قلوب سرقها الحب💔
الحلقه الواحده والثلاثون
"
"
معاذ وصله ولد عمه لعند الفيله ونزلوا..
كان معاذ يركب وشهد تلحق فيه ومتحقش في شي بالبرنوس ..
شهد/تي كنه هضا يجري حسسني ان امس كنت عنده منش عارفه الطريق ..قعدت تسرع في مشيتها بالكعب..فتح معاذ الشقه وخشو
شهد قعدت مصبيه وخايفه ومتحشمه تحول البرنوس قعدت مصبيه في مكانها وحتى وجهها مغطي معاذ/احمم قعمزي كنك مصبيه
شهد/رفعت البرنوس من وجهي وهو خش وحده من الديار معرفتش وين نخش ولاشن ندير سلحت البرنوس وقعمزت في الصاله ع اول كرسي ..قعدت نتأمل في الصاله/الله سمحه كان الزواق كبتشينو والانتري دمياطي لونه سمني بس زخرفته بالخشب بني غامق وفي شاشه كبيره ع الساس قرفت ع البيج والقهوي وطرفين بوفي ضخاام وخده ع يمين الشاشه ووحده ع يسارها ونفس زخرفته الانتري وفرشته خيال وع اليمين الساس مش كامل تخشي منه لباقي الحوش وع اليسار كذلك والارضيه بركي بعد الانتري ع اليمين مطبخ بار وع اليسار مفتوحه غرفة الضيوف..
مقابل المطبخ طاولة اكل خشب بني غامق رهيبه نفس زخرفة البوفي والانتري ب 6كراسي جلد لون سمني. ع اليسار غرفة الضيوف مفتوحه بار ع الصاله وتحف يهبلن ع البار ويلاها الحمام..قعدت منبهره بالجبسن بورد والثريات والابريكات ..
معاذ/نسيت بككل ان في مرا معايا في الحوش خشيت في دار المعيشه وجيت بنرقد بعدين ..لقيت الجو حامي صبيت نولع المكيف بحتت شفت ملاااك ملااك صاح كانت شهد قمة الجمال والرقه والجسم والبراءه..قعدت نحك في عيوني
شهد/كنت نتأمل في كل شي في الصاله ومقعمزه فجأه حقيته مصبي قدامي اول مره نشوفه كان طويل وعريض وشعره ناعم اسود وعيونه سود كبار وحواجبه مرسومات وداير لحيه خفيفه وبرونزي..قعدنا فتره نبحتوفي بعضنا..
معاذ/ جميله بككل بس مفش مرا تجي مكان هاجر
معاذ خطرت عليه هاجر..حول عيونه من شهد وقال/اه قتلك الدار اهيا وفيها حمامها وشير عليها خشي خوذي راحتك وارقدي مترجينش انا راقد غادي..وعلى المكيف وخش داره
شهد/شن هالمريض هضا..وقعدت تقلد في صوته صوته غليظ الدار هيا وفيها حمامها خودي راحتك وارقدي مترجينش.. اف يحسابني ميته عليه شن يحساب روحه؟! بحتت في الدار كانت خياليه بمعنى الكلمه الدار لونها ابيض واكسسواراتها كرستال.. اول ماتخشي يقابلك السرير ورغانها اللي جايبته سكري وتطعيمته بالموف والساس اللي ورا السرير مديور بالجبسن بورد وردتين مداخلتين في بعضهم وحده موف ووحده بودريه وفروعها خضر وطبعا فيهن ضي ع الالوان الثلاثه في كل ورده ضي ومفارش الدار لونهن بيض وتطريزهن بالموف وعلبه المناديل ع الكمدينو بيضه ومزخرفه بالفضي وسطل الغرفه نفس التاقم وع الكمدينو الاخر علبة مصحف نفس التاقم انا جايبتهن..امم الثريه خيال والمرايه والتسريحه بعيد ع الوصف وجايات ع يمين السرير ..الفرش ناجايبته مكرونه موف داكن..وع اليسار حمام بابه ابيض ويلاه باب قزاز من الساس للساس يفتح ع فرانده وستارته الطبقه الاولى قماش غليظ سمني وفيه وردات صغار بودري وموف والطرف الفوقي شيفون مووف وتحت الستاره كرسي اوووه خيال كيف بتاع منصة العروس كله بالفضي وجلد سمني وعليه مخدات صغيرونات موف وبودري وأصفر وأمخاد عزقه في الوطا..ومقابل السرير الدولاب كبير وسحاب نص مرايه ونص خشب والمرايه فيها رسمه منها فيها ورد من زاويتها..باب الدار ابيض الدار كبيره بككل كل شي سمح ومنسق ومرتب.. فتحت الفرنده كانت مش بعيده من كبر الدار ومن فوق بانت عليا السماء قعدت نبحت يارب اكتبلي اللي فيه الخير وتنهدت الفرندا نجيلا وفيها حوض سباحه صغير وكراسي سعف ودرجاحه وفيها ضلاليه من فوق زريت بطمه اصكرت.
اصكرت الضلاليه انفجعت..الله بس تقعمزي متبانيش قعدت شويه ندرجح/ كل شي حلو..زعما متحشم؟ ولاشنو؟ اف فتحت الضلاليه وخشيت سكرت القزاز ونزلت السرانتي ..فتحت الدولاب بنغير طلعت روب ملكي ابيض وجيت بنشوف دبشه..ملقيتلش ولا لبسه فتحت الادراج كلهن ليا مفش شي له..كنه هضا قيسه مطلع دبشه كله عشن ميخشش ويطلع ع الدار..ملح حتى نا منبيش وجهك..تنهدت وقعمزت ع حاشيه السرير ونا ماسكه الروب ونفكر..كنت جيعانه ونعسانه مانندريش كيف خذاني النوم ورقدت
