BINTEEE ( 'Yata ce)

P48

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...48*

                 .......A hanyar sa ta komawa gida ne ya fara hango wata kamar Zaitun kamar kuma ba ita ba...hakan yasa ya rage speed ya fara tafiyar a hankali sosai tamkar bai so yayi.

Tafiya take tunani kala- kala na zuwan mata.
A yanzu babu abinda tafi tsoro irin masu hannu da shunin nan, duk kan su kusan iri 'daya suke, kowa da nashi kalar sharrin yake tafe, bazata ta6a mantawa da zancen Hajia Talatu ba, a maganganun ta 'karara ta nuna mata bayyanannar tazara dake tsakanin ta da su, a yanzu kuwa ta sake tabbatar da hakan, ta sake tabbatar da cewa su 'din rayuwar su kal dabn take da ita koda kuwa aiki kake karkashin su kawai dole sai sun nuna maka bambanci.

Shiyasa Hajiya Talatu ta tabbtar mata da bambancin dake tsakanin ta da Adam Shaheed abaya, ta nuna mata cewa Adam ba sa'anta bane ta kowace fanni, a lokacin bata yi mamaki ba, sai ma mamakin yadda Adam bai ta6a sanar da ita hakan ba da tayi, bai ta6a nuna mata wata alama da zata sa ta gane cewa mahaifin sa wani babba ne a'kasar nan ba.
Sai dai maganganun Hajiya Talatu ba 'karamin tasiri sukai mata a zuciya ba, dagaske har zuciyar ta ba taji son Adam ba, bata ji tana 'kaunar sa ba, bata kuma ji cewa ta shirya aure a lokacin ba, ko dan bata taba yin so bane oho, dan dama tun asali ita zancen so baya gaban ta kokadan...kyautatawar sa dama agareta ne kadai yasa taji erh zata iya amincewa ta aure shin, ko ba komai shidin me 'kaunar ta ne tunda yana 'kaunar Moopy gami da bata kulawa, kuma ance zuciya na son me kyautata mata ne.

Sai dai bisa shara'di da kashedin Hajiya Talatu dole ta barshi, kuma bata yi ba'kin ciki da hakan ba ba balle ta matsawa zuciyar ta da tunani, jin babu da'di ko tausayin sa, dan tasan ita din ba kowan kowa bace, ba komai bace cikin tarin kyawawan mata da Allah ya azurta duniya da su, mata masu aji da ilimi da tunkaho da dukiya da karfin mulkin iyayen su wadanda suka fi dacewa da shi tamkar yadda Hajiyar sa tafiso, tasan Cikin lkc kalilin Adam zai samu wacce ta fita ta maye masa gurbin ta, shiyasa bata damu ba sam, musamman da tasani kuma ta aminta da cewa lalle dagaske ita din ba tsarar sa ba ce..dama can ta saba da wahalar rayuwar ta, ta saba da fadi tashin ta ita ka'dai, so ba sabon abu bane yanzu gareta...hakan yasa ta saki ranta ta cigaba da rayuwar ta tamkar yadda ta saba can baya kafin zuwan kaddarar ha'duwa da Dr Rasheed ta same ta.

Sai dai daga ranar da ta ji sunan mahaifin sa cikin case 'din su, komai ya kwance mata, tausayin Adam ya tsarga mata sosai, tasan zaiji babu da'di, zai kuma ji nawin cigaba da walwalar sa kamar baya yadda ya saba.

Zaitun tayi duk wannan tunanin ne lkcn da take tafiya bayan ta bar gidan Ammi...gidan da taji fit ya fice mata aka, bazata ta6a iya rayuwa a inda ake binta da sharrin sata ba...yinin ranar kaf jin ta take tamkar akan 'kaya take, ko lkcn da take kulle a prison bata ji matsuwar barin sa kamar wannan gidan ba, kuma tana fita daga cikin sa taji wata natsuwa ta sau'kar mata..har da sakin ajiyar zuciya.

Tun kafin ta bar layin gidan ta fara hango mota na tahowa ya kuma haske ta sosai duk da duhun ba mamayi garin sosai ba amma sai aka wani haske ta da fitilar motar, bata san waye haka cikin motar ba amma yadda ya rage gudun motar ya kuma haske ta ya sanya tsoro sake tsirga mata,
Cikin ko wani da'ki'ka rayuwar ta na baya ke sake dawo mata.

Tsoro da fargaba cika mata zuciya suke akai akai...tsoron abinda ya ta6a faruwa da ita ya sake maimaita kansa.
Tun ba ta yi nisa ba taji jikin ta yayi sanyi.
Bata ta6a sanin zama cikin gidan babban garkuwa ne agareta ba sai yanzun da ta tsinci kanta bisa titi ga hasken da ya dallare ta.

Bata san inda zata nufa a cikin gari irin kano ba, bata san gabas ba balle yamma.

Tun fitowar ta taji kanta gaba 'daya ya juye mata wani 6angare na daban.