قلوب سرقها الحب💔
الحلقه السبعون
"
" سيف مجرد فتح الباب جاته فدوى تجري واضبطاته
سيف مضبطها بالقوه رايفت عليك فيفو
فدوى/حتى نا رايفت عليك
سيف/يبوس فيها..ترا وريني يهبل عليك الاحمر
فدوى تحشمت
سيف/شن رايك في الشقه
فدوى/تهببل عجبتني بككل شكرا..طلعت تضحك عليا انت وغاده
سيف/ههههه..مفاجئه مسكها من يدها تعالي نوريك حاجه..ومشى بيها للدار
سيف/افتحي الشنطه
فدوى فتحت ولقتها مليانه دبش حوش ارواب ع شرت ع برمودات ع قفاطين وبدله سروال وبدلة جونه.. حاجات يهبلن
فدوى/الله يهبلن..شكرا حبيبي
سيف مدلها كيس فيه شفرة/هذه الشفره بعقدها..تصرفي فيها أول واخر مره ونبدو صفحه جديده
فدوى خذتها/حاضر
خلاص حبيبي انسى اللي صار
(طبعا فدوى تصرفت بحكمه ومابتش تحكيله ع تصنيتها ع المكالمات وان تصوير ريان مدبر منها ومن بيسه..كله عشن مايعرفش انها كانت عارفه وتنافق فيه وفي نفس الوقت عشن ماياخذش منها الحيطه والحذر ويدسدس عليها وراته ان هيا غافله لو ما سمعت كلام الصبايا في اللمه راهي معندهش علم)
سيف ولع الموسيقى وبدو يرقصو وكملت ليلتهم عسل في عسل
..............
ساره استغلت فرصه معاذ مشى هو وشهد
ساره/سلمى وسمر تعالي نتمشو
أحمد اسلحب ولحقهم/ بست سوسو وقرب
سمر تحشمت وخرت
سلمى تبي تفضيلهم الجو مشت مع سمر وسيبتهم
احمد/كيف حالك حبيبتي كنهم امبدري لابسينك؟
ساره تضحك/اللي درته في شهد طلعاته مني كله في السياره
أحمد يبحت في عيونها تهبلي..مشتااقلك
ساره/حمودي اقنع بابا تقرا فاتحه
احمد/ياريت ياسوسو.. عليش تبي فاتحه اها ورفع حاجبه
ساره انحرجت وحبت تغير الموضوع حمودي نحبك نا
أحمد/ونا نعشقك وخذاها في حضنه
ساره/الله ريحتك تهبل
أحمد/قرب باسها وساره استسلمت وما وخرتش..
أحمد/حولي الاشرب بنشوف شعرك
ساره فكت اشربها.. أحمد فكلها المساكه يهبل شعرك رد بالك تقصيه..وقعدو يتمشو ..وهما يتمشو أحمد لقى ورد حلو قطفه ومده لساره/قطفت الورد لاحلى ورده
ساره قعدت تضحك ولا شعوريا حباته في خده أحمد لقاها فرصه خذا فمها وساره انسجمت معاه وكان احلى شعور
أحمد في وسط انسجامه قفز../ساره اجري بسرعه خشي ورا الشجره الكبيره هذ
ساره ترعش/حى عليا حي عليا والله يقتلني اليوم..أنا ومعاذ واللي كنا في وضع مماثل لأحمد وساره..جت عيني في عين احمد تخزرطت وحبيت تنقض ساره
شهد/معاذ غطيني غطيني حقيت قتلك تو يشوفنا حد
معاذ/كنك وجا بيبرم
نا/لا متبرمش غطيني ع أحمد منش لابسه محرمتي..معاذ قعد يمشي بالعكس لين تباعدنا عليهم(كله بش نعطي مجال لساره ترد)
كنت نرجف معاذ لو شاف ساره في الوضع هضا حيقتلها هي واحمد
معاذ/تي كنك ترجفي
نا/عليك فضيحه في الصبح شافتنا عميمه وتوا أحمد
معاذ برم/خلاص مفش حد عدا..انا تريحت وقعدت نبكي
أحمدفي وقت اللي معاذ بارم طلع ساره بسرعه من ورا الشجر وصلها عند سمر وسلمى و رد يلا جدي
معاذ/دودي عليش تبكي
أنا كنت نرعش وبعد اطمنت ع ساره قعدت نبكي لا اراديا
معاذ/خلاص يادلوعه مادرتيش حاجه غلط هو غلطان شن جيبه هنا
نا/حلوة هذ الارض مكتوبه باسمك امالا
معاذ/اس را نتهور اخرى
