قلوب سرقهاالحب💔
الحلقه الثامنه والاربعون
"
"
انا وجهي تغير/مفش سبب كنت رافضه الزواج كيفك وغصبوني بعدها رضيت
معاذبحت فيا وتنهد بضيق/ انا راكب وسيبني وركب
طلعت من المطبع/ياعميمه وين القصاعي
عميمه/هي جايتك... سلمك عصاده يعطيك الصحه يابنيتي
اناعايشه الدور/سلمك ياعميمه
عميمه/سامحيني ياشهد عمي ماخلانش نصبي
انا/عادي ياعميمه مفش مشكله..وحطيت يدي ورا ظهري(خباثه)
عميمه/ظهرك اكيد كميه والله عمي انهبل اليوم
انا/ههههه عادي عادي مشت بالجو
وقعدت عمتي تحط في العصيده/رني ع معاذ قال بعد يوتى السحور قولولي
انا كاتمه ضحكتي ونرن/طوط طوط ألوو معاذ السحور واتي انزل قبل لا تسقع
معاذ/عليك تمثييل شرايني هي معصده
انا/ههههههه باي
ياكلو سلم ايديك ياشهد ماشاء الله عليك عصيده معاذ ماسك ضحكته ..
....................................
معتز بدا التحريات بتاعه..فدوى ناضت قبل الفجر عيونها مشلشلات من البكاء.. وتت السحور وجابتله.. سيف/كنك ماتاكلي؟
فدوى/معندش نيه..وناض عبدالله قعمزت ترضع فيه سيف شال السفره/كنه حبيبي زعلان ؟ فدوى قلبت وجهها
سيف/كنك فدوى
فدوى بقهر وماسكه دمعتها/مريضه
سيف طبس عليها/لاباس شن تحسي؟
نزلن دموعها/شي صداع وليه ومضايقه
سيف حط يده ع راسها/منيش مضايقه؟
فدوى انهارت بكاء/مشعارفه قلبي غامني مضاايقه..
قعد يهدي فيها/وسعي بالك امبدري كنتي كويسه مو صاحبتك جاتك شن في صاير حاجه بينك وبينها
فدوى/مفش شي بينا انا مضايقه من الصبح وقتلها تعالي غيريلي جوي جتني نحساب جوي يتغير بعد عدت رديت كيف ماأنا..
سيف/باهي بالك تعبانه مع الصيام وضغط العيال كان بتعدي لهلك تغيري جوك نشيلك
فدوى (خزي بيفتك مني بش يففضاله الجو بس نا مش طايقته حنمشي ونسيبهاله واسعه)
سيف/هاحبيبتي متبيش براحتك بس قلت بالك يتغير جوك نحس فيك لك كم يوم مش تمام
فدوى/اه شيلني لهلي
سيف/خلاص تو نشيلك بعدالظهر معش تبكي..هي الفجر اذن وصبى للحمام
فدوى/غمت وجهها في المخده وتهزب بالصوت حقير نذل كذاب قليل ادب ..اقطع اليوم اللي شفتك فيه بس ماسمعهش يسمع فيها تبكي ومنهاره بس شن تقول مايسمعش
وصبت صلت وعزقت روحها ع الفراش ورقدت
................................
ساره/تي تعالي هنا..من عصد؟
انا/امشي متكلمينش هضا سؤال تسأليه ليا قدامهم يا بايخه
ساره/ههههههه شن نديرلكم لازم تحتحتي انتي ولا هو
انا/ابرد منك ماريت
سمر تضحك/عادي يادودي كنتي جاوبتي كيفي
انا/عد انتي مااتحشمش
سمروساره/هههههههه
سلمى/سلم ايديك بس تهبل العصيده نحسابك متعرفش تديريها
سمر رفعة حاجبها/شهد من امتى تعرفي تعصدي انا/هههههه من يوم تزوجت معاذ
ساره/هضا دليل ع ان خويه يعشقك مش يحبك بس
سمر/تي تعالي هنا يايعشقك شن في بينك وبين احمد؟ ساره/مفش شي
سمر/ع من باين في عيونك وعيونه وحتى معاذ حسيته فاطن
انا/اها معاذ تعقد امبدري بعد اسماعيل سأل من بتخطب احكي شاطره مغير تزري فينا
ساره/مو اصلا معاذ عارف وقعدت تحكيلنا
انا/وااو عليك موقف باايخ
ساره/يا ناعليا قريب قتلني للان ماننساها الطريحه سمر/شن دار في احمد امالا؟
ساره/حتى هو ماسلم ومن يومها وهو بعيد و نا بعيده انا/معاذ حنون بس وااعر نحس فيه تعرفي مرات نخاف منه
البنات/هههههه
عماد ومعاذ روحو من الصلاة/انتو ماشبعتوش من الهدرزه
ساره/قل اعوذ برب الفلق حسد عيني عينك ماعطيتونش نفس نهدرزو
نحن/هههههههه
عماد/خلاص نعسان مش حنقدر انوض نعدي الشغل بكره
معاذ/نعساان ومتكسسر
انا/هههههه
ساره/مش منك وضحكت حلال نبص فيك
معاذ/تي وقسما برب العزة بعدها نهارك والله يا ساره
عماد/اووو شن في؟
ساره/سر بيني وبين معاذ
عماد/سوسو نجيبلك اللي تبيها شنو؟
ساره/معقوله نفشي السر عارفتك خيي العسل تجيبلي اللي نبيها من غير مقابل
معاذ/اوو مزلط زلطاتك
مفتاح/معاااذ اركب شقتك خلاص بنرقدو حسكم عالي
عماد/اوو يا مهززب هههههه
مفتاح/عماد معاذ خوذو صباياكم واركبو را والله نحلفلكم مانهن راكبات
نحن/ههههههههه
معاذ/حي علينا باتي فصل
عماد/هي سمر باتي بعد يفصل متعرفش
مع خشت باته/تي ياراجل الضي طلع و حسكم عالي تي أعقلوا صدعتونا هي قدامي انتم الاثنين
ركبنا ونحن ماسكين ضحكتنا
معاذ نعساان لنقانه واعر السهر خاطري نغير الروتين انا/هو هك رمضان جوه تعب بس حلو..هي خش ارقد تصبح ع خير
.............................
