خليكي تقيلة

10 .

 

والله رغبتي هسي في اني اديهو كف علي طول لسانو اكتر من اي وقت مرة بي في حياتي هو طبيعي لسانو طويل بس ما بيفضح ، قاصدني جازم المرة دي قاصدني هو اشر لصورة خطيبة عبد الكريم واتكلم والحولينو من الخلعة كلهم ركزو معاي بطني انكمشت اكتر لجوة لي هي بتوجعني قدر دا بسم الله مالك يا بطني دا ما وقتك نهائي ، جيمين عاين للصورة لمسافة وضحك بيقول

   : والله هي زاتها ياها نارمين بت خالتك حتي شوفو الشبها بينها وبين اختها ريم .

التعليقات خشت في بعض وما قادرة افرق بينهم بسبب بطني البتوجعني قدرت بس اقول بالجلالة

   : جازم اقفل خشمك انا جادة .

وقبل اسمع اي رد او استفسار مشيت علي الباب دايرة اطلع بس رامز ود الحرام دا ما حيخليني هو ما صدق لقة لي حاجة يزلني بيها ويشغلها لي جراني من يدي بيقول

   : دي بت خالتك وما تورينا خليهم هم انا لي ما وريتني .

دي زي تشغيل وضع المشاكل في المجموعة وسمر اول من يستجيب

  : لي انت منو ؟ انت تطلع منو ؟

جرتني منو ووقفتني وراها وهي بتحرك يدها في الهوة سعاد مشت بوراها وجاتني بتجرني لبرة شوية وبتقول

  : بالجد دي بت خالتك .  بت خالتك اخت امك .. بت خالتك خالتك .

هي  زعلانة ظاهر في صوتها انها زعلانة الموضوع ما كبير للدرجة التزعلها بس هي حساسة شديد ، اخوها خاطب بت خالتي وانا ما عارفة هي ما حتفهما كدا هي حتفهما اخوها خاطب بت خالتي وانا ما وريتها انها بت خالتي هي اصلاً ما بتعرف لو عندي خالات ولا لا ، دا بيخلني افكر بصورة اوسع انا بالنسبة ليهم شنو عشان يسألوني عن اهلي ، البعرفو ومتأكدة منو انهم غالين بالنسبة لي اي حاجة غير كدا ما مهمة .

   : اي هي زاتها لكن ما كنت عارفة انو خطبت عبد الكريم .. دقيقة دا يعني حنبقي قرايبين ولا اسمها نسابة ما عارفة .. هوي معاكم اهل العروس شخصياً وين البارد والكيك .

اتجاهلت بطني تماماً وختيت يدني في نصي بضحك و بحاول بقدر الامكان ادخل روح الضحك في الموضوع وخايفة ما اتوفق بس ضحكتهم خلتني اطمن عاصم رفع يدو وشغال -أبشر- مافي داعي اقول اكتر زول اتحمس معاهو مآب وجيمين عندهم نفس المود في الحاجات الذي دي .

عاينت لسمر و رامز وما قادرة اصدق هم بيتشاكلو لي هسي وسمر تحكها معاهو وهو يحكها معاها حسام مقلع عيونو و بيعاين ليهو متأكد مصدم من الانتقادات الحارة البقولوها لبعض و كانو ما بيحسو بتخش بالاضان اليمين وبتطلع بالشمال أحمد بيتكلم مع إيان بعيد شوية وعاصم جيمين مآب وسعاد حولي وشغالين لي - ابشر - انا عيني من الالم ما قادرة ارفعها بس قدرت أرفع يدي وابشر معاهم كيف ما عارفة وكمان قعدتة اشرح ليهم