قلوب سرقها الحب💔
الحلقه الخامسه والاربعون
"
"
غطيت معاذ ببطانية المكيف وطفيت الضي وخشيت داري رقدت
مشى الاسبوع الثاني من رمضان وسيف كل يوم يهدرز مع ريان من باب الصداقه ومعجب بيها هو وهي حاطه عينهاعليه تبي تطيحه .. ريان كانت لابسه لبسه مزرطه وعابيه جايه لسيف في المحل وتت روحها وبتطلع من الباب مع جية خوها متزوج بيفطر عندهم هو ومراته وعياله شاف لبستها
ناصر/وين طالعه؟
ريان/ماشيه المحلات بنجيب دبش ناقصني
ناصر/انتي متشبعش من الدبش؟كل يوم طالعه تشري؟ وبعدين شن هاللبسه؟ مفش طلوع
ريان/انت كنك محشش عليا بابا قالي باهي
ناصر/وناقلت لا عندك مانع؟؟اشري دبش ع العيد مره وحده
ريان/تي حول مدخلكش بيا
ناصرعصب عليها/وجبذها من يدها فصعها لها/وديني كان ماتخشي جوا وتكسري الشر اليوم نكسرك.. طول النهار خيطي ميطي بهالسياره خشي جوا ينعن شكلك باتها يسمع فيها من داره/رياان اسمعي كلام خوك وخشي
خشت دارها وهي تبكي
ربا/تستاهليها يامعفنه مااتحشمي ع وجهك ريان دفتها اطلعي برا ترا اطلعي وتبكي
ربا/حلال نحكيله ناصر ع حقارتك خليه يأدبك ريان بالصوت العالي/اطلعي برااا اطلعي خزي عليك تقول مانك اختي وصكرت بالباب بالمفتاح
امها/كنها هذه؟
ربا تغير في الموضوع /متعدلش عليها ياماما فوتيها ناصر/ياامي هذه كيف خاشه طالعه شن تبي فيهن المحلات مالهش شي كاينه في المحلات امه قطغت شواربها ودارت فريتشات في عيونها كله متبش يحكي قدام مراته/حرام عليك يانصيره كنك معاها(ترقع قدام كنتها)خيتك دفع صاحبتها بتجيبلها هديه
ربا خشت المطبخ/زيدي خربيها ياامي زيدي
انا نمشي الاسبوع هضا كله الجامعه وهضا اخر اسبوع لبعد العيد زدت تعلقت بمعاذ وهو خذا عليا حتى هله فرحانين اللي قعد يهدرز ويضحك من وفاة مرته وهو حابس روحه ومايخلطش بحد
فدوى نفسيتها تااعبه بككل من سيف وتعبت من المجامله والدس /يابيسه معش نقدر بنبكهاله ونديرها عركه كبيره معاه معاه
بيسه/والله ماني عارفه شن نقولك هو انتي سمعتي المكالمات من هذك المره اللي صدها وقاللها متريح مع مرتي قعدت تهدرز عادي
فدوى/بأي صفه تهدرز معاه؟اها قوليلي.. وقعدت تبكي تعبت انا تعبت
بيسه/باهي تو نحاول نجيك اليوم ونحكو انتي مشي جوك عادي
فدوى/ياريت والله مضاايقه بككل
...................................................
غاده/كساد بككل اليوم جمعه المفروض مانقعدوش في الحوش
بابا/عندك حق تونشوف فريحه وعبير يايجو عندي يانمشو عند محمد
غاده/ربي يخليك ليا يابابا وحبت علي يده
بابا/كلا انتي هابا منك هههههه
نجلاء/بابا قول لموسى يبطل سماطه معندش له راس موسى/ياباتي هي اللي تنابش
بابا/موسى بطل خيتك اكبرمنك احترمها
موسى/ايييه سخيفه بككل مفكش جو
ماما/ماتبطلش مناقره انت؟ خلاص عدي العب ع الصوني
موسى/متخشش للدار
نجلاء/مدخلكش بيا عدي عدي
بابا/تي بطلو انتم الاثنين را والله نحلف مفش طلوع اليوم
موسى/وين ماشيين؟
بابامبش يردعليه
موسى/وين ماشيين ياباتي؟
ماشيين حوش عمك محمد
موسى/عماتي جايات؟
بابا/منعرفش خلاص ياراجل اسكت صدااع.. اسمع را نشوفك داير عركه مع سميه نوريك
موسى/هههههههه ياباتي لسانها طويل لازم نأديها
بابا وماما يضحكو يبوش يبينو/انا وقضتك ياموسى تجي تشكي منك نضربك
موسى/تي باهي ياباتي بس متهزبنش قدامها بعد نروح اضربني وهزبني مش كيف المره الاولى ماما وبابا ونجلاء وغاده يضحكو
يوسف/تي تعال ياموسى هيا فزت عليك
موسى/غبي وخشله
...................................................
