قلوب سرقها الحب💔
الحلقه الخامسه والستون
"
"
عدت غاده تجري للدولاب وخذت الكيس فتحاته لقاته مليان شكلاطات سمحات من النوعيه السمحه والغاليه مزينات في سفره وشكلهن سمح بككل..وجعها وعدت دغري رنت عليه كم مره ماردتش بعد رابع رنه رد عليها/أيوا
غاده زمطت ريقها/عليوة سامحني والل...
علي قاطعها وبحمق/هضا وين خطرت عليك معقوله من امس نرن عليك بعدها قفلتي فونك واليوم كله نرن نرن ومترديش عليك برود عندك ياغاده
غاده انصدمت وقعدت تبكي/ياعلي والله الحوش مليان وامس انحطيت في موقف محرج ومنش قادره نحط عيني في موسى
علي/كني انا منحطتش في موقف محرج؟ وبعدين أنا راجلك نقدر نجي ناخذك توا بدون فرح ومحد يقدر يمسكني
غاده/علي كنك هكي
علي/كني هكي ونا من امس نحرق خايف يكون خوك حرش فيك باتك..ولا حتى ضربك وانتي ولاهامك عايشه حياتك
غاده وهي تبكي وبصوت واطي/باهي نا بنصكر توا كلمتك بنشكرك ع الشكلاطات
علي فطن لروحه..تنهد
غاده/مع السلامه وصكرت ورمت روحها ع الفراش وقعدت تبكي
فدوى/ها لمتخلف هض مكإنش داير عمله
نجلا/عارفه رجالتكن كرهوني في الزيجه والله
فدوى تضحك/صدقتي والله
علي قعد يرن مبتش ترد عليه
نجلا/ردي تو يعطيك موشح
غاده/منش راده
نجلا ردت عليه/ألوو
علي/من معايا؟
نجلا/نا نجلا كيف حالك علي
على/تمام كيف حالك انتي؟
غاده اتحلف في نجلا اللي ردت
نجلا/الحمدلله
علي/كيف وين غاده؟
نجلا/والله شن نقولك غاده خشيت عليها.منهاره تبكي.انظر كنها
علي/يلاك هي عطيها ليا؟
غاده ششيرلها(منبش)
نجلا/خشت الحمام وهي تبكي تو ندق عليها
علي/باهي طلعيها تو نعاود عليها..هي مع السلامه
نجلا/مع السلامه وصكرت
غاده/ياحقيره ليش تردي عليه؟مبردك
نجلا/خلاص تو كان رن ومتبش تردي عليه براحتك ومسكت كتابها وقعدت تقرا
علي رن كم مره غاده مبتش ترد ومسكت كتاباتها وقعدت تقرا.. علي بطل وهو يرن وتعقد.. )
معاذ/كنه حميده جوه اليوم معجبنش
نا/ع موضوع فدوى وتلاقى مع سيف عمو ميتحملش فينا حاجه كإنه بناته
معاذ/مزالت فدوى؟
نا/مسكينه واجعتني والله بكل رايحه ذابله وضاعفه بكل
معاذ/ماحكوش مع بعضهم؟
نا/جا كم مره مبتش تطلعله
معاذ/شن رايك نديرولهم خطه نخلوهم يتلاقو؟
نا/ياريت بس كيف
معاذ/تو نفكر مفش في راسي حاجة توا
..........
ثاني يوم في الجامعه#
طلعت من المحاضرة تلاقيت مع غاده سلمت عليها/شن الجو؟كنهن عيونك؟
غاده/مرقدتش امس..نكد عليا علي
...../السلام عليكم
انا وغاده برمنا ومع بعضنا/علي
علي/ههه كنكن
نا/اهلين علي كيف حالك
ع/تمام والله ياشهد كيف حالك انتي؟كيف حال معاذ؟
غاده مسكت يدي تبيني جنبها
نا/تمام والله..
ع/في ناس ميبوش يسلموا علينا
نا/ههههه عن اذنكم معاذ جاني ورفعت التلفون كإني نكلم ومشيت وسيبتهم
علي/كيف حالك غاده
غاده تطنش
علي/غاده..!
غاده/نعم ياعلي ونزلن دموعها جاي بتكمل هزيبتك عليا؟
علي قعد يبحت فيها.. مطول لسانك
غاده/تمام بارده ولساني طويل مع السلامه وعدت وسيباته..
