قلوب سرقهاالحب💔
الحلقه السابعه والخمسون
"
"
معتز/أنا اسف ريان ومدلها علبه مزينه ريان مدت يدها خذتها منه
معتز/هي كل سنة وانتي طيبه واسف ع ازعاجك ..وطلع وسيبها مقعمزه
................
سيف كان مشغول ع الاخر مافطنش لتلفونه الا قبل الفجر بشويه لقى رنات ورساله ريان قراها وتنرفز رن عليها
ريان/ألوو حبي
سيف بتهزيب/كافي شنوو هضا اللي ماشيتيله يامدام؟
ريان/سيف كنك تعيط شن فيها لو عديت كافي؟
سيف/معندكش حوش تلاقي فيه مع صاحبتك؟ اتلاقيلي في كفي مخلط رجاله وصبايا عقابها خطيبتي تخش مقاهي معيزوضان
ريان/سيف انت كنك معقد هكي؟
سيف/انامعقد..تو طلعت معقد اسمعي بما انك خطيبتي فتبي تمشي على قوانيني المعقده ياهانم ..
ريان تبكي/انت من امبدري تهزب فيا انا واخذه نطلع ونخش وانت عارف الشي هضا فمفش داعي تهزب ورنيت عليك انت متردش لو قلتي متمشش كنت مامشيتش
سيف/خلاص ريان معاش تبكي انارقتلي من طريقة دوتك
ريان تبكي/انت ماعطيتنش فرصة نحكي تركبت فيا
سيف/باهي خلاص اسف ياريونه
ريان/.........
سيف/حبيبتي قلنا اسف
ريان/تبكي
سيف/والله اسف خلاص يابكايه
ريان/ضحكت
سيف/هههه خلاص هي كل سنه وانتي طيبه
ريان/وانت طيب وقعدو يهدرزو طول الطريق وهو مروح من المحل لين وصل للحوش
فدوى كانت ترقد في العيال خذاها النوم جنبهم..خش تعبان اطوح ع السرير بدبشه وخذاه النوم
..............
عند عيلة معاذ اللي شايله اليل بالنهار كنا شادينها ضحك وهدريزو جوناوسمح لين اذن الفجر صلينا ورقدنا
.................
وهلي رقدو بدري عشن يعدو يعيدو في حوش جدودي الله مرايفه عليهم
..................
ريان/كانت متأثره من جانب معتز وكيف اللي وجعها..فتحت الهديه اللي جابهالها كانت دبدوب صغيرون وماسك يافته في يده مكتوب فيها(نحبك ريونه)مسكين وجعني والله
ربا/شن قلتيله؟
ريان/شن بنقوله يعني قتله مخطوبه..بس وجعني حسيته تحطم كان باني امل
ربا/مسكين والله..باهي هضا هيثم يرن(خطيبها) خوذي الباب وراك
ريان/بارده طلعت وسكرت الباب
مشى يوم العيد واجواء العيد سمحه للكل وفدوى استمرت متابعة التمثيل ومشن الايام لين جااليوم اللي بكره فاتحة غاده
معاذ/بتباتي حبيبتي؟ عدي سهري ونجيك متأخر ونجيبك بكره من الصبح
انا/متجش حبيبي هو يوم
معاذ/والله نرايف عليك انا بسته ع خده/ميدو اليوم بس وغمزتله عشن ترايف عليا
معاذ حضني/انا هكي نرايف من غير ماتمشي اسمعي بكره اول ماتفض الزحمه نجيك ونبيك اميره وغمزلي
انا/هههه حاضر
كانت العيله كلها ملتمه في حوش هلي ونا وسمر بتنا وردينا ذكريات زمان وسهراينا ومقالبنا
