قلوب سرقهاالحب💔
الحلقه التاسعه والاربعون
"
"
بحتت في الصوره وفي لحظات مر قدامي شريط ذكريات راشد..ولاشعوريا ابتسمت و نزلت دمعتي ونطقت رااشد..مافطنتش الا ع كفف
فطنت لروحي ورجعت للواقع ع الكف..آآه انصدمت..ومن قوة الكف شوي طحت وراسي رج حطيت يدي ع راسي ونبحت فيه نظرات عتاب ونبكي منش قادره ندوي..مش متوقعه يمد يده عليا
معاذ/احكي من الفاسد هضا؟ومسك شعري ويكر فيا..احكي هضا السبب اللي خلا هلك يغصبوك عليا
انا/آآي راسي سيبني..كنك انت مجنون
معاذ/اها مجنون بسبة هالشلتوت هضا مكنتش تبي تزوجي احكي والله ياشهد تطلعي متلاقيه معاه في الجامعه بعد ازوجتي اقسم بالله نقتلك..احكي مزلت ماسك روحي را..وعاود المنبه يرن اخرى عزقه بكل قوته ع السراميك لين ادششت الشاشه..
انا/بقهر شن نحكي؟ للاسف راجلي مهوش واثق فيا..وبصوت عالي/حوول يدك..ومش عارفه كيف ربي عطاني القوة بطوله بعرضه دفيته من عليا
معاذ/وطي صوتك ياحقيره
انا/منش موطيه صوتي..واحترم نفسك..مش انا اللي تدوي معايا هكي..ونحكي بعصبيه وقهر..هو مصدوم ويبحت فيا الملاك الهاديه اللي صوتها ماينسمعش تلعلع قدامي..اللي تحكي عليه ميت..ميت..هضا كاين راجلي و مقريه فاتحتي وتوفى قبل فرحي بأقل من اسبوع..وزدت نبكي وانهرت..مش انا اللي ندير هكي؟مادرتها ونا في حوش هلي..يابال توا في حوش راجلي..لكن للاسف راجلي مايعرفش عليا ادق التفاصيل مايعرفش ان فاتحتي مقريه من قبل مايعرفش عني شي..لأني مانعنيلش شي..ومحوتك ندوي مايعرفش عني شي..تسأل عليش مغصوبه عليك؟ونشهق .. حاولت نساير ونمشي..ونتناسى وننسى ونبدا حياه جديده ونحب من جديد.. ويكون في علمك البرنامج هضا له واجد دايرته من فاتحتي ونسيته بكل..نسيته وتناسيته ونسيت نحوله لاني قعدت ع ذمة راجل وتشك فيا..تشك فيا يا معاذ؟تشك فيا نا وتمد يدك عليا؟ معاذ يبحت فيا بندم
سمر/حبيبي شن تبي الفطور؟
عماد/اي شي من ايدياتك سمح..ويلبس في كندرته.. سمر/باهي جيب معاك عصير عنب وانت جاي عماد/عيوني لك حاجه اخرى..
