BINTEEE ( 'Yata ce)

P3

💕 *BINTEE* 💕
        *( ' Yata ce)*

*Salmerh MD*

🅿️...3

      Sosai taji dadin ganin yadda yarinyar tayi bacci sake a ranar, sau daya tak ta farka kamar yadda ta saba tun farko tun ma a gida kafin suzo nan dan haka bai zamewa Zaitun wani sabon abu ba, haka ta tashi ta bata madarar ta ba'a jima ba kuwa ta koma baccin har wayewar gari.

Gari na karasa wayewa yau din ta kuduri aniyar fita ta nemo abinda zata karya da shi da 'dan canjin dake hannun ta dan bata so ta daurawa Maman Abdul nawi da yawa kocdaren jiya ma ragowar abincin da Maman Abdul din ta aiko mata shi taci tayi bacci.

Waina ta siyo ta naira dari sannan ta fara laluben inda zata ga shago, ba karamin wahala tayi ba kafin ta gano inda shagon yake anan ta sai sabulu da omo anan shagon taga ana saida tsintsiya dan haka shima ta siya guda daya...hatta baho anan ta siya dan madaidaici ta hada hadda bokiti ta siya karami da yake shagon na yorubawa ne kusan komai suna saidawa.

Kafin ma ta samu ta dawo gida har rana ta hau kadan shiyasa ko lokacin da ta dawo gidan shiru ta jisa da alamu su Siyama har an wuce makaranta.

Gidan basu da matsalar ruwa sam sam dan haka tana gama cinye wainar ta ta tattaro kayan yarinyar kaf da nata da suka yi datti ta fito da su.

Wajen Maman Abdul tayi tunanin zuwa ta gaida ta dan ko bakomai matar nan ta nuna mata halacci da kauna daga ita har yarinyar ta.

Bayan sun gaisa din ne Maman Abdul take mata tayin abinci tace a a taci abinci ai.

Maman Abdul bata takura ta kan hakan ba sai cewa da tayi toh ga ruwan wanka nan tun dazun ma ya tafasa na leka naga bakwa nan.

Ahmad dake shan Mama a cinyar Maman Abdul Zaitun ta 'dan yiwa wasa cikin ranta take jinjina tsabta irin na matar nan yaron tsab da shi alamun har an mai wanka, tun zuwan ta gidan bata ga alamun datti ko kazanta tattare da yaranta ba"..an gode sosai Maman Siyama, dama inaso nayi dauraya ne yanzun inyaso idan na kammala sai muyi wankan daga baya"
" a a ke de kije kiyi wankin naki ita yarinyar kawo ta in mata wankan zata fi jin dadin jikin ta idan an mata da wuri".
Zaitun bata yi musu ba ta kwanto yarinyar daga bayan ta ta mikawa Maman Abdul ita.

Cikin kwanaki kalilan shakuwa ta shiga tsakanin Zaitun da Maman Abdul, 'dan ragowar kudin da ya rage mata tuni ta tanadarwa Yarinyar ta madara da shi.

Ta siya omo wadatacce wanda tasan bazai zo ya kare mata cikin kasa da sati biyu ba ko dan saboda wankin yarinyar ma.

Tuni kuwa Maman Abdul ta kawo mata wasu kayayyakin kamar yadda ta fada ranar Zaitun har kuka sai da ta yi saboda farin ciki.

Net irin na yara wanda zai hana sauro cizan mata yarinya, kayan sanyi masu kyau wadanda take da tabbacin basu wani dade ana amfani da su ba, ragowar kayan Ahmad na jegon sa kananun rigunan da suka gaza mai hadda washin Pampers Maman Abdul ta bata.

Shiyasa matar ta gama shiga ranta ta zauna daram domin ta saukaka mata abubuwa da dama.

Wannan washin Pampers din shi take sawa yarinyar da dare shiyasa yanxu ta huta wankin kayan fitsari da ta shi tai wanka tai wa yarinyar sai ta kayan da ta cire mata da Pampers din ta shanya kafin ta dawo MamanvAbdul ta kwashe mata kayan ta adana ta mata su.

Yanzu kam bata da tashin hankali tunda yarinyar ta wadace take da komai sai dan abinda ba a rasa ba.

Dawowar Sirkar Maman Abdul gidan daga tafiyan da tayi shine babban tashin hankalin Zaitun a yanzu dan ko kadan matar bata da dadi, sosai take ciwa Zaitun mutunci ita da 'yar ta dan tun abin ba ya damin ta har yazo yana ci mata zuciya musamman da ta lura abin bana kare bane.

Gashi sai ta hana jikokin ta ra6ar Zaitun din sai dai suzo asace in dai tana gida in kuwa bata nan toh tamkar dangi suke da yaran.
Sosai suke kaunar yarinyar tata, dan haka tuni ta yada makaman ta na hana Siyama daukan yarinyar yanzu kam bata hana ta.