خليكي تقيلة

8 .

الحصل بعدها بقة لي زي الفيلم الهندي من وقعتي يوم البرنامج لسرحتي بعد سمعت سعاد بتقول لإيان ما ينوم معاها في الغرفة وهسي فتحت الباب وإيان من غير قميص ... في حاجات كتير عاوزة اقولها ونهائي مافي واحدة بتمد للتانية باي صلة منها إحترم نفسك والبس قميص وفي واحدة بتقول  عضلات جيمين تنتحر من السرير الولد دا فيهو عضلات حاسة بريالتي دايرة تنزل بس وقسماً أنا أكبر من كدا وطبعاً في الضمير البيقول لي غطي عينك يا مسلم بس والله والله يسامحني ما بغطيها هو الجاني كدا أنا ما هجمت عليهو وهددتو بمسدس عشان يقلع قميصو ... زين إنتي حالتك إتخطط مرحة الاسف بمراحل حالتك يا زين بقت مستعصية .

ميران الجرت لي شعري تاني وخلتني اكورك طلعتني من سرحتي المبالغ فيها في الولد بس الصدمني أكتر من السلسل اللابسو وشكلو راجع لورة قولت خشمو لخالتو سوزان -أمي - خالتو سوزان طلعت أمو بس والله العظيم عمو كمال دا ما أبوهو وخالتو سوزان دي قدر شنو عشان يكون عندها ولد قدر إيان وهي متزوجة عمو كمال قبل زي خمسة ستة سنة زي ما بتذكر سعاد حكت لي عن عمها دا ،  شوفي يا زين إنتي شاطرة كيف إستنتجتي الحاجة دي بس من معلومات عشوائية ، خليت ميران تجر لي شعري ساي وركزت مع خالتو سوزان و إيان القال

   : نعم ماما .

   : كنت نايم ؟

   :  لا كنت بصلي .

    : ما تقعد هنا براك أمشي أقعد مع الرجال في الديوان وفي أصحاب سعاد اللاقيتهم في البرنامج جابتهم مخصوص عشان تتعرف عليهم .

   : ماما كلها شهرين بس وارجع للعجوز داك ما في داعي لاصحاب المصلحة ..

     قبل إيان يتم كلامو سعاد جات علينا بتنادي خالتو سوزان إيان نزل بركبو لثابت وعمل ليهو حاجة كدا في جبهتو وقبل لميران بعدها عاين لي ووشو نهاي ما فيهو أي مشاعر  لو جينا نحلل حتي صوتو ما فيهو ولا ذرة مشاعر و كحيان كدا زي حسام ، فكة يد ميران من شعري براحة و مسكها بيتحسس جلدها وشفت شبح إبتسامة في وشو بعدها عاين لي ورجع وشو الجادي داك وأنا من جوة بكورك -يا ساتر- شوف يا ولدنا لو داير تاكلي أكلني لو داير تضرني أضربني بس ما تحمر لي كدا قاعد تخوفني وتوترني علي التوتر الأنا فيهو ، وشنو قصة اصحاب المصلحة دي  .

  إيان رفع يدو براحة من ميران ورفعها لرأسي بيرجع لي خصل شعري وره أضاني بيدو عقلي وقف معالجة بيانات خلينا من إنتاج ردود فعل للموقف دا ، لو ما كنت شايله ميران كنت أديتو كف او كسرت ليهو يدو بس أنا شايلة ميران .. ولا لا هل أنا خاتة ميران كعذر ؟ .... ما مشكلة بديهو شلوت حتي لو طويل وعريض أنا دقيت الاعرض ، رغم إني قررت أضربو بكراعي بس كراعي ما إتحركت ولا يدي وبعد كم ثانية كدا ركزت إني بطلت تنفس أنا بالجد دايرة اديهو كف .

سعاد جات جمبنا وأدت إيان بنية في بطنو وكوركت فيهو - يا مخلقن زح من صحاباتي وإحترم نفسك إنت في السودان - لزتو لجوة الغرفة وقفلت الباب وواصلت كلام مع خالتو سوزان عادي كانو ما حصلت حاجة وأنا مخي بيعيد اللحظات الفاتت دي كانو حلم ما حقيقة ، عاينت لخالتو سوزان الشالت ميران مني ومشت مع سعاد وأنا لسع واقفة في محلي ما إتحركت بتذكر يدو البترتب في شعري وبترجعها لورة ولمن تهرب خصلة كان تاني بيرجعها لورة أضاني كيف ؟ لي أنا ما زحيت منو ؟ كيف خليتو يمسك شعري ؟ هو قايل نفسو منو ؟ سبيت ليه في سري ب- ود الحرام المخنث دا -.