BINTEEE ( 'Yata ce)

P44

💕 *BINTEE*💕
        *( 'Yata ce)*

Wattpad@
Serlmerh-md

🅿️ *...44*

                 .......Marwa da driver ya tafi 'daukowa a Zaria da har yasa Ammi tura Rayyan dauko Zaituna hispital tuni sun dawo gida, ko lokacin da Zaitun ta samu labarin dawowar Marwa ba 'karamin farin ciki tayi ba, ko ba komai Marwa mai kaunar ta ce kuma dole ta kaunace ta itama.

Bazata manta yadda suka sha dramma da Rayyan ba kan dauko su daga asbitin dan cewa bazata biyo sa ba dakanta zata iya komawa gida, ma'aikaciyar da ke tare da su tana ta mamakin kalaman Zaitun har tana dan tausan ta da bata baki dan duk zaton ta iyalansa ne din musamman idan ta dubi 'yar kama dake tsakanin sa da Mufee amma Zaitun sam fuskar ta babu sauki.

Fushi yayi ya fice da nufin yin tafiyar sa ya barta amma tuno cewa Ammi ce ta saka shi ya sanya shi kasa tafiya cikin motar sa ya koma ya zauna yana maida numfashin takaici.

Bayan fitar sa ne ma'aikaciyar ta cigaba da tausan Zaitun tana nuna mata rashin dacewar taurin kai wa miji anan ne Zaitun ta fahimci me wannan ma'aikaciyar ke nufi a zabure ta mike tana zaro idanuwa.

" Bafa komin sa bane mu ki rufa mana asiri dan Allah...ba matar sa bace ni..".
Cike da mamaki ma'aikaciyar nan ke duban Zaitun.
Sai kuma a hankali ta sauke idanun ta kan Mufee da ke kwance kan gadon asbitin fuskar ta da alamun tambaya.
Sai kuma ta 'kara duban fuskar Zaitun.
Tana so tayi tambaya amma sai ta ma rasa mai zata ce da Zaitun din.
Cikin.zuciyar ta ta gama yanke cewa toh indai dagaske ita ba matar sa bace toh yarinyar nan fa..bata yadda za'a yi ace wannan gayen bai ha'da jini da yarinyar nan ba.."
Ita kanta Zaitun ganin irin duban da ma'aikaciyar nan ke yiwa Mufee ya sa jikin ta yin sanyi.
Ashe ba ita kadai bace ke ganin wannan abin, ashe ba ita kadai ke ganin 'yar kama tsakanin iyalan Ammi da Mufeen ta ba, musamman ma Rayyan da Raihana da Marwa ta ta6a nuna mata pic din ta cikin waya.

Kafin suyi wani yunkuri sai gani sukayi an sake turo kofan, bai yi wata wata ba kawai da shigowar sa direct ga Mufee ya isa ya sa hannu ya dauke ta ya rungume a kirjin sa yayi waje da ita.

Sam baya ta6a shayin daukan yarunyar sbd koda wani lokaci jikinta tsabtace yake sannan yakanji nutsuwa a zuciyar sa matukar ya kasance tare da yarinyar waje guda, rashin sanin takamamme abinda ke sashi hakan yake sashi birkicewa da san neman dalili har hakan ke sashi ya hantare ta a lokuta da dama.

Kafin Zaitun tayi wani yunkuri sai gani tayi ya fice mata da yarinya batare da ya tanka ta ba, da gudu ta bishi abaya, shima da gangan ya yanke wannan wannan shawarar dan ya riga yasan lagon ta tun da jimawa.

Sauran tarkacen su ma sai ma'aikaciyar nan ta biyo su da shi abaya tana murmushi da ganin wannan dramma ta su. Duk da bata san tsakanin su ba amma sosai taji sun matu'kar birgeta.

Da zuwa mota ya shige da Mufee ya gyara zama, ya rufe motar yana shirin tadawa Zaitun ta karaso da gudu tana huci ta bude motan ta shige itama tana masa duban tuhuma amma bata iya tayi magana ba.

Mika mata yarinyar yayi fuskar sa babu yabo babu fallasa.
Daria ke cin sa ta ciki yadda yaga tayi zuru zuru amma bashi da hujjan darawa agaban Zaitun dan babu hakan tsakanin su sam.

" Rike abarki ba cinye ta zanyi ba malama...".
Da sauri ta kar6e ta tana gyara mata kwanciya ajikin ta zuwa lokacin jikin nata da sauki sosai.
yYana shirin tada motar ma'aikaciyar nan ta iso da dan sassarfa...ta mika masa kayan su tana fadin.
" Haba Daddy, haka ake yi? da ga dauko 'diyar ka shikenan sai a manta da uwa da kuma kayan amfani...?".
Hannu yasa ya amshi kayan yana fa'din " Thanks" da 'yar murmushi saman fuskar sa ganin kamar bazai kara fadin komai bane ya sanya ta maida duban ta ga Zaitun ta cigaba.." Toh Madam Allah ya 'kara afuwa ya kuma tsare na gaba..".
Da kai Zaitun ta bata amsa tana daga mata hannu.