BINTEEE ( 'Yata ce)

P54

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...54*

               .......Amrah bata da wayo sam shiyasa duk umarnin da Sultan ya 'dora akai bi take yi, a hankali ta fara jin tamkar tana son shi kuma tana jin dadin mu'amala da shi, duk da cewa kuwa a wannan daowa ta Rayyan shima ya canza, walwalar sa ta dawo sosai, kula da tattalin da yake basu ya bambanta dana baya...amma duk da haka bazata iya sa6a umarnin Sultan ba ko dan saboda rufin asirin ta ma.

Tun dawowar Rayyan daga Uk ya fara samun offer na aiki a wajeje da dama manya da kananun office, bisa shawarar Ammi ya za6i guda ciki ya fara gwada aiki da su.

Gefe guda kuma yana running business 'din mahaifin sa domin tun dawowar tasa ya tarar Alhaji Rufa'i Diabetes ya kwantar da shi jikin sai a hankali, dole ya 'dauki komai na dukiyar su ya dam'ka a hannun Rayyan dama daowar sa yake jira domin bai ya damka a hannun Sultan ba dan ya lura dan nanaye ne shi natsuwar ka'dan ce.

Shima Rayyan bai yi 'kasa a gwiwa ba ya bada gudunmawa iya iyawar sa wajen kula da lafiyar Alhaji Rufa'in...sau'ki ne dai daga Allah dama yake zuwa kuma sai a hankali.

A ta'kaice yanzu Rayyan Dr ne shi, kuma Barrister ne, CEO ne a companyn mahaifin sa da ya mutu ya bari wato INFINITY GLOBAL COMPANY...kuma duk cikin wa'dannan babu wanda bai 'kware a fannin ba.

Yayin da 6angaren Sultan.wannan abinda Alhaji Rafa'in yayi ya sake 'kon masa zuciya, tsanar Rayyan ta dasu aransa sosai haka ma ta Alh Rufa'i da bai bashi komai kafin dawowar Rayyan ba.

Abinda ma ya 'dan.sanyaya masa zuciya shine gani da yayi Rayyan ya jawo shi ajiki komai da shi ake, koka'dan Rayyan bai bar 'kofar da har wani zai iya zargin shi 'din ba jinin su 'daya bane da juna musamman ma da yake tun tasowar su ba'a nuna musu hakan ba.

Dawowar Rayyan da kusan watanni biyar aka wayi gari Nadia na da juna.
Misalta muku irin farin cikin da wannan ahali suka tsinci kansu ciki musamman ma Rayyan 6ata lokaci ne.

Rayyan ji yake tamkar ya goya ta saboda da'di, ji yayi kamar babu wani sauran bakin ciki da ya rage masa...tunani yake ashe shima yana da rabon ganin 'kwansa a duniya...duk da yake dama ba wai ya cire rai da samu bane a kullum yana kyautatawa Allah zato saboda yasan shi ke badawa ga duk wanda yaso, amma atimes idan ya tuna Anty Madeena da har yau Allah bai nufe ta da haihuwan ba ga Kawu Sufyan har ya bar dunia bashi da magaji sai jikin sa yayi sanyi.

Amma tuna cewa Raihana ma ta haihu hakan yakan yakan bashi 'kwarin gwiwa da tunanin shima zai haihu da iznin Ubangiji sai gashi Allah ya cika masa burin sa.

Yayin da 6angaren Sultan sam abin ba haka yake ba, kwata-kwata bai tsara hakan cikin jadawalin sa ba, haihuwa daga Rayyan babban nakasu zai kawo ga cikar burin sa, ya jima da 'daukan mataki daga 6angaren Amrah domin da kansa yake 'dirka mata magungunan hana 'daukan ciki har ma ba bisa ka'ida ba.

Amrah bata ta6a taka masa birki ba dan sosai kaoaman sa suka yi tasiri cikin zuciyar ta, acewar sa na hana 'daukan cikin sa kawai yake mata a wautar ta kuma sai ta amince da batun sa bata ta6a musun sha ba kamar yadda bata ta6a nuna damuwa ga rashin haihuwar ta ba.

Sultan ya jima yana kitsa mata illolin haihuwa agareta, zakayi mamaki idan kaji irin kalaman da Sultan ke sanar da ita tamkar shi har itan ba haifan su aka yi ba,  inda ya tabbatar mata da cewar haihuwa jirkita mata halitta zai yi kawai kuma ahakan ta tafi kowacce mace a duniya kyau da tsari, kar ta yadda ta haihu tun yanzu batare da ta mori 'kuruciyar ta ba.

        *****
                Akwana a tashi babu wuya a wajen Allah, sai gashi cikin Nadia nada watanni takwas cif sosai ya gama fitowa, da yake itama ma'akaciyar lafia ce tuni tayi scanning kusan sau uku ana tabbatar mata da cewa cikin 'yan biyu take 'dauke da shi.