خليكي تقيلة

17 .

هو المفروض ما اتخيل اكتر من كدا لانو بالجد حعلق في الخيال وانسى الواقع ودا حيخليني اتعامل مع البعرفهم ما زي ما بتعامل معاهم في الواقع .. شوية كدا وحتعامل معاهم زي ما بتعامل معاهم في قصصي الخيالية و دا بيختلف .

فلازم احذر شوية ..

مستيحل اوري ناس البيت  انا ماشة حفلة هم اكيد ما حيوافقو هم بالشدة وبالتهديد مخليني اطلع بس عشان جيمين هو البيسوقني معاهو واليوم هو اليوم المنشود ، كنت من العصر مقيلة مع سمر  واعيد واكرر اسلوب الحياة البرجوازي دا ما بينفع معاي أحساس رصت لي فساتين الدنيا والعالمين عشان نختار منهم ودا يمثل تفكير أكتر من نص الدفعة هم اكيد حينسو انها حفلة تنكرية يعني يا جماعة البسو زي باتمان وسوبرمان وارنب عيد الفصح والحجات ديك بس لا سمر مصرة يا فستان فوشي يا سماوي صافي وانا يخربني حدودي لعرفة الالوان اصفر واحمر واخضر  لمن تجيب ليها الوان اول مرة اسمع بيها .

انا غايتو من بدري جاهزة بس فضل لي اغير ، سمر رغم اصرارها انو تلبسني فسان انا لبسته بدلة رسمية كانت بالابيض بدلة عديل بربطتها وجزمتها دايرة اعيش دور الاولاد ولا الاصح العرسان الاولاد بس الشعر خارب اي شي .

واقفة قدام المراية بعاين لهدومي من كل جهة انا ما لازم اكون مبهدلة او في غلط في هدومي انا حغني في حفلتو والناس كلها حتركز معاي لازم اكون مهندمة ، سمر طلعت من وراي بتلف بفستانها الازرق الفاتح دا اسمو سماوي علي ما اظن كان بالجد فخم وحق اميرات منفوخ شوية كدا من تحت وفيهو ورود من فوق قبلت عليها وقلت

  : أميرة ساندريلا .

سمر نزلت بفستانها كتحية ملكية وقالت

  : أمير زين .

ضحكنا في بعض بالجد كنا حلوين قاعدين نشاغل بعض ونضحك ، الوقت لسع شوية بدري بس نحنا شليقين نعمل شنو ؟ سمر مشت تخت لروحها مكياج زيادة وحلفت ما تلبس طرحة مع فستانها ولازم شعرها الاشقر دا يظهر زكرتني بهلين وانا ابيت لو اعاندها بالعكس قعدته اضحك فيها ، قعدته في سريرها وبقيت اعاين لغرفتها الواسعة وانا بفكر  بختها سعاد حتمشي مع إيان الحفلة طبعاً من امبارح  اتفقنا نمشي كثنائيات مع انو نفسي كان امشي مع الكراش بس عرفت متين ورامز والله حيهدم هيبتي قبل ادخل فطوالي اخترت مآب ودورتها شكلة مع جيمين المهم طلعت براي العايشة علي فكرة الثنائيات دي كوني عايشة جو الحفلة تفكيري مختلف وغريب زي تفكير توفيق .

هم بس ما حاولو يفهمونا هم بيعتبرو اي شي ما بيفهمو غريب وغبي بس عشان ما بيفهمو يمكن دي من سلبيتهم البحاول اصلحها فيهم بس هم ما بيسمعوني بيقولو انا مجنونه الوحيد البيسمعني حسام بيقول اي زول وعالمو عشان كدا بتكيف منو هو كمان وافق علي فكرة الثنائيات دي بس لانو هنادي كان قاعدة هو سحب الفكرة بالجد حاجة مزعجة لمن زول يتلصق فيك بس لانو معجب بيك بدون اي حقد علي هنادي هي بالجد بالغت وكترتها ومافي زول قادر يصارحها .