خليكي تقيلة

12 .

دايراه هسي افهم أحمد سحبني من إيان لي ؟ الولد وقف كحة اتفقنا .. بس انا عاجباني القعدة جمبو علي الاقل الوحيد الما بسأل كتير لي يقوموني من جمبو ؟

حنك عاصم قعد قدامنا أنا وجازم بعد قعدنا جم بعض وامة محمد محوطانا دا فهمتو وفهمت برضو إنو ضميرو ما حيسمح ليه ما يصالحنا وهو أكبرنا و قلبو حيحرقو لو ما عرف لي نحنا أصلاً اتشاكلنا  وكيف كيييف بس أنا قدرت أعوق جيمين بالطريقة دي ياخ عاصم دا من الخلعة داير يفرقع زي الالعاب النارية بس ما لاقي كبريته .

  : حتتصالحو ولا لا ؟

كرر عاصم للمرة السابعة وكل مرة بقول نفس الرد

  : يا جماعة نحنا اصلاً ما اتشاكلنا عشان نتصالح

ما عارفة لي ما مصدقين انو أنا لسع ما اتشاكلت مع جيمين دا كان خلاف بسيط هم ما شافو كيف أنا بتشاكل او لمن ازعل من زول ، و رامز الله يخليهو لوليع النيران هو وسمر القالت

  : يا سلام عليكي قومي اقتليهو عليك قال ما اتشاكلنا اصلاً الضرب داك كلو ما كان شكلة .

رامز مسك كتفها بيدو و قال بيوسوس الشيطان الرجيم دا

  : لو شفتي المشهد . .. كانت بتضربو ضرب وقسماً بالله قلت الحمد لله ما كنت محلو .

عاينت ليهو وقلت بزهج

  : هسي بنعيد المشهد تحب تنضرب  باليمين اول ولا بالشمال..

قبل اتم جملتي سعاد جرت لي ضفرتي وخلتني اركز انا لسع ما لابسة طرحة وقالت بتهسهس دايرة تضربتي بس ماسكة روحها

  : يا بت انت لسانك دا ما دايرة تمسكيهو .

انا كوركت بزيد الموقف حساسة ب-شعري- وانا احلف ما واجعاني بس دايرة اتخارج من الموقف دا ، مآب مسكت سعاد بتحاول تهديها بينما سمر ورامز بيكبو البنزين في النار ومتأكدة دي من عمايل رامز ، أحمد قاعد في الكنبة هو وحسام وإيان نفسي هسي امشي اقعد معاهم بينما جيمين ماسك تلفونو والضحكة من الاضان للاضان ووسط القيامة القايمة .

سعاد جرت لي شعري زيادة والمرة دي وجعني بالجد والموضوع قلب شكلة بالجد مآب وعاصم بيحاجزو ورامز وسمر بيحاجزو البحاجزو و ناس الكنبة قاعدين يتفرجو و مستعدة احلف انو حسام رافع تلفونو بيصور المنفلت بوريهو ليهو بعدين و يبقي راجل ما يرسل لي الفيديو في تلفوني لكن صحي تلفوني انا كسرتو وااي منك يا زين يكسر عضامك عضمة عضمة كيف يعني تكسري تلفونك اقسم بالله ندمت ندم .

وسط الجوطة دموعي دايرة تطلع الصريخ البيطلع مني ما عشان شعري بس عشان تلفوني وعشان صورتي الاتشوهت قدام الكراش الله لا كسبكم يا جماعة لي ما ممكن نتصرف زي شلة كدا اليشوفها يقول واو بدل يضحك لمن مضارينو تتقطع .

جيمين وقف بطولو في الكرسي ولو ما عاصم ثبتو كان راسو اتشال بالمروحة هو شكلو كان عاوز يقول خبر وحركتو دي خلتنا واقفين علي اعصابنا بعد جلت منو بسنه بعد اطمنو انو الاخ كويس وما حلصت ليهو حاجة ورامز رفع اربع اصابع بيسألو ديل كم وجيمين اول ما رد ليهو ب- الحيعرسهم رامز - رامز قبل علينا وقال بضحكة -الاخ بكامل وعيو ما تخافو - عاد تفاها ما يعرفو ليها الا هم وانت يا خشمي خليتك لي اكل التسالي و جيمين اتكلم لمن لقة الامة كلها شوية هدت وركزت معاهو الا سعاد حالفة لو تفك لي ضفرتي