ثقتها بروحها صدمتهم اكتر مما صدمهم انو صاحبهم خانهم حتي ولو ما قاصد زي ما قال و زي ما قالت زين مافي دخان بدون نار و زي ما هددوتو انو لو حصل لرامز حاجة الخرطوم دي ما حتشيلهم .
نيل بلع ريقو لمن شافها جاية عليهو بعد ربطت توجي ودخت جسمو جوة خور مليان موية وخلت رأسو برة بتتكلو علي مجموعة من الطوب الموضوع ما داير عبقري عشان يعرف انو دا تعزيب وانو لازم يفضل في وضعية واحدة لحدي ما يلقوهو ناس ويجو يطلعوهو و انو لو حاول يتحرك حيوقع الطوب ورأسو يحغطس جوة الموية العفنة المليان اكياس وطحالب واكيد جميع انواع الجراثيم الاكتشفوها لحدي الان ، مافي واحد من التلاتة قادر يعبر عن خوفو او صدمتو منها هم بس بعاينو ليها وملامحها عادية كانو ما عملت حاجة ما انسانية ولا بتشبهها خالص بس هم منو عشان يقررو بتشبها ولا لا .
زين اول ما عرفت انو بسب توجي رامز وحيدر ممكن حياتهم تروح فيها او مستقبلهم هي قررت تتعامل معاهو بنفسها نازك و لا اخفي نواياهو ولا حاول يتذكر انو دا صحبو هو طوالي سألو وصيتو شنو ؟ يمكن زين فكرت انو نازك بيخوفو بس نيل وجورج لا . الحاجة المخيفة حول نازك انو مظهرو وطبيعتو اللطيفة ما بتمثل تفكيرو وتصرفانو لانو البتلقبو زين بالبومة يدو وسخانة بالدم وبعض الارواح الهو شاف انو تستاهل و الأعظم شنو من الخيانة عشان عقابها ما يكون الموت دا في النهاية الشرف بين اللصوص و لو كان في الحرام هم عارفين انو غلط وماشين فيهو عارفين انو حرام وبعملهو هم فاتو الضلال هم الضلال زاتو متجسد فيهم .
العملتو زين في توجي و لو كان في قمة الوحشية كان ارحم ليهو في نظرها من الموت بينما هي من كل قلبها بتتمني انو يتعذب طول الليل عشان يفهم قدر شنو هو وجعهم بخيانتو ، فكرة انو تخسر صديق ليها كانت مخيفة وبالذات اول صديق ليها اول واحد قدر يضحكها بعد امها ماتت اكتر واحد بيسأل منها اكتر واحد بتفقد حالها اكتر واحد هي بتعزو اكتر واهم واحد هنا في الخرطوم بالنسبة ليها هو رامز خلي الباقين يفهمو تعلقها غلط او صح دا ما بهمها البتعرفو ومتأكدة منو انو هي ممكن تعمل فيهم زي ما عملت في توجي واكعب لو رامز حصل ليهو حاجة .
زين مسكت باب عربية نيل وقالت
: انا الحسوق .
نيل نفض يدها وضحك
: متخلفة انتي ولا شنو عشان خليناكي تعملي كدا في توجي دايرة تختي رأسك في رأسنا .
هو كمل كلامو بكورك في وشها وهي سكتت بتعاين ليهو بهدوء لحدي ما ظهر في وشها انها انزعجت من صوتو وختت يدها علي اضانها وقالت
: كونك ما بتسمع كويس ما بخلي الناس كلها زيك وطي صوتك .
هي كمان كوركت فيهو في آخر كلامها وقبل نيل يمد يدو ويضربها او يرفع صوتو ويشاكلها جورك فصل بينهم ووقف في نصهم بقول
أنت تقرأ
خليكي تقيلة
أدب المراهقين~{الزهراء }~ جريت نفس طويل بعد التشجيع الاخدتو من جازم وقلت لروحي زين من اليوم انتي انسانة جديدة خالص حتغيري اي حاجة ما كويسة فيكي للاحسن والكويس برضو حتحسنيهو للاحسن خليت جازم ورأي ومشيت اول خطوة لقدام والخطوة التانية التالتة جازم كورك لي . : زين...