نا/لا الله يربحك بلاش فضايح
معاذ/هي تعالي نمشو يلا سلمى وساره وسمر كانو يتمشو قريب
انا خفت تكون ساره مازالت يلا احمد/لا كرعيا تعبن من الرعشه خلينا نردو شويه ونشرب اميه وبنصلي
معاذ/هي امالا البسي محرمتك
لبست محرمتي وردينا ونا في جنب معاذ وماسكني من كتوفي
ساره بعد وصلت في سمر وسلمى هضا وين نجت قعمزت يلاهم وقعدت تبكي
سمر وسلمى مع بعضهن /هئ كنك؟
سمر/ساره كنك شن في؟
ساره حاطه يدهاع قلبها /شوي وشافني معاذ لو ما شهد را قتلني اليوم
سلمى/عليك تكبير شورخ عادي اتمشي انت وولد عمك وخطيبك مش لدرجة القتل
ساره/اسكتي بالله تو تجيني شهد توريني مشقادره نبحت في وجهها
سمر وسلمى يبحتن فبها باستغراب
سمر/فيش تحس هذه؟
سلمى/هيا نردو
ساره تمسح في دموعها /هيا
أنا رديتلهم انا ومعاذ قعمزنا يلا بعضنا يلا عمي وعمتي
بعدها ردن البنات قعمزن وساره خشت دغري للحوش..أحمد حتى هو كاين مقعمز أنا منش قادره نبحت فيه ولاهو قادر يبحت فيا
بعدها صبا أحمد من يلانا جاه تلفون
عماد/نصلو المغرب و نلعبو كوره
انا اسلحبت وخشيت للحوش
ساره تدوي مع أحمد/ كويسه كويسه..يا فضيحتي من شهد
احمد/خلاص باهي اللي جت في شهد
أنا خشيت عليها وصبيتلها ع باب الدار
ساره/خلاص أحمد بنصكر..اهي شهد جت ههي اوكي اوكي وصكرت
انا صكرت الباب عشن الصوت
ساره/شهد سامحيني
انا/شن الموقف اللي حطيتي روحك فيه معقوله هكي ياساره
ساره/عارفه روحي غلطانه
نا/ساره عارفه ان اللي درتيه حرام؟ولو شافك معاذ كانت حتصير مشكله كبيره..عارفه ياساره؟
كيف تديري هكي كيف تخليه يقرب منك كيف؟
ساره/تبكي خلاص ياشهد عارفه روحي غلطانه
انا/ساره زني عليه يسقد بالفرح يسقد روحه يكمل شقته دبنه هكي
ساره تبكي/حاضر تو نقوله خلاص متزعلش مني
نا بحتت فيها/ساره انتي كيف اختي منبكش تغلطي راهو الراجل ميحبش البنت اللي تجاريه يحب البنت اللي اتحشم.. خليه يقرا فاتحه وزيطي بعدها
ساره/خلاص والله معد نخليه يقرب مني خلاص اول مره نخاف منك تاريتك واعره
نا/ياحماره انحطيت في موقف سخيف وكذبت ع معاذ وقعدت نرعش لين هو قريب شك ان في حاجه..وعليك فضيحه احمد شافني
ساره/فيش كنتو تديرو؟
نا ضحكت وخبطتهاع راسها/تحشمي يابنت
ساره حضنتني/نجك ليا شهوده والله نعم الاخت
نا/حتى انتي والله.. بعدها فكيت روحي منها/بكشي عليا بكشي وشيرتلها بيدي يلا أطلعي قدامي برا
ساره تضحك وطلعنا
............
غاده/أهلين حبيبي
علي/هلا ياعيوني كيف حالك؟صوتك فرحانه صاح؟
غاده/الحمدلله..صاح
علي/حافظك نا..
غاده/نجك ليا وخلاص علي/عندي لك خبرحلوو
علي/شنو شو قتيني؟
غاده/بابا وماما ويوسف وموسى طالعين بكره.. انا ونجلا بس في الحوش تقدر تجيني
علي/نا عليا منك وخلاص مجرد يطلعو ديريلي رنه
غاده/من عنوني
علي/تسلملي عيونك..
غاده/خلاص حبيبي نحدد لبابا دبش بكره
.............
بالنسبه لنا الرجاله صلو المغرب وبدو يلعبو في كوره
نا نشجع في معاذ..وسمر تشجع في عماد..وساره تشجع في احمد..سلمى تشجع في باتها وعمها واسماعيل واسلام وابراهيم اسملا عليهم
جدي الحكم..
