خليكي تقيلة

33 .

جيمين حرك رأسو بأي و صفق بيدو بعدها اشر ليها تثبت القالتو وهي بدون تتردد رجعت لورة و جرت علي الكنبة دايرة تثبت نظريتها اول ما نطت من الكنبة جيمين سألها بسرعة

   : بتعرفي كلمة شواذ من وين ؟

زين تركيزها اتشتت و اصطدمت بحيطة السلم بكل جسمها ونزلت لتحت ، زين حبست انفاسها و قبلت علي جيمين الفجاء ملامحو اتحولت لواحدة ما عجبتها نهاي ، الأحاسيس البتظهر في الوش ما صفة عندها هي بس حتي جازم ومرتضي زيها  بالنسبة لزين قد يكون اكترهم تحكماً في ملامحو مرتضي لانو مثبتها علي إحساس - زهجان ما تتكلم معاي - بس الما بتعرفو زين انو جيمين البتسميهو -الاهبل- في رأسها . البتشوفو قدامها دا ولا نص من مية جيمين بجوة جيمين . و إن كان في عيب جازم بيعترف بيهو في نفسو انو بيغضب بسرعة و إن كانت في حسنة اصحابو بيعترفو بيها في جازم انو بيقدر نوعاً ما يتحكم في غضبو ، بس المرة دي بتختلف زين لسع في سنتها الاولة من الثانوية و كونها جاية من منطقة اقربها للريف من منطقة حضرية بتخلي احتمال انو سمعت الكلمة دي في المحل داك مستبعد تماماً وهو علي حق بالاستنتاج دا ، طيب من وين جابتها ؟ و كيف فكرت فيها حتي بس من مجرد لمحة ؟

جازم ما قادر يتحكم في ملامو وكان ظاهر عليهو مضايق من جملتها بتاعت قبيل زين شالت نفس وقعدت تبرر ليهو

   : قبل اسبوع قريت منشور في الفيس بيتكلم عن الحاجة دي وبيقول انو موجودين اكتر حاجة في تايلندا و المانيا و انو في واحدين بيقولو دا اطراب في الجينات او مرض نفسي ...

جيمين قاطعها بيرفع حاجبو ليها بفهم ما مصدقك

    : يعني عرفتي دا كلو من الفيس وجاية تقيمينا بإنو نحنا مرضي نفسيين زين دا صحبي..

زين قاطعتو بترفع صوتها زي ما  صوتو طلع عليها

   : اليعرفني شنو ؟ انت ما بتتشاف نصيح لو طلبت رأي .

سكتت لمن جيمين مسك جبهتو بيعصر عليها بيدو وهو مغمض عيونو شوية كدا وعاين ليها وقال

   : تعالي نقعد في غرفتي الموضوع دا مطول .

زين رجعت خطوة لورة بتعاين ليهو من فوق لتحت بطريقة خلت جيمين يرفع عيونو لفوق ويقول

  : عايني الحركات دي حتخليني اطول في الكلام معاكي شايف مخك بقة عفن شديد .

ضربها بأصبعو الاوسط في جبهتها وجاتها حارة لدرجة مسكت رأسها بيدينها الاتنين وصرخت فيهو - أبو اهلك كلهم - جيمين مسك ليها يدها داير يزحها عشان يضريها تاني وهو بيسألها - قلتي شنو ؟ - وهي تعتذر وتقول - خلاص والله ما قاصدة - .

قاعد في الكرسي حقو بعاين ليها وهي قاعدة في الارض مربعة كرعينها وبتلعب بضفورها ، جيمين مسك رأسو وسألها للمرة العاشرة