خليكي تقيلة

20 .

بدون ما احس لقيت روحي رجعت لورة وعلي استعداد اجري منها مافي زول ادسة وراه كلهم واقفين وراها هي ، رجعت خطوة لورة لمن ضربتني في رأسي ونزلت عيني لتحت جسمي كلو بيرجف حتي عيوني ما قادرة ارفعها عليها وانا الكنت قايلة روحي اتخلصت من الهاجس دا بس لا .

  : بتكلم معاكي انا ما تردي ؟ نحنا ما عندنا بنات يطلعو لزي الوقت دا .

دموعي طلعت في عيوني وانا بسمعها بتتكلم جمبي وبنبرتها الحادة نفسها نفس اي شي هي ما اتغيرت هي زي ما كنت دايماً بعرفها مخيفة ومتسلطة دكتاتورية و مؤذية ما عارفة الحولينها بيستحملوها كيف ؟ حتي لو كانت عمتي ما يحق ليها .

  : مهيرة براحة علي البت زين تعالي .

ما صدقت عمو جمال ناداني جريت عليه بسرعة وظاهر شديد خايفة من عمتي ، قبل اصل عمي هاني الكان قاعد لمحتو بيضحك ما دايرة اصدق عيني هي كمان بقيت ما بثق فيها عشان كدا قبلت بكل جسمي عليهو وبالفعل كان بيضحك كانو الموضوع عاجبو وعلق كمان

  : في الليل دا البنات محلهم البيت  .

بنفس الصوت الواطي ضحك تاني ورفع لي حاجبو كان نفسي اضربو او ارد ليه كاقل شي بس ما قدرت ولا الاصح ما عرفت اعمل شنو فواصلت لعمو جمال ووقفت جمبو عمو جمال خته يدو في رأسي وقال

  : خلاص معليش المرة الجاية ارجعي بدي طيب .

رغم انو حاول يكون هادي بس حتي هو كان مخيف بالنسبة لي عمتي تاني اتكلمت

   : عشان بتدلعها زي دا خربت و بقت تتحاوم لانصاص الليالي كنتي وين يا بت ؟ 

كنت عاوزة اتكلم بس ما قدرت ودا نهاي ما وقت اسكت فيهو ، هاني وقف واتكلم

  : الوقت الدايرنها تسكت بتتكلم والعكس طبعاً خليها عمتو يمكن طلعت مع صحبتها حفلة تنكرية شوفيها لابسة زي الدباديب .

خته يدو في كتفي وبيدو التانية نكش لي شعري دي ما كانت ظرافة منو ومستحيل يكون قاصد بيها خير ولي اصلاً يقصد بيها خير عملت ليهو ياتو حسنة عشان يرجعها لي وصحي وين هلين و إبتسام وتهاني يا ربي بيكونو نامو ولا شنو ؟

  : أمشي نومي يا بت تصبحي علي خير يلا يلا .

دا كان عمو جمال لذاني من هاني وبقة يلوح بيدو مع السلامة انا ما كنت مصدقة جريت بكل الفضل لي من حيل لمن قربت اقع من السلم  وبقيت اعاين وراي في الممر واجري لي حاساها جارية وراي شكلي حجن بسبب ناس البيت ديل وقبل يومي كمان دا كان بقيت حية الاول لانو متأكدة بالاسلوب دا ما حصل عشرين سنة .