Unicode
"ငါဒီနေ့စောစောပြန်လာမယ် မနေ့ကမင်းကငါ့ကို ပြုစုထားတော့ မင်းကိုငါက ဒီနေ့ပြုစုပေးရမှာပေါ့"
"ဟင်"
"နေမကောင်းတာကို ပြောတာ လျှောက်တွေးမနေနဲ့ အောက်ပိုင်းကတောင်လှုပ်မရတာကို အတွေးတွေက ချော်ရဲသေးတယ်"
"ကိုကို ပြောတာကိုက "
"အင်း စကားအနေနဲ့လဲ အရသာရှိတယ်လေ ဟားဟား"
ကိုကိုက စိတ်လိုလက်ရရယ်တော့လဲ နှုတ်ခမ်းထောင့်လေးများ အဝိုက်သေးသေးလေးက အထင်သားမို့ ကျွန်တော်တောင်ငေးခနဲဖြစ်သွားရ ကျွန်တော်ငေးနေတာ ရိပ်စားမိတော့ ချက်ချင်း အရယ်ရပ်ကာ အရှိန်သပ် ချောင်းဟန့်လိုက်သည်
"အဟမ်း အဲ့တော့ မထနိုင်ရင် စောင့်နေ ငါအစည်းအဝေးပြီးရင်ပြန်လာမယ်"
ကိုကို့စကားကိုသာ ခေါင်းငြိမ့်ထောက်ခံလိုက်သည် တကယ်လဲ လှုပ်မှမလှုပ်နိုင်ပဲကို
မချစ်ဘူးဆိုတဲ့ကိုကိုရဲ့ ဂရုစိုက်မှုအနည်းငယ်တောင် အမိအရ ဖမ်းဆုပ်ထားချင်မိသေးသည် ကိုကိုက သူဒီလိုတွေပေးမှ ဂရုစိုက်မယ်ဆိုရင် အသွေးအသားအကုန်ကို ရက်ရက်ရောရော ပေးပစ်မည် ခံနိုင်ရည်ရှိသလောက်အစွမ်းကုန်သာ
ကိုကိုက သူဒီလိုတွေ ပေးနေလို့ ပြန်ဖြည့်ဆည်းပေးနေတာကိုလဲ သူရိပ်မိပါသည် သူ့ကို ကိုကိုက ဒီလိုစိတ်ဆန္ဒပြီးမြောက်အောင် စွမ်းဆောင်နိုင်လို့ လိုက်လျောနေတာကိုလဲ သူရိပ်စားမိတာမို့ ကိုကို့ ဂရုစိုက်မှုကို အစွမ်းကုန်ရဖို့ သူအစွမ်းကုန်ပေးနိုင်သလောက်ပေးမည်ဟုဆုံးဖြတ်မိသည်
"ကိုကို"
အပြင်ထွက်ခံနီး ကိုကို့ကို မျက်ဝန်းတွေထဲ သေချာစူးစိုက်ကြည့်၍
"ဟင်"
"စောင့်နေမယ်နော်"
"အင်း အင်း"
အလျင်စလို ထွက်သွားသည့် ကိုကိုက သူ့စကားကို သမာန်ကာလျှံကာ တုံ့ပြန်လို့သာ
×××××× ××××××××× ×××××××××××××× ×××××××
"ဆရာ ဒီနေ့ ပြသနာအကြီးအကျယ် တက်နေပါတယ် ရောက်မယ့်ပစ္စည်းတွေ နောက်လထဲမှရောက်မယ်လို့ အကြောင်းလှမ်းကြားတယ်ဆရာ"
![](https://img.wattpad.com/cover/294599059-288-k441021.jpg)
YOU ARE READING
ချိုမြိန်သောဥပါယ်(ခ်ိဳၿမိန္ေသာဥပါယ္)
Short Storyမာန်ထက်လွှား ~ မင်းကို ဒေါ်ဒေါ့်ကြောင့် ငါအတော်သည်းခံနေရတာ ရွန်းဝေလ တော်တော်စိတ်ပျက်ဖို့ကောင်းတဲ့ကောင်ပဲ ကျစ်! ရွန်းဝေလ ~ မင်းရဲ့ကံဆိုးမှု မှန်သမျှက ငါ့ကြောင့်လို့ မင်းတရားသေမမှတ်သင့်ဘူး မာန် Start 》 》13.12.2021 End 》》26.9.2022 ********...