ည၉နာရီထိုးၿပီ။
မိုးမ႐ြာတဲ့ညမို႔ အေဆာင္ျပင္ထြက္ၿပီး ေဆးေပါ့လိပ္ဖြာေနမိ၏။ အေတြးထဲမွာလည္း ဘရစ္နီေျပာသြားသမွ် စိုင္းရွန္တစ္ဟူေသာ ေကာင္ကေလး၏ ေစာ္ဘြားမ်ိဳး႐ိုးႏွင့္ မိသားစုထဲ တစ္ေကာင္ႂကြက္လို က်န္ခဲ့သည့္ ဘဝကို ေတြးၿပီးရင္းသနား၊ သနားၿပီးရင္း ေတြးေနမိသည္။
ေတာ္ပါၿပီေလ။ မထူးေတာ့ဘူး။ ကြၽန္ေတာ့္ရဲ႕ ရွန္တစ္အေပၚ သနားက႐ုဏာစိတ္ေတြက ကြၽန္ေတာ့္ရဲ႕ တြန္႔ဆုတ္ဟန္႔တားတတ္တဲ့ ပကတိပင္ကိုယ္ဓာတ္ေတြကို ေက်ာ္လြန္သြားခဲ့ၿပီ။
ေသာက္လက္စ ေဆးေပါလိပ္ အတိုကို ေျမႀကီးေပၚခ်နင္းလိုက္ကာ စိုင္းရွန္တစ္ ရွိေနမယ္လို႔ ထင္ရတဲ့ သူ႔အေပၚထပ္ဆီသာ တက္သြားလိုက္ေတာ့သည္။ ရွန္တစ္ရဲ႕ ဆိုင္ကယ္ကလည္း အေဆာင္ေဘး ထိုးေနက်ေနရာမွာ ရွိေနတာဆိုေတာ့ အေပၚထပ္မွာ ရွန္တစ္ရွိေနမွန္း ေသခ်ာေလာက္ပါၿပီေလ။
လွမ္းလိုက္တိုင္း တကြၽီကြၽီျမည္ၿပီး အိက်ေနေသာ ေလွကားကို တက္ရင္း အေပၚထပ္ေရာက္ေတာ့ ကုတင္ေပၚ ပက္လက္လွဲေနသည့္ ရွန္တစ္၏ သ႑ာန္ကို ေတြ႕လိုက္ရၿပီ။ ကြၽန္ေတာ္လည္း ရွန္တစ္အနားကို တျဖည္းျဖည္းတိုးကပ္သြားေတာ့ ...
"အကိုဆရာ အခုေတာ့ ကြၽန္ေတာ့္အေၾကာင္းသိၿပီေပါ့။ မေျပာျပခဲ့တာ ေဆာဒီးပါ ..."
"ရပါတယ္ ... ရွန္တစ္ ... "
ရွန္တစ္ကို ၾကည့္ရသည္မွာ ကြၽန္ေတာ္ႏွင့္ ဘရစ္နီတို႔ အေဆာင္ဧည့္ခန္းမွာ ေျပာခဲ့တဲ့ အေၾကာင္းရာေတြကို ၾကားလိုက္ပုံ၊ ရိပ္မိပုံရသည္။ အင္းေလ။ ဧည့္ခန္းက သူ႔ကုတင္ေအာက္တည့္တည့္မွာဆိုေတာ့ ပ်ဥ္ၾကားက မၾကည့္ရင္ေတာင္ အသံေတြေတာ့ ၾကားေနရသည္ေလ။ ကြၽန္ေတာ္လည္း ဘယ္ကေန ဘယ္လိုစၿပီး ျဖန္ေျဖရမယ္ဆိုတာေတြ စကား အစန ေပ်ာက္ရွကုန္ၿပီ။ အေဆာင္ေရွ႕ ေခါက္တုန္႔ေခါက္ျပန္လမ္းေလွ်ာက္ခဲ့တုန္းက စဥ္ခဲ့တဲ့ စကားေတြေတာင္ ေမ့ပါေရာ။
သူ႔အေပၚထပ္မွာေတာ့ ထုံးစံအတိုင္းမီးမထြန္းထား။ တိမ္အုံ႔ေသာ ညမို႔ လေရာင္ကလည္း မရွိ။ ထို႔ေၾကာင့္ ရွန္တစ္ရဲ႕ မ်က္ႏွာကို သဲကြဲစြာ မျမင္္ရ။ လႈပ္ရွားေသာ ကိုယ္သ႑ာန္ေတြ ၾကည့္ၿပီးေတာ့သာ အကဲခတ္ေနရသည္။ အခုေတာ့ ရွန္တစ္မွာ လဲေလ်ာင္းေနရာမွ ထထိုင္လိုက္ၿပီး ...
YOU ARE READING
မေတ္တာ သစ္စာ စိန်ပန်းပြာ
General Fictionမြင်းမိုင်လို့ခေါ်တဲ့ တောင်ပေါ်မြို့လေးတစ်မြို့ ... မင်းထက်အိမ်ဆိုတဲ့ ဘော်ဒါကျောင်းဆရာလေးနှင့် တွေ့ကြုံရသမျှ အံ့သြဆန်းကြယ်လှတဲ့ အဖြစ်အပျက်နဲ့ ခံစားချက်တွေ ... စိုင်းရှန်တစ်ဆိုတဲ့ ခပ်ဇိုးဇိုးကောင်လေးတစ်ယောက် ... မေတ္တာရယ် သစ္စာရယ် စိန်ပန်းပြာရယ်...
