❤️ရင်ဘတ်ထဲက ကလေးငယ်❤️
အပိုင်း ၄၆
"မိဖူး ငါဒီနေ့ အိမ်စောစောပြန်ရမယ်"
"နင့်အဒေါ် ခိုင်းအုန်းမလို့မလား"
"အင်း"
"စိတ်ညစ်တယ် နင့်အဒေါ်က နင့်ကိုဖျက်ဆီးနေသလိုပဲ လောင်းကစားဝိုင်းတွေခေါ်နေတယ်"
"ငါ သူမှာတဲ့ပိုက်ဆံယူသွားပေးရုံပါပဲဟယ်
နင်မပူပါနဲ့နော်"
"ပူရတယ် နင်ကသွားရင် ပိုက်ဆံတွေ ယူသွားရတာ လမ်းမှာမတော်လို့တစ်ခုခုဖြစ်သွားရင်ရော
နောက်ပြီး လောင်းကစားဝိုင်းမှာလည်း လူပေါင်းစုံ စိတ်မချနိုင်ဘူး"
အမေတစ်ယောက်က သူ့ကလေးကို လောင်းကစားဆိုတာမကောင်းတဲ့အရာလို့ ရှင်းပြနေသည့်အလား
မိဖူးကို သူမြင်မိသည်။
"ဟုတ်ပါပြီ ငါနင်မကြိုက်တာမလုပ်ဘူး ငါလည်းဘယ်လုပ်ချင်ပါ့မလဲ "
"နင်အဲ့လိုဖြစ်ရင် ငါကိုမာန်ကို ဒေါသထွက်တယ်"
"သူနဲ့မဆိုင်ပါဘူးဟာ ငါပြန်တော့မယ်နော်"
"အေးအေး စိတ်ချမယ်နော်!
"ဟုတ် မားမား"
"မားမားသားလေးက လိမ္မာတယ်"
တစ်ခါတလေလည်း သူတို့က အခေါ်အဝေါ်တွေပြောင်းပြီး ရွဲ့တတ်ကြသေး။
အိမ်ပြန်ရောက်တော့ ဒေါ်ခင်ထားက ဖုန်းလှမ်းဆက်ပြီမို့ လောင်းကစားရုံသို့ ပိုက်ဆံယူကာ လိုက်လာခဲ့သည်။
လောင်းကစားရုံသို့သူလာရတာ မနှစ်မြို့။သူ့အဒေါ်မိန်းမသားက လာရဲတာ အံ့ဩမဆုံး ။
သူရောက်ဖူးတာ ၂ခေါက် ၃ခေါက် မကတော့
ဒါတောင်သူကြောက္နေတုန်း။မြင်ရတဲ့မြင်ကွင်းတွေကလည်း စိတ်ပျက်ချင်စရာ။
မိန်းကလေးတွေကလည်း ပေါ်ပင်အ၀တ်အစားတွေ၀တ်ကာ ကြီးငယ်မရွေး ဘဲတွေနားရစ်ကာ၀ဲနေသည်။
မူးယစ်ဆေး၀ါးလားအကုန်ရမယ် အပျော်လားအကုန်ရှိသည်။
ဘာမှမတွေးတော့ပဲ ရှေ့တည့်တည့်ကြည့်ကာ ၀င်လာခဲ့တော့သည်။