موسى خاش يجري في جرت سميه/والله نضربك
سميه/حول والله تضربني نحرش عمو
موسى/عدي حرشي نقوله مصبيه في الروشن
سميه/عيب هو التصباي في الروشن
سمر/هي انتي وهو وطو صوتكم ليل الناس راقده
موسى خذا الصلايا وقعد يشلط فيها وسميه تعيط حول حول ياحمار كرهتني في الجيه لحوش خالي
موسى زاد يشلط فيها
انا جيت كريته ودفيته برا/تي اطلع شن دراه الكبد شن تبي جاي هنا ليش ديما تدكك
موسى معصب/عليش مصبيه في الروشن هيا في اليل
غاده/انت شن حمار زك وكان صبت مزالت صغيره كنك معقد
موسى/لا مهش صغيره وبعدين الشباب في الشارع مصبين اسمعي والله مزلت نشوفك في الروشن نوريك ياسميه
سميه تبكي بالعبره خذيتها في حضني/خلاص ياسميه متعدليش عليه هو خاف عليك انتي واخذه ع منطقتكم نحن هنا عمارات وشباب سكاره..هو ادرى بالمنطقه
غاده/فرخ طالعلي فيها شام صنانه
سمر/هي غاده عنده حق كلامه صح وانتي سميه معش تلاطعي كنتي تاسفتي وقتيله معش نطلع لانك غلطانه لكن لسانك متبري منك
سميه تبكي وخلاص/معش بنجي حوش خالي كرهت الجيه منه
نجلا/خلاص ياسميه فوتيه معش تبكي فكينا من النكد
فدوى/يا هاجر ارقدي ياهمي تعبتيلي كرعيا خوك بيرضع
هاجر/نبش نرقد نبي جديده
فدوى/جديده راقده مش وقتك
ارقدي ترا بالله اهي ساره رقدت
نجلا/هاتيها حبيبة خويله خذتها نجلا حضنتها وتهز بيها لين رقدت
................
ريان رنت ع معتز..معتز بيحت في التفلون خلاها ترن مرتين وبعدها رد بصوت زعلان/الوو ايوا
ريان/معتز كيف حالك؟ معتز/يعني كيف بيكون حالي ياريان؟
ريان/انا اسفه معتز هكي افضل ليك
معتز بعصبيه/افضل ليا ليش؟البنت اللي حبيتها وبنيت آمال واحلام عليها طلعت مخطوبه..
ريان/معتز انا مننفعش بيك..
معتز/ليش متنفعش بيا اشمعنى تنفعي بسيف ومتنفعش بيا(زلق بلسانه)
ريان/انت شن عرفك بسيف؟
معتز/منعرفش سألت وعرفت..اللي يسأل ميتوهش،يعني تنفعي براجل متزوج ومتنفعش بيا ياريان؟
ريان/معتز انا متزوجه من قبل
معتز/وعادي انا موافق انا لانك عاجبتيني سألت عليك وعرفت انك متزوجه شن المشكله؟ ولا لانك متزوجه من قبل ترمي روحك ع راجل متزوج بعياله؟
ريان/معتز انت فيش قاعد تقول؟
معتز/ربي يهنيك ياريان معش ترني عليا لاني بنحاول ننساك وخنقاته العبره
ريان/انا رنيت نطمن عليك
معتز/بارك الله فيك هي بنصكر الشباب يضبحولي
ريان/فيك بارك هي مع السلامه..وصكرت
معتزصكر وقعد يضحك ويفكر شن الخطوة الثانيه اللي يديرها..فيصل حط يده ع كتفه/فيش تخمم ياعزو؟
معتز بحت فيه/مشعارف
وقعدو يهدرزو وكل مره يشور عليه فيصل بخطه ومعتز يقوله لالا متنفعش وهكي
................
