BINTEEE ( 'Yata ce)

P83

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...83*

                      ......Zaune yake gaban wani dattijon mutumi da ke lullu6e cikin babbar riga, fuskar sa cike take da kamala da kuma annurin ganin 'dan 'dan uwan nasa.

" Allah yayi maka albarka Buba..Allah ya 'kara arziki ya kara rufa asiri, ai kai kam akwai 'ko'kari Buba...jiya ma nake gayawa mahaifin ka cewa wancan satin ka aiko mana da 'kashin miya yace ai bai ma sani ba...shima haka yaji miya daban da ya tambaya ake ce ai Buba ne ya kawo...Allah ya 'kara maka bu'di 'dan nan ai kai kam ba kamar su Muhammadu ba babu abinda suka iya sai shanshanci da rashin hankali.."

Murmushi kawai Bukar yy yana sake sunkuyar da kansa yace" Addu'ah za'a 'kara yi mana Baffah suma 'din Insha Allahu wataran zasu yi fin hakan ma.."
Kai Baffah Liman ya kawar yana fa'din
" Ashsha...ai yaran nan kawai addu'ar dai da kace itan za'a cigaba amma ina wani batu mai da'di kuma wajen su Modu..kwata-kwata bansan yadda zan yi da su ba ni..."
" Sai ha'kuri dai Baffah...Allah ya 'kara rufa asiri..."
" To Amin Buba...Allah kuma ya muku albarka ya 'kara muku zuciya...".

Murmushi yayi yana sake du'kar da kansa yace" Baffah dama Batun Zaituna ne nazo da shi...kwanaki na yiwa Baba magana sai ya nuna min ai bakomai, to abin dai da ya matsa shine na sake yi masa magana yace to zai same ka to kuma bansan yadda kuka yi ba..naga dai bai sake yin maganar ba....".

Hankalin wan mahaifin nasa gaba 'daya kansa ya dawo yana masa kallo mai cike da tambayoyi har sai da ya ji ya dasa aya sannan yace
" Wai wani batu kake nufi sam ban gane ba, Mahaifin ku bai zo min da wani batu kan Zaituna ba sam...ko batun auren dake tsakanin su da Babaji kake magana..?"
Da sauri ya girgiza kansa sannan yace" a a Baffah wani batu ne de na daban.."

" Au to ai kuwa ba muyi magana da shi kan yarinyar nan daban ba baya ga wancan...to ina jin ka Buba...me ne ya faru?"
Yayi maganar yana gyara zaman sa gami da maida hankalin sa kacokam kan Yah Bukar.

Nawi sosai yaji ya kama sa sai kuma ya rasa ta ina ma zai fara bayyana wannan batun, ya tabbata ko ita Zaitunar lokacin da ta fara bayyana masa abinda ke faruwa da ita wayo bai gama isan ta bane shiyasa, yasan da yanzu ne ba zata iya sanar da shi ba duk kuwa da irin kusancin da ke tsakanin su...shiyasa ma yanzu idan tayi mafarkin sai dai tayi ta kuka ga dukkan alamu ta fara fahimtar asalin me ke faruwa da ita ne shiyasa ba ta iya labartawa.

Toh shi kuwa ta ina zai dauko bayanin kenan tun daga farko, da ace Baban su ya fara maganar nr shima zai 'daura nasa amma Abban su bai yi hakan ba.

Kansa ya shafo yana sake 6oyayyan huci, du'kar da kansa ya sake yi sosai sannan yace " Baffah wallahi..ina jin shai'danu ke firgitata cikin bacci...tana yawan firgita sai ta yi ta kuka abin ya jima yana damun ta to na sanar da Baffah tun kwanaki nama yi zaton zai same ka da maganar ne bansan bai sanar da kai ba..."

Kai Baffah ya jinjina da mamaki yace" Ita Zaitunar shai'danu ke firgitawa shine kuma yayi biris da maganar..?"
Shiru Bukar yayi..sai shi Baffa Liman 'din ne ya cigaba da fa'din...Ni dai bansan wani irin mutum ne Ahmadu ba, yanzu ko wani abin ne daban haka zai yi shiru akai bazai sanar min ba har sai abu ya lalace ko...".
" Ayi ha'kuri Baffah ina jin mantuwa ce yayi".
Cewar Bukar da ke sake yin 'kasa da kansa, sam bai san cewa Abban nasu bai sanar da Baffah Liman ba da ba zai ma zo ba..dama da Baffan ya fa'da ne to da tuni kawai zai masa kan maganar amma yanzu kam sam bazai iya ba, sai dai ya koma ya sake tunawa mahaifin nasu 'kila zai zo ya masa bayanin dalla-dalla tunda shi yasan komai akai.

Cikin zuciyar sa yake wannan tunanin da kansa a du'ke...amma sai yake ga kamar hajan kuma ba mai yiyuwa bane dan sarai yasan waye mahaifin sa yasan halin sa kamar yunwar cikin sa, abu ne mawuyaci ya iya zuwan musamman sbd ita.