خليكي تقيلة

7 .

  

ياهو كالعادة في اي مشوار لينا سوي واقفين في طرف الشارع ، أحمد ورامز بيخبطو ويشاكلو في حسام عشان وصف  الطريق غلط أنا شخصياً ما قادرة افهمهم حسام يمينو من شمالو ما بيعرف ودايماً بيلقط المعلومة غلط وبيوصلها بأغلط يعني بإختصار شخص غير موثوق في المواقف الذي دي بس الغنم ديل كل مرة بيعتمدو وصفو وكلامو طبيعي  ، والاخ المحترم جيمين واقف جم مآب بشاغل فيها متكل علي كتفي معتبرني حيطة ولا علي بالو أنا بسمع في كلامو البيجيب الطمام دا الكنت حقولو بس من اعماقي حاسة بجفاف عاطفي حاد ومتأذم شديد وأكيد جيمين لسع بيقول لمآب إنو كان مشتاق يشوف وشها ويسمع صوتها لا وسماحة طلب يطلعو يوم سوي كراجل ومرتو والموضوع جرة لحدي دايرة اجي لابوكي متين ؟ و هل إنتِ مستعدة لخطوة الزواج ولا لسع ، ومآب لو متخلينها زي سمر حتتحجر في محلها زي الصنم وتخجل لدرجة جسمها يسخن فغلط ، مآب مربعة يدينها ورافعة ليهو جاجبها وشغالة ليهو -واللهي -  و - بالجد - و - أبيت - الشهيرة حقتها .

    وجيمين لسع مواصل رغم برودة مآب بالجد البت دي صعبة شديد في الجانب العاطفي دا بس تعال لشخصيتها معانة تضحك كانو يا دنيا مافيكي شر ،  أنا غلبني أسمع أكتر من كدا وححرج روحي لو إتكلمت بعد صمت طويل فالقدرت أعملو ألذ يد جيمين مني وأقول - زح مني يا معرص - وأمشي علي سمر البتتكلم بالتلفون مع سعاد بعيد شوية مننا وقلت ليها 

   : افتحي الاسبيكر .

سمر حزرتني بس أصريت وهي فتحتو جاني صوت سعاد بتكورك

    : كيف يعني ضيعتو الشارع ؟ سياح إنتو ولا شنو ؟ و وروني مخابيل إنتو عشان تسمعو كلام حسام دا يدو اليمين من الشمال ما بيعرفها لمن يعرف يوصف في بحري  ..

أنا قلت ليهم كم مرة بس ما بيسمعو كلامي ، ولسع كانت بتكورك بس ما سمعتها لاني قفلت الإسبيكر وقلت لسمر

   : ما بقدر إتعاملي معاها إنتِ .

  جاء أحمد من اللامكان وقلع التلفون ونفسو قايم وزهجان لمن حاسة براسو مسخن رجعت خطوتين لجم رامز لمن أحمد قعد يكورك مع سعاد ومتأكدة سعاد كمان بتكورك بالجهه التانية ، سمر قنعت من تلفونها جرت من أحمد لحسام القاعد في الارض ورفعتو بتصلح ليهو هدومو وشعرو الاتنكش بعد كان مسرح سمح مسكين يا حسام والله حنيت عليك بس ما مشكلة أنا بأخد ليك حقك ،  مآب لسع واقفة و معاها جيمين المقوس خشمو لتحت زعلان !! يستاهل ، غريبين شديد الشلة العواليق البعتبر روحي أكبر عولاقه فيهم وفي نفس الوقت ظريفين شديد انا شخصياً بحبهم شديد رغم قسوتهم معاي لكن بحبهم شديد .

   أحمد جدع لسمر تلفونها في رامز لمن قال - أنا حسوق - واحمد بزهج رد عليهو - أمشي أذن - قصدو لو مات ما حيديهو حقار شديد أحمد قاسم دا و في نفس الوقت رامز قرشي دا مسكين شديد مسك خشمو عليهو خوفاً من أحمد متأكدة لو زول تاتي غير أحمد رامز كان وقف ليهو في حلقو عشان يخليهو يسوق بس أحمد وفي الحالة دي حتي حسام سيد العربية ما حيتكلم و أحمد ركب وكورك لينا نركب سمر جرت مع مآب وركبو مع جيمين حسام جره جري وقال حيركب مع جازم  ورامز براحة إنسحب وراهو قسماً ما بسألهم أنا زاتو لو فضل في محل في عربية جيمين كان ركبت معاهم بس مافي أحمد قبل أقول أي كلمة قال ليهم ألحقهم الخايبين ديك ، خايبين شنو يا ولدنا شايف روحك إنت في المراية ولا لا شوية كدا وعروقك تنفجر عيونك حمراء زي الدم اديني بعد دا سبب واحد يخليهم يبقو رجال ويركبو معاك .