"မင်း မင်းက ဘယ်လိုလုပ် ငါ့အိပ်ရာပေါ်ရောက်နေတာလဲ"
"အဟင်း ကိုလွှား သေချာကြည့်ပြီးလဲ ပြောပါ ဒါအစ်ကို့အိပ်ရာရော ဟုတ်ရဲ့လားဆိုတာ"
ခန္ဓာကိုယ်အား တွန်းထုတ်ပြီး ချက်ချင်း ထထိုင်ရလောက်အောင် လန့်ဖြန့်မှုကြောင့် မျက်နှာသည် သွေးရောင်ဆုတ်လျက်ဖြူလျော့သွားသည်
"မင်း မင်း"
ကျွန်တော့်ရှေ့က မိန်းကလေးအား လက်ညှိုးထိုးလျက် ပြောစရာစကားတို့သည် ထွက်အံလာခြင်း တွန့်ဆုတ်လျက်
"ကိုလွှား ညက ဘာဖြစ်လဲတကယ်မသိတော့ဘူးလား"
"ဟင် ငါတို့က ဘာဖြစ်ရမှာလဲ ဘာမှမဖြစ်ဘူး ငါအဲ့လောက်လဲအသိလွတ်အောင် မူးမနေဘူး"
"ဘာပဲပြောပြော ကျွန်မက ရှင့်နဘေးအိပ်ပြီးသွားပြီလေ ကျွန်မသိက္ခာအတွက် ရှင်တာဝန်ယူရမယ်"
"ဘာမှမဖြစ်တာ ဘာလို့ ငါက တာဝန်ယူရမှာလဲ ပြီးတော့ ငါ့မှာ အိမ်ထောင်လဲရှိပြီးသား"
"အို ရှင့်အိမ်ထောင်က မိန်းမ မှ မဟုတ်တာပဲ ယောက်ျားပဲဟာ ကွာရှင်းလိုက်"
"ဘာလို့ ငါက ကွာရှင်းရမှာလဲ တွေးတောင်မတွေးဖူးဘူး"
"မတွေးဖူးလဲ ခုရှင့်လုပ်ရပ်ကို တာဝန်ယူရမှာပဲလေ"
"ဘယ်လောက်လိုချင်လဲ ငါပေးမယ် ကွာတော့မကွာရှင်းနိုင်ဘူး"
"အဟက် ရှင်သေချာ စဥ်းစားပြီးပြောပါ ကျွန်မ အဖေက ရှင့်ဆီအလုပ်အပ်နေတဲ့ အလုပ်ရှင်လေ ကျွန်မအတွက်ငွေလိုမလား"
"ဒါဆို မင်းက ဘာလိုချင်တာလဲ"
"ရှင့် ကို လို ချင် တာလေ"
တစ်လုံးချင်းစီဖိပြုံးလျက် နှစ်လိုဖွယ်အပြုံးဖြစ်သော်ငှား အဲ့အပြုံးဟာ ကျွန်တော့်အတွက်တော့ သိပ်ကြောက်စရာကောင်းလှသည်
"မဖြစ်နိုင်ဘူး ငါ့မှာပိုင်ရှင်ရှိတယ်"
"ခက်တော့နေပါပြီ သဘာဝမဟုတ်တဲ့ အိမ်ထောင်ရေးကိုလာထိန်းသိမ်းပြနေတယ်"
YOU ARE READING
ချိုမြိန်သောဥပါယ်(ခ်ိဳၿမိန္ေသာဥပါယ္)
Short Storyမာန်ထက်လွှား ~ မင်းကို ဒေါ်ဒေါ့်ကြောင့် ငါအတော်သည်းခံနေရတာ ရွန်းဝေလ တော်တော်စိတ်ပျက်ဖို့ကောင်းတဲ့ကောင်ပဲ ကျစ်! ရွန်းဝေလ ~ မင်းရဲ့ကံဆိုးမှု မှန်သမျှက ငါ့ကြောင့်လို့ မင်းတရားသေမမှတ်သင့်ဘူး မာန် Start 》 》13.12.2021 End 》》26.9.2022 ********...