سمر/يابنات جعت
غاده وفدوى/هي تو نديرولكم جو دبنا الفروخ رقدو..وبرمت ع غاده/شويه بس قبل لا نصبي نرن ع الافندي نمثل عليه شويه
غاده/باهي رني ربي يعينك
سميه صبت للحمام لقاته مشغول مشت لحمام المربوعه تغسل في وجهها وهيا طالعه خبطت في موسى طالع من المربوعه فاتاته وجت بتخش مسكها من يدها وكرها للمربوعه
سميه بصوت عالي/هي انت شن مزال تبي بعد ضربتني والله معد جايه انا ياموسى
موسى/اشش وطي صوتك وحضنها..اسف اللي ضربتك نرفزتيني لسانك طويل وتلاطعي فيا
سميه دفاته وهي تبكي/حول ياموسى ترا نبي نرقد نعسانه
موسى/باهي مترقدش وانتي زعلانه مني اسف سامحيني
سميه تبكي/باهي حول
موسى/لين تسامحيني سميه وهي تبكي اننت دييما تهين في..يا قداام الكل بدو..ن سب.بب لو سمححت سي..بني في حا..لي
موسى/والله غاليه عليا ياسميوه مغير نا نعصب من طريقة دوتك معايا قدامهم..بككل لسانك طويل شنو هضا
سميه/هضا دوتي وهضا اسلوبي مع الكل اللي راضي باهي واللي مش راضي عنه مارضى
موسى/اف من لسانك هض..اسلوبك هضا ديريه مع الكل بس مش معايا نا
سميه/وعليش على راسك ريشه عشن نغير اسلوبي معاك
موسى بحت في عيونها زين وكاين ماسك ايديها/اها غيري اسلوبك معايا لأني نحببك ياسميه♥
سميه فكت روحها منه وشهقت وحطت يدها ع فمها وقعدت تبحت فيه
موسى/والله نحبك ونغار عليك
سميه وجهها انحمر وطلعت تجري
موسى طفى ضي المربوعه وخش داره
سمر وانا كنا نحكو ع اخر تطورات الحب المجنون عندي خشت سميه تجري ووجهها حمر ودكت روحا في فراشها وغطت روحها
انا بحتت في سمر/كنها هذاهي؟
سمر فوتيها بنات اختي هضينا مكاليب
انا/هههههه سميه كنك؟
سميه/مكنش بنرقد خلوني
سمر/انخمدي ياام لسان
.............
فدوى/حبيبي وينك ترقد بدون ماتقولي تصبح ع خير
سيف/والله خذاني النوم ونا بدبشي باطل
فدوى/باهي كمل نومك نوم العوافي منقلققش وصكرت..اف لعند امتى بنقعد هكي؟
غاده/عارفه وضعك صعب لكن شن بتديري؟
تعرفي خفت يجيني يوم عليوة يديرلي هكي
فدوى خنقتها العبره/والله للآن مش مصدقه ياغاده معقوله سيف يدير فيا هكي..وقعدت تبكي
غاده حضنتها/خلاص فيفي والله الاميندم عليها بس نشوفو بكره بيسه جايه اخر التطورات ونحاولو نحسمو الموضوع
فدوى قعمزت ع الكرسي/تعبت ياغاده والله تعبت من الكذب والنفاق نشوف حوشي مهدوم
قدامي
غاده/ان شاءالله لاتوكل شي يصلح تفائلي خير
فدوى تبكي/اللي ينكسر معش يصلح الثقه بينا انعدمت معش عندي فيه ثقه..ومجروحه منه
غاده/غار معش تفكري فيه دبنك طلعتي من الحوش شيليه من راسك
فدوى/مو نا لما نطلع يزيط فيها فرصه يدوي براحته لايتكرس لاشي
غاده قعدت تمسحلها في دموعها/خلاص بالله عليك متخلش حد يشك في الموضوع امسحي دموعك وتعالي غيري جوك هي الله يربحك والله تنحل غار اصبري شويه
فدوى تغسل في وجهها ودموعها ميبنش يوقفن
غاده/خلاص يافدوى والله مانا مسيبينك وبسلامة باتك وعمك لو اضطر الامرةوعربك الله يسامحهم حيصبو ضده صدقيني
فدوى/تحاول تقنع روحي بكلامكم لكن يبقى مجرد كلام
غاده/بالله عليك ارمي موضوع سيف وراك توا وتعالي غيري جوك
فدوى مسحت دموعها وكتمت ع روحها وخذت السفره وخشت للبنات في الدار
انا/الله شكل السفره يشهي
سمر/الله بيتزا
انا/شاهي وحليب وكعك وحبيت خد غاده وفدوى شكرا
غاده/هههه منش معاذ كنك لخبطتي
