قلوب سرقها الحب💔
الحلقه الثالثه والثلاثون
"
"
سيف من كثر ما نقلب عياره صكر المحل وروح للحوش
بعد روح خش الحوش استقبلاته ساره و هاجر/بابا ونطن عليه ..خضنهن ..شن جبتلنا؟ عطاهن كل وحده شكلاطه
فدوى ترضع في عبدالله وتعبانه انفلونزا/تعطيهنش لين يتغدن
سيف/خلاص عطيتهن كنتي غديتيهن ممبدري فدوى/بسم الله الرحمن الرحيم الساعه1ونص انت اللي جاي بدري امتى تبيني نغديهن؟
سيف/تعبان حطيلي نتغدا
فدوى تعقدت كنه هضا خاش شايط سيبت عبدالله ومشت تحط في الغدا وعبدالله شال بالعياط..
فدوى/اييه عليا ناتو نديرله رضاعه عنه مارضع مني
تغدو وخش رقد فدوى حطت عبدالله في سريره وولعت رسوم للبنات وجاته/حبيبي كنك شن مزعلك؟ سيف/انتي معش تلبسي ومعش تمكيجي..
فدوى/سيف حرام عليك انت تجي قريب العصر هضا وقتك اليوم روحت بدري مزلت ماكملت حوستي سيف/باهي خليني نا تعبان بنرقد
فدوى طلعت من الدار وقعمزت يلاساره وهاجر..
&سمروعماد&
سافرو تركيا مزال اسبوع ع رمضان وبياخذو اسبوع في تركيا جوهم حلو
انا منشوفش في معاذ يطلع بدري ويروح ال 1 في اليل ..اليوم كبيرة رمضان دق الباب ونا طالعه من الحمام كنت نسبح لبست روبي وبحتت من العين لقيتها ساره جايبة من غداهم فتحت..
ساره/ أهلين ياعروس
أنا/اهلين ساره كيف حالك؟ تفضلي
ساره/لا تو يجي معاذ
انا/غار خشي معاذ مزال ميجش توا مكسده خشي ...خشت ساره
نا/شويه نلبس بس خشيت لبست وساره حطت السفره في المطبخ..لبست سروال امريكي وبدي بودري وناديت لساره
ساره/كيف حالك انتي ومعاذ ياشهد؟
انا/تمام الحمدلله
ساره/شهد نحن بنات كيف بعضنا نحس فيكم مش متفقين يعني انتي عروس وبدا.
شغل من 2 او 3 يوم تحسيها غريبه منشوفش فيكم تطلعوا و هو يجي متأخر.. انا كنت مصبيه بنولع الاستشوار كلام ساره جاني ع الجرح فكيت الاستشوار وقعمزت ع السرير وانهرت بكا كانك مولعة شيشمه معش قدرت نسكت ليا وين ماسكة روحي..
ساره انفجعت/شهد سامحيني مش قصدي انا اسفه وانا نشهق ونبكي
ساره خافت/شهد والله ماقصدي ندخل في حياتكم بس الموضوع واضح وحبيت نساعدك
انا/كيف بتساعديني؟ خوك مش طايقني ولاهو مبحت في وجهي
ساره/باي اهدي واحكيلي خلاص معش تبكي
عند معاذ كاين في المكتب دق الباب
السكرتير/استاذ معاذ في واحد يبيك
معاذ/خليه يتفضل وجيبلنا قهوه
خش عثمان(عرفتوه)/السلام عليكم ومد يده
معاذ/وعليكم السلام سلم عليه ..تفضل
عثمان/سامحني جيتك في العمل معرفتش كيف نوصلك وحوشك منعرفش
معاذ/خير ان شاء الله مفش مشكله
عثمان/انا جاي نبي نخطب اختك
معاذ/قعد يبحت فيه جوا عيونه عيونه خضر واسمر (زعمه عدسات)في عقله ههههه
عثمان/ارتبك معاذ/بس انا عندي اختين اين من خواتي ورفع حاجبه
عثمان تخزرط وقعد يستعبط..منعرفش اين منهن انا دلوني عليها تقرا في معهد قالولي
معاذ/باهي عرفني عن نفسك وبدو يهدرزوا وانسجمو .. بعدها خذو أرقام بعضهم خلاص بينا تلفون
طبعاعثمان من يومها اللي تعارك مع ساره معش حصلها حضراته ويرن ع صاحباتها موصيتهن ميردنش عليه .....
ساره أسمعي اكيد اليوم حيجي بدري لان اليوم عماتي حيجن و حنلتمو في حوش جدي ونتعشو مع بعضنا.. ميقدرش يغيب وفتحت دولابي وطلعتلي جونه حمرا وعليها كت ابيض وفيه ورد حمر صغير وصندل ابيض ..
ساره/البسي هذه
انا/قصيره هذه فوق الركبه
ساره/عليش شاريتيها؟
انا/سكتت
ساره/تعالي تعالي نمكيجك
مكيجتني هي ألبسي
لبست وقعدت نبحت في المرايا..الله حلووه
ساره/تهبلي تو بعد يروح مش تقعدي في دارك اطلعي استقبليه وهدرزي معاه عادي وقوليله هلك يستنو فينا ع العشاء
انا/منقدرش
ساره فنصت فيا/شن ماتقدرش؟ تبي تسمعي كلامي ولاننزل؟
انا/ باهي خلاص تو نحاول
ساره/ايوه خليك مطيعه
خلاص ننزل صوت سيارته
انا/غريبه روح بدري؟
ساره/مش قتلك حيروح ميقدرش يخاف من جدي هي سلام منبش يشوفني عندك ونزلت ساره
توقعاتكم
...
....#كاتبه_أميمه_اسامة
