قلوب سرقها الحب💔
الحلقه الرابعه والعشرون
"
"
معاذ روح من الجامع خش/ السلام عليكم
كلهم/ وعليكم السلام وجاته امه تجري اضبطها وجا حب ع يد وراس باته/سامحني ياباتي وحب ع يد وراس جده/سامحني ياجدي وحب ع يد وراس جدته وعمه سلمى جاته/رايفت عليك اضبطاته
وجاته ساره/وحشتني
قعمز ساكت وحطو الغدا تغدا معاهم وركب شقته مسك تلفونه يتفرج ع صور هاجر لما عدو للبوسكو في طرابلس وكالعاده دموعه خاناته..
سلمى وساره كالعاده حاصلات في المطبخ
ساره/الله تو تجينا تسنيم بعدين
سلمى/اها وبايته عشن بكره الدفع كملن المطبخ وقعدن يهدرزن بعدها ساره رن عليها عثمان خشت الجنان وردت وسلمى طلعت تبخر
ساره/محلنش خذينا ع بعضنا عشن تجي تخطب عثمان/بعد الخطبه تو ناخذوا ع بعضنا
احمد لقى فرصه سلمى طلعت تبخر وساره بروحها في المطبخ..
خش ويسمع في ساره/عثمان تو هلي ماهمش فاضيين فرح خوتي الاثنين وبكره دفع بعد الفرح تعال اخطب
احمد انصدم خش الجنان وصبا قدامها وهي مفطنتلش ماشاء الله عليك ياساره..مش عاده الرجاله اللي في الحوش..
ساره خافت وانفجعت وانصدمت وطاح منها التلفون احمد مسك يدها/9 رجاله معاك في الحوش وتكلمي بكل جرأه..
ساره انصفرت..
احمد انفصل وكان عاز عليه البكا دفهافي التركينا .. خساره خساره..خساره نحبك وكاتم في صدري ومنبش نخون عمي وخوتك..
ساره مصدومه ودموعها ينزلن..
احمد صوته علا معاذ في داره فتح الروشن يشوف شن في
احمد/نحبك ومنش قادر ندوي وخايف تنخطبي ونقول عيب خلي لين ندوي لباتي ونخطبها وللاسف تكلمي في شااب للاسف مش مصدق
معاذ نزل يجري وخش عليهم هاد كيف الثور
احمد/نحببب ويجيه بوني يطيحه..
ساره شهقت ويعطيها معاذ كفف ويلحقلها بكف اخرى وطبس ع التلفون ولقى الخط مفتوح.. فهم القصه كلها/ خزي يا#####والله نطلعك من تحت الارض ورمى التلفون طاح دشاديش
وكر ساره من دبشها وراكب بيها للشقه من الجنان من لاورا يبيش حد يفطن..
احمد جا في جرته بيحز عليها..
معاذ عطاه بوني اقسم بالله فسختك نشوفها قدامي وحق من خلقني و خلقك نكسرك بين ايديا وركب بساره خششها وبدا فيها..سلح سيره وحط غله وقهرته فيها.. وساره كيف الخرقه..عمره مارفع يده عليها..من كثرماهي مصدومه وخايفه ومحرجه مش قادره تدوي دموع وبس
معاذ/خزي عليك طيحتي وجهنا ياقليلة الادب عثمان من جيهه واحمد من جيهه وسيبها وطلع من الحوش بكل ساره/من كثر الضرب مهيش قادره تصبي قعدت تسند للثلاجه وخذت ثلج وقعدت تدير في وجهها وتبكي/يافضيحتك ياساره كان يشوفني بابا ولا عماد يكملو عليا احمد طلع برا الحوش واتصل ع سلمى
سلمى/اللوو تي انت وين يا احمداللي ترن
احمد/اسمعي را معاذ كبس ساره تكلم
سلمى/هي حي عليها
احمد/لحقي عليها قاعده فوق في شقته
سلمى/ححي عليا نقدرش يضربني معاها
احمد/ اركبيلها هو طلع توا
سلمى ركبتلها ودقت.. ساره ترعش حي عليا جاي يكمل عليا حيقتلني
سلمى /حلي ياساره حلي
فتحتلها..اضبطتها وتبكي/كم مره نبهتك وقتلك معش تكلمي
ساره/مش ناقصتك توا كيف عرفتي؟
سلمى/احمد قالي
ساره/الحقير كله منه
سلمى/كيف؟
ساره حكتلها
سلمى/صبي اغسلي وجهك وانزلي قبل لايجي يكمل عليك
ساره/وجهي معلم
سلمى خذت خافي عيوب من دار معاذ ودارتلها وجهها هي انزلي دارك مش باين محد حيفطن ونزلن وخشت ساره دارها ورقدت
حليمه/وين كنتن؟
سلمى/كنت انا وساره عند معاذ نحددله في قميص حليمه/مزال قاعد معاذ؟
سلمى/لا طلع توا
جدتها/سلم خياته تعالي جنبي وينها ساره
سلمى/ناعسه خشت رقدت سلمى حطت راسها ع كتر جدتها وقعدت جدتها تلعبلها في شعرها لين خداها النوم
انا جاني عمو و شربنا قهوة العشيه وطلعنا المحلات وشريت قفطان ع ذوق عمو لاني بصراحه بالي مشوش معرفتش نختار.
يتبع.. قراءه ممتعه جميعا 🙈😍
...
#كاتبه_أميمه_اسامة