نا نهدرز انا وصاحباتي وفي بنت جديده علينا/ تي بحتن الطرف هضا يابنات
رشا/تي حي عليك هضا
البنت/تي جاي شورنا
نا بحتت لقيت معاذ جايني ابتسمت/نهى لمي عيونك..وقدمت عليه قبل لايوصل مسكت في يده/هي حبيبي نطلعو
معاذ/كنك شهد مستعجله
نا/البنات حياكلنك بعيونهن ونانغار
معاذ/هههه نجيها اللي تغار ومسكني من كتفي ومشينا السياره
معاذ يضحك/للدرجه هذه طالع سمح
نا/مغرور..منكش سمح
معاذ مسك يدي نحسابه بيحبها شوي عضها
نا/اه اي واعره هكي توا..ومسكت يدي
معاذ/نتكو نتغدو في مطعم
طرمت شواربي/نبش
معاذ/لمي شواربك را نعضهن
نا قعدت نضحك
تكينا ع مطعم تغدينا و روحنا
درت دش ولبست شورت قصيير بازيلي وكت ابيض فيها دوائر بازيلي ونا مصبيه ع المرايه نبخ في عطري جاني معاذ مسك فيامن لاورا......وو......
............
العشيه سيف اتصل بعمي وتلاقوا في مقهى..
سيف قاعد ساكت و يرجى في عمي يدوي
عمي/انا حكيت مع فدوى ومصكره راسها متبش ترد
سيف اضايق/لعند أمتى هي حتى الدوة متبش تحكي معايا جيتها كم مره وحاضرتني ع التلفون..نبي نحكي معاها بنشوفها شن دايره شن صحتها..فدوى بعد اتنكد تمرض
عمي يبحت فيه../عطيها وقتها ياسيف مزالت مجروحه منك
سيف/نعطيها وقتها..تشرط عليا االلي تبيه.. ادويلها ياحميده مغير ترضى بس اللي تبيها
عمي/دويت معاها قالتلي انا مزلت زاعله منه ومنقدرش نرد..عطيها وقت
سيف/باهي شور عليا شن ندير
عمي/ عطيها شهر وتعال ردها بحاجه ذهب.. ورضيها.. جيبلها الحاجات اللي لها كم تطلب فيهن منك تديرهن للحوش وانت لاهي في الشغل زوق الحوش دير ديار العيال المربوعه اللي لها من زيزتها بلا صالون ديرلها صالون .. انت حالتك تسمح وكنت بتزوج تقدر تدير الشي هضا..ع الاقل تحس انك درت شي ع خاطرها
سيف هز راسه يصير خير ياحميده..انا الاسبوع الجاي مسافر تركيا عندي شغل بضاعه ومعارض نطول بعد نروح ندير اللي قلت عليه ونرن عليك بعدها نجيب رجاله وصبايا ونجي نردها
عمي ربي يوفقك
سيف/سامحني ياحميده عمي بحت فيه زيين/ مسامحك بس اول واخر مره..مره ثانيه والله معد تحلم بيها يا سيف
سيف تعنقه/هي صحيت مع السلامه
وركب كل واحد سيارته ومشى
.............
نا كنت في الجامعه والاستاذ يشرح ونا تعبانه بعد كمل طلعت انا وصاحباتي بحتت لقيت راشد!!صبيت مصدومه وهو يقرب قعدت نحك في عيوني تأكدت انه هو..مشيتله نجري/رااشد وجيت بنحضنه شوي صدني
نا/راشد كنك زعلان مني
راشد يهز في راسه/شهد انتي ع ذمة راجل حرام متقربش
نا/راشدوانت اللي قلتلي ازوجي كان متت
راشد ابتسم فوق من النفس/ربي يهنيك ياشهد ومدلي مفتاح ومشى
نا/راشد أرجى..راشد يوخر توخير ويبحت فيا و حزين..
انا نبكي لا ياراشد خليك ماتمشش..وراشد يوخر لين اختفى
قعدت نعيط..لا تعال رااشد
معاذ كاين طالع من الحمام نشوف في تعابير وجه شهد شكلها تحلم بعدها قعدت تعيط جيت بنوضها/بسم الله شهد نوضي
شهد/راشد خليك متمشش
معاذ غمتلي وفنصت فيها شهد فطنت وقعمزت ودموعها ع خدها
معاذ رقتلي بعد سمعت اسم راشد طلعت وسيبت الدار
نا قعمزت ع حاشية السرير وقعدت نبكي معاذ فنص فيا تفنيصه لين ركبني الرعب وطلع وسيبني ونا نبكي أذكرت راشد والمفتاح ولاشعوريا حليت يدي تهيالي بنلقى المفتاح قعدت في مكاني/حي عليا سمعني نقول راشد ..بس نا نحلم شن ذنبي
صبيت خشيت الحمام دوشت وطلعت نصلي العصر
السلام عليكم السلام عليكم..لقيت معاذ يبخ في عطره
نا/معاذ طالع
مردش عليا وقعد يلبس في ساعته
نا/معاذ تشرب قهوة ولا نسكافي
بحت فيا بخزره منبش وطلع وصكر الباب
قعمزت نبكي بعدها درت قهوة وقعمزت نقرا
...........
