خليكي تقيلة

19 .

طبيعي اجر نور في بت بالمياعة دي وهي منو اصلاً عشان تجي وبكل جراء تسوق رامز من جمبي ؟ لا يا زين هي ما كدا الحكاية .. الحكاية كالتالي هي ما ساقت رامز من جمبك رامز اصلاً ما كان جمبك دا غير انو رامز براهو مشة معاها فبطلي غيرة يا حيوانة يا أنا ..

وأنا بشاكل في روحي ما تبقي حشرية وغيورة وفضولية وبوصي روحي بإحترام الخصوصيات لقيت روحي لحقتهم لبرة ، ولوين للحمامات الخارجية العجيبة حقت اهل توفيق اتاري الغرابة متوارثة في عيلتهم ما تنسي السماحة يا زين ، بت ركزي !! رامز والبت .

وقف بره للحمام البابو عبارة عن ستارة -زين ما تتخلعي عادي عادي - جريت نفس بعدها دخلت ، لقيت البت مدنقرة رأسها في الحوض وبتستفرغ ورامز مثبتها وبيطبطب علي ضهرها ، ظلمتها ؟ شكيت في رامز ؟ ظنيت بالسوء فيهم الاتنين ؟ زين انتي بالجد الاسواء بس المشكلة ما هنا ما في اني شكيت وظنيت المشكلة في انو كلامي لو ما صح صح .

الضحكة الفي وش رامز والدوشة الفي البت خلتي امشي لي رامز ماسكة يدي منو بالشدة وعشان ما تسمعني البت واصلاً ما حتكون فاهمة سألتو

   : ختيت ليها شنو في العصير ؟

بظن جملتي واضحة مافي داعي افسرها اكتر من كدا رامز قلب عيونو وقال

  :  كيف يعني ختيت ليها شنو ؟ زين قايلاني منو انتي ؟

ختيت يدني في نصي وقلت بتحدي

  : من عاشر قوماً اربعين يوماً صار مثلهم انا بعرفك من متين ؟

رامز لسع مصر وانا لسع مصرة فهو قال

  : دايرة تشبهيني بيكي ؟

  : انت اخبث مني يا رامز ؟

   : بالجد .... شكراً

   : حيوان انت دي ما حاجة كويسة .

   : بالنسبة لي اي كويسة .. كويسة شديد كمان  .

   : جيب البت دي يا رامز .

    : لا والله ...  انا هسي جبتها .

    : جبتها بتاع امك جيب البت دي يا رامز .

كنت عارفة والله كنت عارفة دي حراكات الاولاد الزي رامز  زاتها اصلاً اي زول يباريني ويسمع الافكار البفكر فيها دا بيقول باي باي واحد للحسنات و باي باي عشرة للجنة ، بقيت ماسكة يد البت الدايخة وهو ماسك يدها التانية وكل واحد بيجر وحالفين لو نرخي ،  لحدي الان ما عارفة السبب المخليهو يعمل كدا شنو ؟  لكن علي الاغلب عاوز يصور ومافي داعي اقول بالتحديد هو داير يصور شنو ؟ الامكانيات الانا اتحرمت منها .

انا بسحب بجهة ورامز بالجهة التاني البت اتزلقت مننا وجات براسها في الحوض انا فكيتها في اللحظة دي زي ما رامز عمل وبقينا نعاين لروحنا بخلعة بعدين للبت الراقدة في الارض وجبهتها حمراء من الضربة ، رامز قال