قلوب سرقها الحب 💔
الحلقه الثامنه والثلاثون
"
"
امها/عليش رافضه موضوع الزيزة
ساره/مزال بدري خليني نعيش حياتي
امها تضحك/براحتك تو نخبر باتك وطلعت ..وساره قعدت تبكي
سلمى/مانني عارفه عليش تعذبي في نفسك؟ ساره تبكي/طفي الضي بنرقد
انا نضت ع المنبه جهزت السحور وخشيت بنوض معاذ مشيت لداره مصكره دقيت مفش رد فتحت الباب وتفاجأت!! معاذ مقعمزوع السرير وىيتفرج على الصور ويبكي مش فاطنلي بككل..قربت منه صور مرته..وهو معاها وجعني وتأثرت ومن غير مانتمالك نفسي حضنته وقعدت نبكي معاه حسيت بحزنه وبريافه..اكيد لو وحده غيري صارلها موقف هكي كانت غارت وتعقدت بس أنا لاني مجربه حسيت بيه.. معاذ كان ماسك فيا بالقوة ويبكي ونا نبكي/ربي يرحمها ادعيلها متنساهش من الدعاء والصدقه
معاذ بعد مني وقعد يبحت فيا وهو مصدوم!! انا/اسفه خشيت عليك بس لما دقيت مارديتش نحسابك راقد وقت ع الفجر كان بتسحر..وقعدت نمسح في دموعي
معاذ/والله ماعندي نيه
انا/باهي ع الاقل طاسة اميه وحبتين تمر
وصبيت جبتله سفره فيها تمر وطاسة حليب وطاسة اميه ومحلبيه وطاسة عصير جبتهن له في داره تغضل.. وجيت بنطلع محبيتش اني نضايقه ..
معاذ/شكرا
انا/عفوا
خشيت توضيت ولبست غطاءالصلاة ومسكت مصحف وقعدت نقرا ودموعي ماوقفنش خش عليا ولقاني نبكي معاذ/انا اسف ياشهد
انا/علي شنو اسف
معاذ دنقر راسه
انا/مفش داعي تتأسف انا حاسة بيك تعرف رغم انه هاجر ميته لكن نا حبيتها لان الراجل مايتعلقش بمرا ويحبها بالشكل هضا الا اكيد نادره وتستحق.. بس الله غالب هضا حال الدنيا كل مره تاخذ منا حد غالي علينا وغصبا عنا مهما زعلنا حنرضو ونتاقلمو لان لو مارضيناش معناها نحن معترضين على قضاء الله.. كنت ندويله ونبكي معاذ بكيتها تجنن وصوتها هادي ودلوع كيف البيبي مامسكتش روحي جيت قعمزت جنبها.. ومسحتلها دموعها
انا/..جسمي قشعر و واطيت راسي
معاذ/ نكدت عليك ممكن نتعارفو؟ ههههه نحن قعدنا اصدقاء ومنعرفوش شي ع بعضنا
اناضحكت وحطيت المصحف يلايا/انا شهد عمري 21 سنه ثاني وحده في خواتي نقرا رابعه جامعه قسم لغه عربيه هههههه
معاذ/بس.
انا/وبس
معاذ/عمري 30 سنه نشتغل في شركة الكهرباء كبير هلي وعصبي وغيور مكبد ع عيلتي وااجد و منكسرش كلمتهم
انا/هههههه
انا/معاذ نبي نمشي الجامعه
معاذ/امتى؟
انا/الاسبوع هضا والجاي بعدها عطله لبعد العيد راحن عليا دروس واجد
معاذ/باهي معندكش مشكله نسقي وقوليلي
انا/شكرا
معاذ/عفوا هي نعدي نصلي الفجر طلع يصلي..
الله قديش طيب وذوق.. حي شكلي حبيته العطيب.. بس هو قال شهر ونطلقك.. لالا كلام بس مظنش.. بديت نمشي للجامعه وقلت لغاده سمر مروحه اليوم(الخميس) شوفي ماما و بابا نجو نزورو في حوش جدي ونباتو يعني نلتمو العيله كلها
غااده/خلاص تو نحكي لماما وانسقو بينا تلفون وجاني معاذ وهي جاها بابا
*سيف يحاول يفوت ريان بس ريان ساكنتله بالرنات والمسجات وفدوى شاكه وشمت عليه عطر نسائي يوم اللي جاته في المحل وتحس فيه يفكر واجد فدوى تحكي مع بلقيس صاحبتها في النقال/مضايقه يا بيسه شاكه فيه وخايفه نكون ظالمته
بيسه/عندي حل انا ولد عمي يشتغل في شركة لبيانا عطيني رقمه نراقبو المكالمات كانهو يخون فيك تو يبان
فدوى/را نسببلك مشكله مع راجلك بس
بيسه/مفش مشكله عيال عمي خوتي من الرضاعه مرات عمي بعد توفت امي رضعتني مع عيالها
فدوى/خلاص تو ندزلك رقمه في رساله
بيسه/ بس متبينيلش شي
فدوى ودموعها ع خدها/حااضر
وصبت حطت فطورها وفتلكت ولبست ولاكإن في حاجه
في حوش هل عماد&
كانو ملتمين في حوش جدهم يرجو في عماد و سمر (ومعاذ واحمد)عدو يجيبوهم من المطار وصلو الحوش مع ال 12 ونص واستقبلتهم امه وجدته بالزغاريت باته/الحمدلله ع السلامه انستنا والكل يسلم ونا حضنت سمر وقعدت نبكي/رايفت عليك
عماد/خيرات ياشهد انا ميسلموش عليا تخزرطت لاني منسلمش نزلت راسي حمدلله ع سلامتك عماد انست حوشك
عماد فهم اني منسلمش/الله يسلمك الله يسلمك وتسحرنا مع بعضنا وسمر وعماد وزعو الهدايا مش ناسيين حد و ركبنا شقتنا
&ثاني يوم الجمعه&
معاذ يجهز في روحه للجمعه وانا مليت لياكم يوم محبوسه في الحوش
انا/معاذ عادي نعدي معاك لصلاة الجمعه؟
معاذ/الجامع اللي ماشيله مفش مصلى نساء شهد عارف انك مكسده لكن اليوم بعد التراويح تو نطلعو باهي انا/والله؟ وقعدت نبرم من الفرحه
معاذ/والله نطلعو
انا/معاذ مرايفه علي هلي شن رايك السبت نزور انا وسمر مع بعضنا في حوش جدودي ونباتو ممكن؟ معاذ قرب مني ومسك ايديا/اكيد ممكن تباتي يوم بس تروحي مش تسيبيني
انا قعدت نبحت فيه وهو يبحت فيا انستهنا وقت في عيون بعضنا ورقرقن دموعي/ان شاء الله الاحد اليل نروح
معاذ/خلاص قولي لهلك ونا حنقول لهلي لان حيمشو معاكم
انا/حاضرشكرا
معاذ/عفوا
......
.....
.....
متابعين روايتي قلوب سرقها الحب 💔
من اللي كبدها زاعمه من معاذ وسيف تقولي؟
نعاقبهم ولا لا؟؟ ومن اللي فرحانه في عثمان؟
توقعاتكم شن بيصير
...
يتبع
#كاتبه_أميمه_اسامة