انا/خزي ياسخيفه ولا كأني عمري بستك
غاده/لاكنتي جافه
انا/انا جافه مبردك شد حويل علي منك
غاده/عليش شد حويله ماخلى ربي ماعطاه الليحصل غاده
سمر/هههه كل ماتخطر عليا تهزيبتك له في هذك الجامعه قدام الكل نبقى نضحك بروحي بصوت عالي
البنات يضحكن
سمر/يومتهاخطرعليا قعدت نضحك عماد قعد يحلف فيا لين حكيتله مات ع روحه من الضحك
غاده/تعقدت
فدوى/كنك غاده نبصروا غاده صارلها غيره وتعقدت..خبطت سميه ع كراعها/نوضي انتي كولي عارفتك نايضه
سميه/خلوني في حالي
نجلا رفعت من عليها بطانية المكيف/تي صبي يابايخه اللي جانا ورقد كان في حوشه قعد
موسى يدق/ممكن نخش
سميه/اف وكرت البطانيه وتغطت
انا/تفضل شن تبي
موسى/تاكلو من ورايا متقولوش نحسبو خونا
نجلا/بنجيبولك غار كان صبرت تبي بطننا تلوينا
موسى/لامتجيبولش بناكل معاكم
غاده/اف في وسط البنات عليش جاي
موسى/صكري فمك خواتي وعمتي مفش براني فكيني من طولة لسانك انتي
انا/عندم حق خيي السمح مديتله طاسة حليب وكعك وبيتزا
موسى/هذه الخيه ولا بلاش فقدتك والله يادودي هضينا ما شاطرات الا في النرفيز
البنات/ههههههههه
موسى/سميه رقدت؟
سمر/ممبدريييي
موسى/اهاا باهي من داير السفره السمحه هذه جيعان
سمر/فدوى وغاده
موسى/فيفي ونانقول سفرة متكمه مش كيف البايرات وشير ع غاده ونجلا
انا/هههههه متقدرش تقعد دقيقتين منغير ما اطول لسانك
موسى يضحك/للاسف منقدرش
غاده/ماهو وراثه طولة اللسان
نحن/ههههههه
موسى/فيفي كنك ساكته؟
فدوى بحتت فيه زين وتلاقو عيونهم/اه لاغير نعسانه من الفجر واعيه
موسى وانا وسمر/بحتنا فيها وامعنا النظر
فدوى/هعههه كنكم تبحتو فيا اخجلتوني
موسى حضنها خيتي السمحه كان في حاجه مزعلتك متدسيش في قلبك فضفضي لخياتك متشيلش الهم بروحك
انا بحتت في غاده..شوي وشوشتلي/العيال كبرت
سمر سمعتنا اطربقت ع روحها من الضحك
سميه/تحت البطانيه معش قدرت تمسك روحها
فدوى عيونها رقرقن/مكني شي ياموسى
موسى/باهي كنهن عيونك را فاضحاتك
فدوى/مكنهن شي تعبانه ونعسانه ومرهقه
موسى/منيش تعبانه خليك باتي كم يوم طيبي نومك ونمسكولك العيال لين تروقي وكانك تحسي في شي نشيلوك العياده..كان راجلك ميحسش فيك ومش باين عليه انك تعبانه
فدوى/تضحك سلم خيي جعني مانفقدك..لا وسيفه والله شايل عليا حمل العيال ويساعد فيا وعربي كذلك لكن ناعندي هبوط في الدم ونقص فيتامينات هضا بيش مرهقه ونفسيتي تعبانه
موسى/يعني عاينتي
فدوى/اها عاينت متحطش شي في بالك موسى تو مع العلاج نقعد كويسه..اشرب حليبك برد
موسى حب راسها/نجيلي الحنونه..تعلمن تعلمن منها
سميه رفعت البطانيه بعصبيه/انتو متخلوش حد يرقد
سمر/نبوش نرقدو عدي اندكي يلا امك في الدار اللخره كان بترقدي
سميه مسكت بطانيتها ومخدتها وجت بتطلع من الدار
موسى مسك يدها/سميوه والله خليك قعمزي كولي معانا وهدرزي
......يتبع
وين تفاعلكم..نبيكم تقولولي رايكم بماإني هذه اول روايه نكتبها وعلى وشك الانتهاء يصير مني..نبي نبدا في روايه جديده بعد هذه؟ نستمرفي كتابة الروايات ولالا؟؟
ياريت كل واحد يعطيني رأيه بصراحه
واسف ع التاخير والله عندي امتحانات خذيت استراحه لين نكتبلكم.وخليتها طويله عشن ترضو عليا...حي كان تندري عليا امي مسيبه القرايه ونكتبلكم في قصه🔥
ادعولي بالنجاح
..........يتبع
#كاتبه_أميمه_اسامة
