خليكي تقيلة

18 .

لا فاهمة ولا دايرة افهم بس للأسف انا فهمت وفي نفس الوقت دايرة افهم حتي انا ما قادرة افهم روحي بعمل في شنو الايام دي حاسة بروحي ببالغ في اي حاجة حاسة بروحي قنبلة موقوته حتنفجر باقل اهتزاز لكن الاهتزاز دا ما هو المقصود ، دي بس كانت زيادات بتزيد بعدين من حجم الضرر .

أسأت تقدير الموقف انا ما ضربت إيان انا بس ضربت التلفون ويد إيان الشايلة التلفون ما شي تاني ممكن اقول هنا للأسف والحمد لله في نفس الوقت لكن منو القال مافي زيادة  ، إيان عاين لتلفونو الاتفتت في الارض وعاين لي وملامحو مصدومة شوف يا السمح انت في نقاط كتيرة دايرة اوضحها اول شي انا ما عصبية انا غالباً اكتر واحدة هادية وصبورة بعرفها بس انا فرت هسي لي ؟ .. انا زاتي ما عارفة أسأل زول تاني ..وتاني حاجة انا عندي فوبيا من الاحتكاكات الما مبرره من الاولاد ولسع بتعالج منها فكوني قبلت اجي معاك بعربية وبرانا لاني كنت سرحانة وما مركزة ورجفت جسمي هسي ما غضب دي خوفة و كميتها ما يعلم بيها الا الله تالت حاجة آسفة علي تلفونك انا ما كنت قاصدة اكسرو كنت بس دايرة اضربك لانو بالجد زعلت منك رابع حاجة ما حقدر اقول ليك الكلام الفوق دا أفهمو براك من دون ما اقول ليك ..

اهلاً بيك في كراسي قلبي المعدودة مع الشلة ، ما فهمته حاجة ؟ دا يرجع ليك وشكراً لانك كنت سبب ضحكتي في ثانية من ثواني حياتي الكئيبة واخيراً وليس اخراً دايرة ابكي لاني خايفة بس حضربك لاني زعلانة وحبكي لاني دايرة ابكي بس ما حبكي قدامك .

رفعت يدي دايرة اضربو بس هو رفع يدو وصداها بمعصمو بيلز يدي بعيد بدون يتعب جربت بوكس باليد التانية هو عمل نفس الشي دي ما طريقة زول خمجي ساي الاخ مدرب طيب حتنضرب زي ما بضرب العصابة بتاعت نازك رفعت كراعي دايرة اضربو في وشو هو رجع لورة الصراحة اتوقعت الشي دا كراعي اليمين نزلت الارض بدون اتردد رفعت كراعي التانية بلحقها اليمين و حاولت اضربو بيها بس هو تاني رجع دا شنو يا جماعة ما قاصدة اكون مغرورة بس هو كيف ممكن يكون بالسرعة دي .

الغلط مني ما كنت جادة معاهو دا كانت هبت ساي وقفت بعاين ليهو لثانيتين ملامحو عادية ما ملامح زول مخلوع بي بت بتتقن التايكندو وشايلة حزام اسود هو اصلاً ما عارف المعلومة دي بس اعمل شنو بحب اعلق ، بيدي ضربتو وهو اتصداها ما لزاها بعيد دا غلط منو حاولت اضربو باليد التانية هو تاني مسكها .. لا لا يا زين تقديرك اليوم داك كان صح الولد دا ممكن يحصل رامز ونازك قوتو ما هينة قربت بسرعة ورفعت ركبتي دايرة اضربو في بطنو وبالفعل ضربتو شكلو سرح .

اتخيلتو حيضربني بس هو قعد يضحك حاولت اضربو كم مرة بس هو بيصد وبيضحك لا هو بيستهزاء بي شديد هذا لا يمرر يا ولد انا ما بقبل الاهانة .

  : اتاريك قوية .

خجلت من جملتو .. قلت ليكي يا زين انتي مختلة هسي ما كنت دايرة تضربيهو وعشان انا تافهة واتشتت بجملتو هو مسك لي يدي ولفاني بيوقعني في الارض طبعاً اتخلعت خلعة اولاً بوقعتي البي صلبي و ثانياً ضحكت الشماتة حقتو وثالثاً انو هو وراي ما قدامي .