في حوش هلي#
رن الجرس فدوى مشت تفتح ومن ورا الباب/من
علي/السلام عليكم كيف حالكم عمي قاعد
فدوى/بابا مش قاعد من نقوله
علي/ناعلي***
فدوى/اها علي كيف حالك
علي/الحمدلله
فدوى/شويه تونكلملك ماما
طلعتله ماما سلمت عليه وخششاته المربوعه
فدوى جت لغاده/ غيري لبستك علي في المربوعه
غاده/امتى جا؟مبرده
فدوى/متقوليلش مزلتو متعاركين
غاده/جاني في الجامعه وتعاركنا اخرى
فدوى/هئ غار غيري وعديله فرصه بابا والعيال مش قاعدين
ماما خشت عليهن/غاده ديري قهوة واطلعي راجلك في المربوعه
غاده/منبش يا ماما قولي راقده
ماما/متقوليلش متعاركه معاه؟
غاده سكتت
ماما/صبي بسرعه غيري واطلعيله
فدوى/تو نوتيلك القهوة بدلي انتي
غاده طلعت سروال كريمي وفانيليه صوف حلويه وشعرها مرفوع بطريقه عشوائيه ودنادين طوال ودارت كحل ولمعة روج بس وبخت عطر
فدوى/هياالقهوة واتيه طلعيها
غاده مكشره وخذت السفره وخشت بصوت واطي/السلام عليكم
علي وماما/وعليكم السلام
مدتلهم القهوة وقعمزت ع كرسي بعيد بدون ولا كلمه..
ماما صبت وطلعت
علي بحت في غاده وغاده متبحتش فيه
علي/مازلتي زعلانه مني
غاده منحرجه وزاعله خايفه تدوي يقوللها لسانك طويل
علي/غاده متبيش تردي
غاده نزلت راسها وقعدت تبكي.. علي صبا صكر باب المربوعه..ورفعلها راسها وحبها/اسف غلطت فيك بس والله لاني كنت مشغول عليك
غاده/مو اصلي بارده ولساني طويل وحطت يديها ع وجهها وقعدت تبكي
علي حضنها/خلاص نا غلطان سامحيني
غاده/لا منسامحكش كيف تهزبني
علي/باهي خلاص معش نهزبك..خلاص والله خلاص..
غاده مسكت فيه زين زاد حضنها/نحبك والله نحبك وقعد يمسحلها في دموعها
غاده وهي تبكي/حتى نا نحبك
علي/باهي خلاص دموع وفكلها مساكة شعرها/سمح شعرك
غاده/عليوا حل الباب
علي/خليه غاده كنك مرايف عليك..وقعد يبوس فيها..امتى نطلعوا الفرح معش نقدر؟
غاده بصوت يادوب يطلع/حبيبيي سيببنيي بندووخ
علي قعمز وقعمزها ع كتره وغاده حاطه راسها ع كتفه..
علي/شن رايك نطلعوا الفرح بعد تكملي الامتحانات السنه هذه؟
غاده/مزالي سنتين عليوا منقدرش نوفق مع القرايه وشغل الحوش ومزلت نعرفش نطيب..شن ندير
علي حط يده ع بطنها/و تجيبيلي بيبي
غاده/حوول يدك
علي/مغير فكري في الموضوع عادي نعلمك تطيبي ونساعدك في شغل الحوش وخوذي مانع عشن متحملش
غاده انحرجت وصبت/علي بلاش قلة ادب
علي مطربق ضحك..مغير تعالي قلة ادب شن دوتها
غاده زارتها الضحكه وصبت تفتح في الباب قابلتها ماما تبي تدق/خشي ماما وقعمزت وهي محرجه
علي/ياعمتي نا شقتي واتيه وكملت قرايتي وشغلي تمام شن رايكم نطلعوا الفرح بعد تكمل غاده الامتحانات النهائيه .. غاده بحتت فيه وتخزرطت
ماما/الراي رايك ورايها ياعلي كانكم اتفقتو شوف عمك..