سمر/سلامتك وباساته
عماد/اللهم اني صائم
سمر/صوت هرجه ولاتهيالي؟
عماد/وين وفتح باب الشقه
سمر/حي شهد
معاذ/خلاص ياشهد انااسف
انا/اسف وين نصرفها اسف اطلع برا
معاذ قرب منها ودموعه ينزلن/اسف ياشهد والله اسف من غيرتي عليك مافطنتش لروحي شيطان والله خش بينا سامحيني
انا/حوول متقربش مني..حو..ول ومعش فطنت لروحي ضربت السكريات طاحن ادششن
سمر تبكي/دق عليهم ياعماد
عماد/خلاص خليهم سكتو شويه وندق عليهم راجل ومراته يتعاركو عليش الاحراجات
انا/شي..ل.لني لهلي
معاذ/ياشهد استهدي بالله وجا بيحضني
انا/قتلك شيلني لهلي دبن..ك شكيت فيا..ومديت يدك خ..لااص اللي بي.نا انتهى
معاذ/شهد سامحيني انااسف والله نحبك والله غرت وفرت مافطنت لنفسي
انا بعصبيه مسكت طاسه اللميه وخبطتهاع المرمره بكل قوتي ادششت وانجرحت/للاسف حبك جا متأخر..شيلني لهلي قتلك..قتلااك شييلني ونشهق ونبكي ومعش فطنت لشي
دخت..معاذ يجري للدار وجاب العطر
عماد/خلاص سكتو خشي اكيد تراضو بعدين معاذ حسه مش واضح وشهد تلعلع..غريبه ساكت معاذ عهدي بيه عصبي
سمر/شهد عارفتها ماعصبت الا في شي كبير
عماد/تعالي غار مترعشيش روحك وحط يده ع بطنها بشويش ع وليدي
سمر تضحك/وليدك؟تو انت اجزمت اني حامل
عماد/تو بعدين نديرو تحليل..تو نطلع نكمل شغلي مش حنطول
سمر/باهي رن عليه حسني مشغوله وقعدت ترن عليا..تلفونها مقفل
عماد/والله ماتخافي هي
تو نطلع ونرن عليه وطلع
معاذ/علي مادار فيا مبتش انوض لفلي يدي ولبسني عبايه وطلع بيا المستشفى
معاذ/كني غبي نا منعرفش نصرف ويلوم في نفسه..رن تلفونه /الو عماد
عماد/انت وين؟
معاذ/مش في الحوش
عماد/كنك انت وشهد صوتكم طالع
معاذ/انا مشغول توا بعد نروح نرن عليك
عماد/باهي شهد وين
معاذ/كنك دايرلي تحقيق
عماد/سمر تبيها
معاذ/معايا في السياره
عماد/وين ماشيين رد بالك تشيلها لهلها
معاذ/عماد والله ماني فاضي خليني نكمل اللي في يدي ونكلمك
عماد/يامعاذ متشيلهش مره وحده في حياتك اسمع الكلام
معاذ/تي مش شايلها لهلها ماشي بيها المستشفى
عماد/كنهاشن صارلها
معاذ/ياعماد ارحم ولديك والله مانحق قدامي نطمن عليها ونكلمك وصكر..اف..زحمه..بيب بيب وخطرعليه موقف هاجر لما مشى بيها المستشفى قعد يبكي
نزل وخششوها وقعمز يرجى..وعماد ساكن بالرن داره صامت وفاته
د/انت زوجها؟
معاذ/اها كيف حالها؟
د/كويسه ناضت وعالقينها تغذيه شويه وتكمل.. ممكن اتفضل معايا؟
معاذ مشى معاه خشو الغرفه..الدكتور/معلش يا استاذ اعتبرني كيف باتك انت اللي ضاربها
معاذ دنقر راسه
د/ومنيش مجروحه؟
معاذ/بعد ضربتها عصبت وقعدت تكسر انجرحت
د/خوذها مني نصيحه نا كيف باتك الضرب ميجيبش نتيجه مايجيب الاقلة الاحترام وفي النهايه الانفصال
معاذ/هز راسه نقدر نخش عليها؟
د/بعد تكمل التغذيه خش بس تحملها لان نفسيتها تاعبه وعلى ماسألتها مابتش ترد ومدله الروشيته
معاذ/شكرا يادكتور وطلع
قعمز متعقد من روحه..طلع تلفونه لقى كم رنه من عماد..رن عليه
معاذ/ايوه
عماد/ها كنها شهد
معاذ/صارلها انهيار عصبي..تو شويه ونروحو
عماد/تي شن درتلها يامعاذ؟
معاذ/ياعماد متزيدهش عليا سكنت راك تو نروحو ونرن عليك
عماد/باهي نرجى فيك
سمر/كنها شهد؟
عماد/صارلها انهيارعصبي
سمر تبكي/مش قتلك نا عارفتها دودي مايطلع صوتها الا بكاينه..ليا كم حاسه في شي
عماد/خلاص ياسمر تو يروحو ونفهمو بس وسعي بالك
....................................
