BINTEEE ( 'Yata ce)

P79

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...79*

               ........" Anty Wlh hankali na ya kasa kwanciya da rashin Zaitoon a gidan nan, Anty tsoro nake ji kar a cutar da su..."
Marwa ta fada tana mai 'ko'karin share hawaye.

Duban ta Anty Madeena take cike da tausayin ta, a hakan ma dan bata san 'ka'k'karfar ala'kar da ke tsakanin ta da Mufeeda ba kenan.."
Anty Madeena ta ayyana hakan cikin ranta.
A fili kuwa ajiyar numfashi tayi tana mai gyara zama tace..." Nima kaina Marwa hankali na ba kwance yake ba, babu mamaki ma.yafi naki hankalin tashi, ina matu'kar fargaban abinda zai biyo bayan wannan tafiya ta Zaitoon...cikin rashin sani tayi tafiyar bayan ta riga ta bar cibiyar 'diyar ta anan ta kuma bar zuciyar ta ita kanta ma anan 'din...ina fargabar inda Zaitoon zata shiga da auren Rayyan akanta...amma babu komai, Insha Allah babu.abinda zai faru, zamu ji alkhairi madadin sharrin da muke gudu bi'iznillah..."

" Allah yasa Anty, Allah yasa muji Alkhairi ba sharri ba..."
" Ameen Ameen..."
Cewar Anty Madeena tana mikewa dan komawa babban palor.

Can 6angaren kuwa tunda suka ga yadda Zaitoon ta sume sai suka she'ke da dariyar mugunta gaba 'daya illah mutum 'daya, babban su ne yace" Ni dai ina da shawara..."

Damar magana aka bashi ya kuwa furta abinda ke ransa.
" A gani na bai kamata ace an kashe ko guda ba aciki ba, domin alamu sun nuna duk suna da muhimmanci a wajan sa, kunga shi uwar ya za6a ita kuma ta bada ranta wa 'yar da alamu ko nawa aka tatsi shegen zai fitar..."
Da wannan shawarar suka rufe zancen nasu, nan suka bar Zaitoon da Mufee cikin mugun yanayi abin tausayi.

Mufeeda kam kuka sosai take tana shiga jikin Zaitoon dake sume dan itama 'karar bindigan ya firgita ta sosai, wani ne ya dawo hannun sa dauke da goran ruwa nan ya bude ya she'ka mata ruwan mai azabar sanyi, a gigice ta farka zata saki kuka taji kukan Mufeeda gefen ta hakan yasa ta waiga gareta da sauri ta janyo ta rungume abar ta tana sakin kukan farin cikin ashe tana raye basu kashe mata ita itaba.

Kuka take tamkar ranta zai fita...haka suka cigaba da zama cikin 'dakin har zuwa yammacin ranar, duk sanda taji an bu'de 'kofa razana take yi da tunanin lokacin raba ta da Feefy ne yazo dan ita bata san da wancan shawarar tasu ba...sai dai kuma ga mamakin ta abinci ka'dai suke basu da ruwa su koma har aka sake yin kwana biyu.

Rayyan da tun da yaji karan harbin nan ya tabbatar na kisan diyar sa ne komai ya kwance masa, bai sake bi ta kan komai ba hatta wayar sa kuwa, da kiraye kiraye suka dame shi ma sai kaseh wayoyin sa yayi baki 'daya.

Bai kuma sanar da kowa ba sai da Ammi ta matsa ne ma da ganin canjin nasa sannan yayi mata bayani atakaice.

Hankalin Ammi tashi yayi sosai, nan ta fara yi masa fada meyasa yayi saurin bada za6in sa, atace ai da rokon su yayi su basu ku'di ko zasu sake su, amma yanzu idan Zaitoon ta tabbatar da cewar da bakin sa aka kashe mata 'diya tasan har abada bazata ta6a yafe masa ba balle ta kwantar da hankali tayi bautar auren ta.

Rayyan dai bai ce da Ammi komai ba yayi shiru dafe da kansa.

Cikin lokaci 'kankani yayi busu busu da shi ya tattara gashi a fuskar sa.

Banda jinin sa dake shirin hawa sama.

Akan wayoyin sa ma sai da Ammi tayi dagaske kafin ya bude su.

Awanni ka'dan bayan bu'dewar wani abu ya fado ransa, da sauri ya janyo waya daya ya fara lalu6o wata number, nan ma yaga ashe sun tara masa missedcall tun ma kafin lkcn da ya kashe wayar.

Bayanin da akai masa kan bin diddigin da ya sa ayi ba 'karamin tayar masa da hankali yayi ba.

Sake jinjinawa yake cikin ransa..nan yasa aka shirya masa troop daga headquater...sai nan ne ma ya dan ji kwarin gwiwa sai dai wani tunani ke sake kashe masa gwiwar nan take.