علي بحت فيها/شن رايك غاده؟
غاده انحرجت/ا..اه نفكر قبل
علي/باهي خلاص فكروا في الموضوع باهي..خلاص نتوكل انا
ماما/مزال بدري خليك
علي/لا ياعمتي خلاص عندي مشاوير..طلع يلبس في كندرته وماما مصبيتله مش عاطيته نفس..وهو يبحت في غاده زيين وغاده متخزرطه بككل وبعدما لقت مفش امل ان ماما تخش خشت هيا
خشت تجري وفرحانه
نجلا كيف واعيه من النوم/كنها هذه تضحك بروحها
غاده تغني/نحبه نحبه وعليوه نحبه
فدوى/سبحان مغير الاحوال امبدري شويه كنتي تسبي فيه
غاده فرحانه/يبي يطلع الفرح في الصيف
فدوى/الله؟
غاده/والله
فدوى اضبطتها/مبروك
نجلا اضبطتها/مبروك وقعدت تبكي بتسيبيني بروحي
غاده تضحك/عليش تبكي نبش نزوج بكره نا
ماما خشت/موافقه امالا
غاده انحرجت وطلعت تجري
ماما/باهي اللي تحشمت ماصدقوني طلعت صكروا الباب قالك متبش تطلعله امبدري وضحكت
............
نا قعدت نقرا لل8 ومعاذ ماجش رنيت عليه مردش حطيت التلفون من هنا ومسكت الكتاب رنت عليا سلمى دغري/شهد انزلي هدرزي حتى سمر لوطا
نا/باهي نرن ع معاذ
سلمى/معاذ حتى هو لوطا
نا/باهي تو ننزل
نزلت خشيت نسلم وجت عيني في عين معاذ برم وجهه وصبا!!تي هضا كنه؟ حسه دره كبدي
خشيت بعدها لعمتي سالمه وعمتي حليمه في المطبخ كاين معاذ فاتح الثلاجه وياكل
عمتي/معاذ طلع الاكل ع الطاوله وكول براحتك الثلاجه تزوي
نا/اهلين عميمه وسلمت عليها وع عمتي
معاذ برم بحت فيا من فوق اللوطا/عليش نزلتي؟ وطلع من الكوجينه
انا خنقتني العبره وقعدت نمسك في روحي عشن منبكش
عمتي حست وجهي تغير/كنك شهد
نا/شي وجيت بنطلع حسيت بدوخه مسكت في الثلاجه
سالمه/بسم الله كنك ياشهد؟
نا مسحت دمعتي/لا دوخه الدنيا لفت بيا
عمتي دارتلي اميه وسكر وقعدت يلاهم مبيتش نطلع عشن مايقهرنش بكلمه اخرى
سمر جتني/دودي شن الجو حبيبتي رايفت عليك
نا/تمام شن جو البيبي شن داير معاك؟
سمر/متعبني بكل امتى نجيب ونتريح
حليمه وسالمه/يارب ع خير وسلامه والعقبه لشهد
نا وسمر/ان شاء الله
ساره تعالن يابنات برا في الجنان نهدرزو
معاذ خش/اني طالع ترجونش ع العشا
امه/العشاء قريب يطيب اقعد وين ماشي؟
معاذ/عندي مشوار
امه/باهي تو نعقبلك
معاذ/لامتعقبيلش وبحت فيا.. طارت النيه من الاكل
امه/الله يهديك يامعاذ
انا تدوروني ماتلقوني كلهم حسو إن في حاجه بينا..وبحتو فيا، وبحتو في بعضهم
انا طلعت من المطبخ وجيت بنركب شقتي
سمر/شهد وين ماشيه
نا/تعبانه بنركب
سمر/خليك تو تهدرزي تبقي احسن
ناوحطيت ايديا ع وجهي وقعدت نبكي
سمر/كنك شهد؟
ساره/كنها،شهد تبكي
سمر/تعالي في دار البنات وكرني وصكرن الباب..
ونا قعدت نبكي وهن ساكتات يبحتن في بعضهن
............
ريان بعد كم يوم طلعت من عزلتها وقالت لباتها ان هيا وسيف فسخو الخطبه
باتها/عليش
ريان/مفش نصيب خلاص نحن متفاهمين
بوها/لاحول ولا قوة الا بالله
....... ........... .........
يتبع
#كاتبه_أميمه_اسامة
