BINTEEE ( 'Yata ce)

P51

💕 *BINTEE*💕
        *( 'Yata ce)*

*Wattpad@*
_Serlmerh-md_

🅿️ *...51*

                 .......Shekara biyu da auren Yah Kabeer Allah ya azurta shi da samun 'karuwar yarinya 'diya mace 'kyakkyawa da ita.

Ranar suna yarinya taci sunan Ammi Wato Aseeya amma muna 'kiran ta da _Zamrud_ ...

Tun haihuwar Zamrud duk wata 'kauna da soyayyar mu muka tattara muka 'daura akanta, hatta Rayyan da ba 'kasar yake ba ba'a barshi abaya ba, ya kan kira Kabeer lokacin da ya tabbatar yana gida suyi videocall kawai yai ta surutu da Zamrud tana sashi daria.

A lokacin ka'dan ya rage mana mu kammala secondary ni da Safaa domin Yah Kabeer cewa yayi baza muyi SS3 ba har ma mun yi registration na Jamb saura mu rubuta..tun wajen cike Jamb 'din kuma muka samu bambamcin ra'ayi...ni na kasance babban burina shine na karanci accounting  yayin da ita kuma Safaa take son karantar fannin journalist.

Duk cikin mu babu wanda aka tauyewa ra'ayin sa...duk din mu ra'ayoyin mu muka bi sai dai still an samu bambamcin samun makaranta.

Safaa nan Kano ta samu BUK yayin da ni kuma nasamu admission a jami'ar ABU dake Zaria.

Ammi taso hana mu rabuwa da juna amma Abban mu yace a a ta bari ai kowa da nashi kaddarar yake tafe, kasancewar mu 'yan biyu bashi zai sa komai na rayuwar mu ya zam iri 'daya ba.

Shi in a ra'ayin sa ne ma aure zai mana kamar yadda ya yiwa Anty Raihana da gama secondary ya aurar da ita acan gidan ta ta yi karatun ta ta gama kamar dai yadda ya kasance da Ammi kuma ba gashi tana aikin ta cikin kwanciyan hankali ba, sai dai ganin zamani ke 'kara bu'dewa ya sa mu 'din ya bamu dama.

Da wannan kalma ta mahaifin mu suka samu damar tafiya makaranta amma zuciyoyin mu cike da alhinin rabuwa da juna.

            A lokacin Sultan ma na 'ko'karin ha'de degree 'din sa fannin Computer engineering shima anan BUK yake...dan ko da Abban yai masa tayin fita 'kasar waje kamar dai Rayyan amma Sultan 'kin amincewa yayi, acewar sa gwara ya zauna yana ringa sanin halin da ahalin sa ke ciki.

Sosai Abba yayi na'am ya kuma yi farin ciki da wannan batu na Sultan dan sosai yaga hankali da hangen nesan sa ba wai dan sauran yayyen nasa sun gaza ba a a kawai dai ganin sa na 'karami cikin su amma yasan abinda yafi dacewa...kuma dole dama a matsayin sa na 'dan kasuwa ya nemi matallafi.

Ammi ce ma taso nuna 'kin amincewar ta kan karatun Sultan a BUK 'din amma Abbah ya taka mata birki dan ba laifi Ammi akwai bragging tana so komai nata ya zam first class ne ita a rayuwa.

Koda ya gama Degree 'din nasa a can Sokoto yayi serving 'kasar sa a lokacin dududu shekarun sa ashirin ne da biyu shi da Anty Raihanan mu dake aure a garin Kaduna shekarun su kusan na tafiya dai- dai ne, yayin da Rayyan yake ashirin da biyar zuwa da shida. yah Kabeer kuwa ya kai Talatin.

Safaa da Marwa kuma suna 'yan sha shida ne kacal.
      Zaman Safaa a BUK tare da Sultan ya sa suka 'kara shakuwa sosai, kamar yadda zaman ta a gida ya 'kara sha'kuwar ta da sauran yayyen mu fiye da ni da sai nazo hutu.
     Hutun kawai ke kawo ni gida, wani sa'i hutun ma ba nan Kano nake dawowa ba kawai sai na wucewa ta Kaduna gidan Anty Raihana nayi hutu na acan.

            Muna shekara ta biyu a Jami'ah Yah Rayyan ya gama karatun sa ya dawo gida, yayin da Sultan ya kammala bautar 'kasar sa har ma ya fara aiki da Abban mu 'kar'kashin companyn su kamar Yadda Kabeer yake fama dan shi dama gaba 'daya fannin kasuwanci ya karanta ba dan komai ba saboda tallafawa kasuwancin mahaifin sa acewar sa.

Shekarar da Rayyan yah kammalo karatun sa da 'yan watanni a shekarar Raihanan Mu ta haihu inda ta haifi yaro namiji mai kama da baban sa sak, misalta irin farin cikin da wannan family suka tsinci kan su aciki ma 6ata lokaci ne, ranar suna yaro yaci sunan Muhammad (kakan sa mahaifin Baban sa) amma ana 'kiran sa da Bassam.