كانن اجواء مش عاديه وسمر مرة مرة تجيها ليه وتطلقها
طبعا فريق فيه معاذ وابراهيم وسالم وأحمد
وفريق فيه مفتاح وعماد واسماعيل واسلام
..جدي/بلاش غش يا ابراهيم
ابراهيم/ياجدي منغشش الكوره لنا
عماد/لا غلطان
اسماعيل ينط/قول قووول قوووول
أحمد/قووول
انا وساره وسلمى/هاي هاي
وبعد تشجيع وعياط وشياط..فاز فريق عماد ع فريق معاذ 1/3
اسماعيل واسلام وسمر وسلمى يغنو/أووو أووو أووووووا..فزناا عليكم..فزناا عليكم..وفزنا عليكم..فزنا عليكم فريق الغشاشين
أوووو أوووو اوووواووا فزنا عليكم فزنا عليكم بش اتعلمو تلعبو زين أووووو اووو اووو (جيبن اللحن صاح وانتن تقرن باهي..نشجع في نادي نشجع في نادي)
ساره/سلمى يا امعه تو مو كنتي تشجعي في فريقنا؟
سلمى/كنت نشجع في باتي وعمي مش فريقكم
سمر طلعتلنا لسانها
عماد يضحك/خسرناكم
أحمد../كله من ابراهيم معش تحطوه حارس
ابراهيم/تي اسكت داير روحك اسطا يعني
سالم/خلاص ياعيال عليش اتعاركو هي نبدو نشوو
اسماعيل/بندوش قبل
باته/بعد الشوا دوش تو تعلق فيك بنة الفحم
اسماعيل/عادي ندوش اخرى
سالم/عناد ماني عارف لمن طالع بس
جدي/هذا الشبل من ذاك الأسد
كلنا/ههههههه
شوو ولمو الحوسه
معاذ/شهد ترا طلعيلي دبش بندوش
صبيت طلعتله عدا دوش في حوش الرجاله بعدها جا ضبحلي
نعم حبيبي وجيته في الممر..
معاذ/عطيني بوسة النوم
نا/ميدو شن قصتك اليوم؟من بتشهد علينا اخرى
معاذ ربع ايديه/قوليلي كيف بنرقد نا وحبيبتي بعيده عني..ومتبش تعطيني بوسه..اها
نا بسته ع
معاذ/اخ..شكلي بنأجر دار مايمشش معايا الوضع هضا
نا/ههههه
معاذ/شن رايك تلبسي نطلعو
نا/معاذ وقت وين نطلعو
معاذ/بالسياره
نا/عيب ميدو نحن جايين نزردو العيله مع بعضها
مش نا واياك بس
معاذ/باهي خلاص بكره بنطلعوا سوسه
انا بفرحه/والله
معاذ/والله وزرني في الساس وبدا يبوس
انا فكيت روحي منه وخشيت نجري خبطت في سمر طالعه من الحمام
سمر/ههههه شكلك هاربه من معاذ
نا/ههههه مافي حد وماشهد علينا في هالزرده
سمر تضحك/عادي عادي استمتعوا قبل لايجوكم العيال يكتفوكم
نا/حي سمر بطنك كابره
سمرحطت يدها/توجع فيا..تعبت امتى نجيب
نا/شن بتسميه؟
سمر/والله للان مش عارفه
نا/يارب ع خير وسلامه..تعرفي نعسانه ع الاخر جدتي وعمتي ومرات عمي رقدن
ونا وسمر وسلمى وساره سهرنا..
سلمى/بنات عندي شفره هي انابشو الشباب ونشوفو من اللي عينه زايغه
سمر/قاعدين يلا بعضهم تو ايشكو فينا
ساره/ساره لا تو يقعدو يتكرسو من بعضهم
انا/مغامره..
ساره/انا نبدا..بمن؟
سمر/عماد بس شغلي المكرفون
ساره/هي ع بركة الله
وبصوت هادي ومتسحون ع الاخر/ألوو حبيبي ..
