دا هو زاتو ، هو ما اتغير زي ما بتذكرو حتي حبت دقينة كدا كتغير ما عندو يمكن بس شوية الشيب البدأ يظهر في شعرو كانت بس التغير ، عيوني زي الكانت بترجف بس دي ما هي البترجف دي دموعي طلعت بسرعة نفسي بقة تقيل و زي الحسيت بصدري قاعد ينكمش لجوة ورأي فجاء بقة مشوش دي ممكن تكون علامات الفرح الشديد بس انا لا البيحصل لي دا مزيج بين الغضب والحزن مهما اتكلمت ما حقدر اوصف انا بكرهو قدر شنو .
: ما تجيني .
كانت الجملة الوحيدة القدرت اطلعها ثابتة لمن كان ظاهر انو حيجي علي ، هو كان عاوز يتكلم بس انا تاني قلت بقاطعو
: ما تتكلم ما دايرة اسمعك .
حاولت اطلعها ثابتة بس كانت بترجف ودموعي دي مالها ما دايرة تقيف كنت غضبانة من نفسي لاني ببكي قدامو انا غبية لي أبكي زاتو ، طلعت السلم تاني بسرعة وما قادرة اشوف قدامي ولا امشي زي الناس بس حسيت انو جسمي بقة ما حقي ما قادرة اتحكم بيهو كويس .
: زين ؟
رفعت رأسي لجيمين القال اسمي ، كان قدامي طوالي متين هو وصل هنا ؟ انا ما لاحظت ليهو لكن زي الشكلو كان نازل لتحت عاين لي بابتسامة بس فجاء ملامحو اتغيرت تماماً لواحدة جادة رفع رأسو عاين وراي تاني عاين لي نزل ووقف قدامي بيقفل مني الشارع بعدها قال
: زين اسمع....
قبل يتم كلامو لزيتو من قدامي بالفضل لي من حيل وطلعت ما عندي حيل اتكلم واكيد صوتي حيطلع بيرجف ، لي انزل روحي للدرجة دي؟ بس جيمين ما خلاني مسك لي يدي وقال
: اكبري يا زين علي الاقل اسمعي جه لي .
ما عاينت ليه حتي ولزيت يدو وقلت
: ما تتدخل دي ما حاجة تخصك .
رفعت كراعي اطلع بس ما قدرت اطلع كانو كرعيني الاتنين اتلصقو في السلم وما عارفة كيف بس بالجد ما قدرت اتحرك ، جيمين قال
: تخصني ابوكي دا عمي يا زين وانتي باقية ليهو شوكة حوت ، دايرة تكوني بت عاق طيب بس علي الاقل ما تبقي اخت عاق كمان .
كلامو رغم انو نوعاً ما صح بس انا ما قادرة اتقبل الكلام دا ولا قاعد يخش رأسي انا ما قادرة اسامحو ولا اسامحها وغير ما قاعد يقطع قلبي ما قاعد يعمل شي انا بكرهو وبكرهك وبكرها وبكرهكم كلكم سامعني انا بكرهكم كلهم وبكره نفسي الما قادرة تقول ليكم الكلام دا عشان خايفة منكم .
: زين بتي أقيفي .
انا غير ما قاعدة ازيد بكة ما قادرة اعمل شي ما قادرة اطلع ولا قادرة اقبل وشي عليهم البيقول عليهو جيمين ابوي واقف وراي طوالي وقعاد يقول لي بتي ! هه هو قال زين بتي سبحان الله ياداب بقيت بتك الموضوع يضحك ، في عز بكاي ضحكت يمكن صوتها كان عالي فجاء بقيت ما قادرة اعرف انا قاعدة اضحك ولا ابكي قبلت عليهو بعد شوية قدرت اقيف من الضحك وقلت
أنت تقرأ
خليكي تقيلة
Teen Fiction~{الزهراء }~ جريت نفس طويل بعد التشجيع الاخدتو من جازم وقلت لروحي زين من اليوم انتي انسانة جديدة خالص حتغيري اي حاجة ما كويسة فيكي للاحسن والكويس برضو حتحسنيهو للاحسن خليت جازم ورأي ومشيت اول خطوة لقدام والخطوة التانية التالتة جازم كورك لي . : زين...
