خليكي تقيلة

16 .

    

: شفت نازك أمبارح .

جملتي الهمست بيها لرامز خلتو يتف الملك شيك الفي خشمو  في فستان سعاد وسعاد قامت من كرسيها في المطعم وقعدت تسب بأعلي حسها - ميتينك وميتين أهلك كلهم - اللحظة دي بالذات أنا نكرتهم وعاينت لباقي القاعدين جمبهم ولا كأنو حصل شي سمر رفعت تلفونها تصور الشكلة و إيان داير يتخنق من الضحك جيمين مستغل الفرصة ومأسك لمآب يدها وهي ما مركزة .. بالها كان مع أحمد وحسام البيحاولو يفضو النزاع هنادي دايرة تتقلب بالكرسي من الضحك و شادية قامت رسمي وشعبي من جمبنا ومشت قعدت بعيد وماسكة تلفونها بتعاين ليهو .

بإختصار كدا انا الوحيدة القاعدة من غير ردت فعل ولا هو الأصح أنا ما عارفة اقول ليهم شنو زاتو مفروض هم يتعودو علي المشاكل دي بس هم ما بيتعودو ، بدون اتلفت سحبت يد جيمين من مآب ودورتها معاهو شكلة فيها كالعادة ..

هو نحنا روقنا وهدينا بس متين بعد طردونا من المطعم كلنا كانت مهذلة اقسم بالله انا ما حياتي إتزليت  في محل عام قدر دا دايرة ابكي كانو بيقولو انا عبارة عن فضيحة حية بس هم اكعب مني ، بتنطبق فيهم جملة الجمل ما شايف عوجة رقبتو ، هنادي واقفة جم حسام وحسام بيعاين لسمر بنظرة - حصليني عليكي الله - وسمر بتصور فيهو هو الاصح هي صورت الشكلة والمهذلة الطردونة بيها ولسع بتصور منظرنا ونحنا واقفين في الشارع  منتظرين جيمين وأحمد يجيبو عرباتهم هي عربية حسام بس زي ما قلت أحمد مستلمها إحساس انو ابو حسام هو السلم المفتاح لأحمد لانو حسام من اول اسبوع خشة بيها في الشجرة واتخيلو الكان راكب معاهو منو كان أحمد ، متأكدة انو الضربة الكانت في رأسو ما من العربية من أحمد بس بلعتها في حناني عشان ما تجيني واحدة زيها .

: زين ..

قبلت لسعاد ومآب النادوني اكتشفت هنا إنو انا سرحانة وواقفة بعيد منهم فمشيت عليهم لا انا جريت  عليهم زي شفع التلتبيز بنط يمين وشمال مآب قعدت تضحك وسعاد حساها حتديني كف من الزهج اليومين ديل نهاي ما كويسة بقت عصبية شديد مع انو طبعها هادي و رزين  مالها لازم اسألها .

  : سمر صورتي ؟

مآب سألت سمر وسمر رفعت ابهامها وقالت

   : اهم شي حبيبتي .

عادي يعني ما اول واخر فيديو زلة حيصوروني ليهو  اهم شي انو بيسعدهم لم يشوفوهو صحي وين رامز و إيان لا لا يا رامز اي شي إلا الكراش ، بدون اتفاهم سألتهم وبسرعة

   : وين رامز وإيان ؟

سمر قفلت الفيديو وضحكت بتقول

: مشو لي جوة كدا ما متأكدة شكلو مشو يفتشو دكان المهم مشو للجهة ديك .

اشرت للضلام كونو واقفين في الشارع العام ولجوة في عمارات و شكلهو المحل شبة مهجور لانو يخربني نور واحد مافيهو ، مآب قالت