عماد صبا من يلاهم /؟؟من معايا؟
ساره/االله صوتك وانت نعسان
عماد/سمر معايا؟
ساره/من سمر..بس عادي إعتبرني سمر المهم نسمع الصوت الحلو هضا
عماد/هي سمر وحده ومفش غيرها..اسمعي منش فاضيلك وصكر
سمر فرحانه..تعيط من الفرحه..يحبني دادي عارفته نا
سلمى/تو دور معاذ..هاتي
انا توترت/شن حتقوليله؟
سلمى/امم نفكر
واتصلت مرة واثنين وثلاثه واربعه وخمسه
سلمى/بارد خويا
ساره/بلكي جهازه ع الصامت..اسكنيله كان ع الصامت تو يفطن للضي
سلمى قعدت ترن
ابراهيم/رد ع التلفون يرن ممبدري
معاذ/رقم يرن الساعه 2من حيكون؟
عماد كاين يدير في شاي في المطبخ
نا/اصبرن ترا نرن عليه برقمي كان رد معناها مايبش يرد
رنيت عليه فتح عليا/شهد واعيه مازلتي؟
نا بتسحوين ودلع/ماقدرتش نرقد وانت مش تلايا
معاذ/قتلك تعالي نطلعو مع بعضنا مابيتش
نا/معلش نتحملو الليله
ساره/رني عليه وشهد معاه عشن ميشكش
سلمى ترن..معاذ حول التلفون وبحت فيه..اف سكن
نا/من اللي سكن؟
معاذ/رقم ممبدري يرن
نا/بلكي في شي ضروري رد
معاذ/باهي تصبحي ع خير حبيبتي
نا/وانت من اهله وصكرت
معاذ دغري/ألو من معايا؟
سلمى معش عرفت ماتقول/اه اه معلش يا محمد عطيني ريم نبيها ضروري
معاذ/معلش يا اختي غالطه راكي منش محمد
سلمى/بلاش سماطه يامحمد والله كلمتين مش حنطول
معاذ/والله ماني محمد انتي غالطه راكي
سلمى/باهي اسفه وصكرت ودزتله/اسفه طلعت ملخبطه في الرقم بس صوتك يجنن ممكن نتعرفو؟
انا/هبلتيه..
سلمى رنت اخرى
معاذ/اووف فاضيه
ابراهيم هات نرد عليها انا
معاذ/فوتها يا راجل
ابراهيم/غار هات وخذا التلفون..أهلا..
نا انصدمت..بعدها ركزت في الصوت مش صوت معاذ
سلمى/انت مش اللي امبدري
ابراهيم/اللي امبدري مرهون نا فاضي
سلمى ضحكتها ضحكه طويله/ههههههههههههه
إبراهيم/ضحكتك تهبل
معاذ/هات التلفون
ابراهيم طلع من الدار وسيبهم..
سلمى/تسلم ياعمري
إبراهيم/أسمعي لنقانك عجبتيني تو ندزلك رقمي كلميني عليه
سلمى/نرجاك حبي وصكرت أف ماصدق
نحن/ههههههه حصلتي فيه
ساره/هي دور أحمد
نا/لا كلهم قاعدين يلا بعضهم تو يفطنو..خليها بكره بعد نتمشو نزروه بروحه
البنات/صح والله كان كشفونا تبقى فضيحتنا بجلاجل
..............
ثاني يوم..سيف نايض ينوض في فدوى/حبيبي الفطور جاهز..ويمسح ع شعرها ويبوس
فدوى حلت عيونها/حبيبي..
سيف/حبيبتي بحتي السفره
فدوى بحتت لقاته داير سفرة فطور سمحه وداير جو فيها وردات وحركات اضبطاته/محلاها ياغلايا.. هي دقيقتين بس وصبت دارت دش سريع سرييع
وطلعت..كانت لابسته شرت قصييير مشماشي وتب ابيض فيه وردات مشماشي ودايره شعرها ذيل حصان وكحل رمادي وروج بودري خفيف واسبحت في العطر..سيف انهبل عليها..فتحلها ايديه/ تعالي فيفو..فيفو جاته تجري حضنها وقعمزها ع كتره وقعد يوكل فيها بيده.(بصراحه رومانسيه شبه معدومه في الراجل الليبي)
........... .
نحن نضنا من الصبح اسقدنا سوسه نفس ترتيب السيارات
معاذ/شهد كنك مش لابسه ثقيل
نا/منحبش نقعد بعدها محوتك نتحرك
معاذ/اول ما نوصلو غيري حبيبتي الجو مسقع تمرضي بعدها
ساره/احم احم
معاذ انحرج نسا ساره وجدو
انا دايخه..وفم كبدي مسكت يد ساره/شكاره ياساره بسرعه
ساره مدت الشكاره ونا بديت نرجع
معاذ/شهد
انا شيرتله كويسه كويسه
ساره/وجهك اصفر شن تحسي
نا/فم كبدي ودموعي طبعا نا دلوعه وفيسع مانبكي
معاذ درس ع الجنب/ دودي عليش تبكي؟
نا حاطه يدي ع فم كبدي /وجيعه بكل
معاذ/ديما يصيرلك هكي بعد تمشو مسافه؟
نمسح في دموعي/لا لا
معاذ يمسح ع راسي/ تبكش حبيبتي ساهله تو نعطيك من الدوا اللي أمس تو يريحك
ساره اتقزمط/راني غرت
جدي يضحك/صدقت فيك ناسي روحك بكل
معاذ منحرج ويضحك ونا متحشمه ع الاخر
معاذ عطاني حبة الدوا وكملنا طريقنا
......
.....
......
مصن ليم وااجد
يتبع
#كاتبه_أميمه_اسامة
