نديرها انا غلطت بس معد نكررها بالله عليك سامحني معاذ عاطيها بالظهر وميردش عليها
ساره/معاذ سلم خيي سامحني والله معاد نحكي مع راجل الا راجلي وعد والله وعد
معاذ/ساره عارفه كان ماتطلعي نضربك را مزلت شايل عليك وواجعتني منك
ساره/اضربني بس سامحني حرام عليك ربي يقبل التوبه ويسامح انت متسامحش
معاذ/خلاص باهي انزلي بس والله ياساره راك تحت المراقبه نشوف عليك شي نهارك ورد بالك نشوفك تهدرزي مع احمد
ساره/ حاضر
معاذ/هي اقلبي وجهك وخوذي الباب وراك
ساره طبقت الباب ونزلت تجري حست روحها ريحت ضميرها..
ومشن الايام وجن وساره حتى لما اتلاقى يوم الجمعه ب احمد لاتبحت فيه ولاهو يبحت فيها ومعاذ ميحكش معاه ومش عاطيه وجهه ..
وانا وسمر كملنا حاجتنا كلها..
عماد يحكي لمعاذ/الاسبوع الجاي يوصلن ديارالنوم معاذ/مبارك ربي يهنيك
عماد/وصيتلك ع دار
معاذ/عليك سكنان الزح متفهمش داري تذكر فيا بهاجر منبش نغيرها
عماد/تو بتزوج وعقلك مع المرا الاولى.
معاذ/انتو اللي اجبرتوني ع الزيزه انا مزلت نفكر في هاجر
عماد//سلم خيي حاول مع نفسك الدار عطيها صدقه لحد بيزوج ومحتاج وتكون صدقه باسم هاجر حاول صدقني البنت كويسه وحتتاقلم معاها متظلمش نفسك
معاذ/انتو بديتو هالمهزله كملوها انا ماشي لهيثم كم يوم وعزقله مفاتيح الشقه
عماد/يارب صبرني باهي المهم حصلت منه موافقه عماد اتفق مع عيال عمه يجيبو مصريه ينظفوا الشقه ويديروله جبسن بورد ويدورو حد يعطوه دار النوم القديمه عشن لما توصل الدار الجديده يكون كل شي تمام وبدو العمل على قدم وساق وكان الترتيب ع سلمى وتسنيم وساره وجن الديار وتركبن..والتموا العيله.. مزال اسبوع ع الفرح..
وعمي محمد قال لبابا حوشنا واسع تعالو ديروا الفرح في حوش العيله انتقلنا في حوش جدودي الله يرحمهم بس خليت بتاتي ودبشي في حوشنا
&اليوم الاثنين تفريش شقتي نا وسمر&
قسمنا روحنا فدوى وعمتي عبير ونجلا وصبية عبير وامل صاحبة عبير شقة سمر وعمتي فريحه وفاطمه وغاده و 2 من صاحباتي وصديقة ماما شقتي نا طلعوا بعد أذان العصر وااستقبلوهم هل عماد و معاذ احسن استقبال واحسن تقديم نجلاء..تو نصور بالكاميرا شقة سمر وبعدها شقة شهد..كانن الشقتين رووعه وكبار كملو ع اذان العشا..وخالات عماد وعماته دارن وخواته دارن جو تشتاي ورقيص مش عادي وكان الصوت طالع في الفيديو..نجلاء صورت فيديو وصور عاديه..وروحو بالتبييب وخشو دارو جو مش عادي..
......
........
......
يتبع
#كاتبه_أميمه_اسامة
