: خلاص نكون جادين زين بالجد نازك وفؤاد اتقبضو .
ما قدرت ارد علي رامز وارد اصلاً لي حقول شنو يعني كنت يادابي بتنفس كويس لانو برضو بسبب الجملة دي ما قدرت انتفس فضلت بس اعاين لرامز وهو ود الحرام تاني ضحك ياخ انا والله ما قادرة لهظارو ، مسكني من يدي وجراني للحافة بيخليني اشوف السور حق بيت عمو تحت .
بسم الله دا شنو دا ، انا زاتي ضحكت معاهو لمن دموعي طلعت الاشواك الحديدية الكان مركبنها للحرامي فؤاد ونازك متعلقين فيها ولا الاصح هي ماسكاهم فؤاد مستسلم مرة واحدة مخلي الاسلاك تجرو من بنطلونو وهو واقع لورة وظرافة ماسك تلفونو وبيطبظ فيهو ونازك العجب كان حالتو الاصعب مستغربة هل هو علق فيها ولا ركبوها حولو لانو لافة في جسمو زي الدبيب ومع دا كلو بيضحك وبيلوح لي بيدو بمزاج السؤال هنا ما هم بيعملو شنو ؟ السؤال هنا هم ما اتجرحو لحدي هسي كيف ؟
: اتقبضو قبضة بت كلب .
يا الله رامز قدر يتكلم ويقول جملتو دي بسبب الضحك وانا ما قادرة اشوف بالدموع البتجيني من الضحك نازك كورك لينا باعلة حسو
: شوف اولاد الحرام ديل تعالو طلعون من الدين دا .
هسي اسكتو عشان الصوت العالي ولا عشان الالفاظ ، رامز لسع بيضحك بس خته يدو ونطة من السطوح للصقف حق المخزن الخارجي بعدها نزل براحة للارض عشان يفك نازك وفؤاد لانو الاتنين علقانين لجوة المسافة نهاي ما قصيرة دا طابقين فوق الارض دا غير انو بيت عمو من دون البيوت هنا عالي شديد تقول من العمالقة العايشين فيه ياهو جازم ومية و تمنين ما واصل ، وانتي يا زين خلي القلت ادب انتي مية خمس وستين ما واصلة تشمتي في منو .. صحي يا انا هسي خلي الهبالة وانزلي طلعي الرئيس من الورطة دي .
في اللحظة الدايرة انط فيها سمعت زول وراي بيقول
: ما تنط بضربك معاي مسدس ..
امااااااك مسدس عديل بدون سبب لقيت روحي برفع يديني وبنزل لتحت في الارض بركبي وما عارفة لي عملت كدا بس سبيت لروحي لمن ركزت شكلي اتفرجت افلام كتيرة ، قمت بزهج وقبلت علي المبدل دا نظام ما حنط الشي طلع جازم وبنفس صدمتي فيه هو انصدم انو دي انا الشي عميان سجمنا قاعد يضيق عيونو وميل براسو يمين وشمال بعدها كورك بزعلة كدا
: ياخ ابو اهلك يااخ بتعملي شنو انصاص الليالي هنا ؟
دايرة افنو بطوبة اقسم بالله الولد دا في رأسو دكوة كيف يعني بعمل شنو ؟ هو البيعمل شنو مفروض يكون نايم انا طول قعادي معاهم بقعد هنا لوقت متأخر يا هنا يا في البلكونة وكل مرة بتقبض هنا من طرفو وبقول نفس الجملة
: ما قادرة انوم انت مالك ؟
المشكلة اني بجاوب وبعدين بقول انت مالك انا شكلو الفي رأسي دكوة ما هو ، جيمين بقة ماشي علي وشايل شي اسود كدا في يدو ما يكون بالجد شايل مسدس عمو مرتضي حيقتلو حذرو كم مرة ما يسرق مسدس عمي بس جيمين ما بيتوب ولا انا صحي انا كمان مرات بشيلو وبلعب بيهو بس الفرق بيني وبين رأس القرعة دا انو هو بيتقبض وانا لا ؟
أنت تقرأ
خليكي تقيلة
Teen Fiction~{الزهراء }~ جريت نفس طويل بعد التشجيع الاخدتو من جازم وقلت لروحي زين من اليوم انتي انسانة جديدة خالص حتغيري اي حاجة ما كويسة فيكي للاحسن والكويس برضو حتحسنيهو للاحسن خليت جازم ورأي ومشيت اول خطوة لقدام والخطوة التانية التالتة جازم كورك لي . : زين...
