BINTEEE ( 'Yata ce)

P89

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...89*

               .......Cak numfashin mu ya tsaya dukkan mu muka yi suman tsaye sakamakon 'karar harbi da muka jiyo tun kafin su 'karaso inda muke.

Duk cikin mu kuwa babu wanda ya iya 'daga koda 'dan yatsan sa ne balle muyi yukurin guduwa, tsayuwa kawai muka cigaba da yi idanuwan na bin titin da kallo..idan ka ganmu zaka yi zaton an shanye jinin jikin mu ne tsaye nan inda muke.

Mota ta farko Bus ce ta wuce, sai wata golf, ta ukun ma golf ce daga nan sai helux fara kuma duk muna ganin mutanen dake cikin motar, motar da ta 'kara kunno kai ita ma helux ce amma ba'ka, ta bayan ta ma bakar helux ce mutanen ciki tsaitsaiye da bindiga a hannuwan su, nan muka yi ido hu'du da mutum biyu dake cikin motar suna fuskantar mu da bindiga a hannun su, kusan ko wani 6angare akwai wa'danda idanun su ke kallon wurin kuma suke ankare da duk wanda zasu gani.

'Karar harbi muka ji daga 'daya 'bangaren wanda muka tabbatar mutum suka gani suka harba, ni kam idanu na 'kyam na ware su ina duban masu bindigan illah bugun zuciya ta da ya 'kara tsanani ji nake kamar zai faso 'kirjina ya fito.

Matar ce dai ta rintse idanu da 'karfi hawaye masu zafi suka gangaro mata, da sauri ta kuma bu'de idanun ta sai taga already wannan farar helux 'din ta wuce ba'ka ce yanzu saitin mu ita kuwa ba gudu take yi kamar sauran ba.

Kafin muyi wani yun'kuri sai gani muka yi 'daya daga cikin su ya saito mu da bindiga, wani bushshshen yawu na ha'diye, wanda na tabbatar ko ma'kogorana bai wuce ba.

Matar ce ganin ana shirin harbin mu tayi 'karfin halin tura ni bayan ta ita kuma ta kasance a gaba tana sake rungume 'danta a 'kirji.

Bazata batare da mun shiryawa hakan ba kawai muka ji 'karab harbi, 'karan harbin da ya gigita min kwanya yasa na daina jin komai na wucin gadi.

Harbi na farko ta kan jaririn dake hannun Nadia ya shiga ya kuma fita ya ratsa ha'karkarin ta sai dai bai shige can ciki ba.

Idanu tayi saurin rintsewa tana karanto Innalillahi wa inna ialihi raji'un a fili..cike da galabaita, ban san abinda ya faru ba, ban san cewa harbin gare mu ya taho ba amma jin tana innalillahi yasa da sauri na ri'ke ta musamman ma jin yadda ta kame wuri guda, ina kokarin fitowa daga bayan ta tayi saurin rike min riga ta baya da 'daya hannun ta..da karfi ta rike ni ta kuma tokare ni ta yadda motsi ka'dan idan nayi 'kasa zata yi duk bansan meke faruwa ba, ajiyan numfashi na sauke wanda yayi daidai da sake jin saukan wani harbin a gefen cikin ta, wannan karon kam gaba 'daya tayo baya ta kwanto jikina, bani da karfin iya 'daukan nawin matar da kuma kaina hakan yasa muka yi baya nuka fa'di 'kasa gaba 'daya...Nadia na salati, jaririya kam na jin yanda muka fa'do sai ta tsanyara kuka dan ita ba haka ta saba jin tana rayuwa cikin mahaifiyar ta a gigice ba, sai kuma akayi rashin dace ta fito dunia ne adai dai ga6ar da kowa ke neman tsira da ransa

Yanda matar ta danne ni ne ya sa na kasa cire kaina daga 'kar'kashin ta da wuri ga kuma kukan jaririyar dake ratsa min ko'ina a jikina...kukan take yi kamar ranta zai bar jikin ta, ni kuma gaba 'daya sai hankali na ya tashi ganin abubuwa na neman tsarwatsa min kwakwalwata, me ke faruwa ne har alkcn ban sani ba.

A gigice kawai na tashi zaune daidai lokacin da motocin 'yan ta addan suka 'karasa wucewa da alamu sun 'kare kenan..kan matar sai ya zama na akan cinya ta yake hakan yasa na zuba mata idanu a rikice nake tambayar ta ko lpy.

Dafe cikin ta kawai tayi da 'dayan hannun ta wanda 'dazu take rike ni da shi, a hankali idanun ta ke lumshewa hawaye masu sanyi na gangarowa ta gefe da gefen idanu, har yanzun kuma jinjirin na rungume da ita bata sake shi ba.