Unicode
မှားခဲ့တာမှန်ပေမယ့် သူမကျူးလွန်ခဲ့ကြောင်း သက်သေက ရှိမနေတဲ့အခါ ပါးစပ်က အစေးကပ်နေသလိုကို ဖွင့်မရ
မရှင်းပြနိုင်တဲ့သူ့ကို ကြည့်ပြီး အင်မတန်နာကျင်ရသည် စကားတွေတတွင်တွင်ပြောတတ်သူက အပြစ်ကျူးလွန်တဲ့အခါ တိတ်ဆိတ်သွားတတ်သလား သူ့ရှေ့အမြဲပြုံးရယ် နေတတ်တဲ့ကိုကို မုန်းရင်လဲမုန်းကြောင်း ကြည့်မရလဲကြည့်မရကြောင်း လူတစ်ယောက်ကို စိတ်အနှောင့်အယှက်ဖြစ်အောင် ကောင်းကောင်းပြောနိုင်တဲ့ကိုကိုက ခုလို မလှုပ်မယှက် ခေါင်းငိုက်စိုက်ရပ်နေတာကို မခံချိမခံသာဖြစ်ရသည်
'ကိုကိုရယ် မလုပ်ခဲ့ဘူးလို့ တစ်ခွန်းသာ ပြောလိုက်ပါ ငယ်ကျော်ပေးသွားပါ့မယ် တစ်ခွန်းတည်းလေ ကိုကိုရယ် တစ်ခွန်းတည်းပါ"ကိုကို့ကို သူကြည့်ရင်း စိတ်ထဲက တောင်းဆိုနေမိသည် ဒီလိုတော့ ဘာမှမတုံ့ပြန်ပဲမနေပါနဲ့ကိုကိုရယ် ကိုကို့ပုခုံးတွေကို လှုပ်ယမ်းဆွဲခါပစ်လိုက်ချင်ပေမယ့် သူ့မှာ ပုခုံးဆီကိုတောင် လက်လှမ်းဖို့ အင်အားတွေပါ လျော့ပါးနေခဲ့သည်
ငယ်ရယ် ကိုကို့်မှာ သက်သေရှိတဲ့နေ့ ငယ့်ဆီအရင်ပြပါ့မယ် ခုတော့ခဏပဲသည်းခံပေးပါငယ်ရယ် စိတ်ထဲမှ သူ ငယ့်ကို တသသတောင်းပန်နေမိသည်
"ကိုယ်တို့ အိမ်အရင်ပြန်ရအောင်"
"ပြန်မယ် အိမ်ရောက်တာနဲ့တီလေးကို ကွာရှင်းမယ့်အကြောင်းပြောမယ်"
"ငယ်"
"ငါ့ကို လာမအော်နဲ့ မင်းကငါ့ကို အော်ရလောက်အောင် ဘယ်လောက်တော်နေလို့လဲ"
"ကိုယ်တောင်းပန်ပါတယ်"
"ငါမင်းရဲ့တောင်းပန်တာကို ကြားချင်တာမဟုတ်ဘူး အဖြေတစ်ခုပဲကြားချင်တာ ဟင် ဒါမှမဟုတ် တောင်းပန်တယ်ဆိုတော့ မင်းတကယ်ပဲတကယ်ပဲ..."
ငယ်ဟာ စကားကိုတောင် ဆုံးအောင်မပြောနိုင်ပဲ မျက်ရည် တွေပဲကျလာတော့သည် သူ ငယ့်မျက်ရည်တွေကို သုတ်ပေးချင်မိပေမယ့် သုတ်ခွင့်ပေးမှာမဟုတ်မှန်းလဲ သူသိနေခဲ့တယ် ငယ့်ကို မျက်ရည်ကျအောင်လုပ်သူဟာ ငယ့်ဘဝအတွက် သူပဲပင်တိုင်ဖြစ်နေခဲ့မိတယ်
![](https://img.wattpad.com/cover/294599059-288-k441021.jpg)
YOU ARE READING
ချိုမြိန်သောဥပါယ်(ခ်ိဳၿမိန္ေသာဥပါယ္)
Short Storyမာန်ထက်လွှား ~ မင်းကို ဒေါ်ဒေါ့်ကြောင့် ငါအတော်သည်းခံနေရတာ ရွန်းဝေလ တော်တော်စိတ်ပျက်ဖို့ကောင်းတဲ့ကောင်ပဲ ကျစ်! ရွန်းဝေလ ~ မင်းရဲ့ကံဆိုးမှု မှန်သမျှက ငါ့ကြောင့်လို့ မင်းတရားသေမမှတ်သင့်ဘူး မာန် Start 》 》13.12.2021 End 》》26.9.2022 ********...