ချစ်တာကိုမထုတ်ပြတော့တဲ့ကောင်လေးရယ် ချစ်ပြနေလဲ တုံ့ပြန်ခြင်းမခံရတဲ့ ကောင်လေးရယ်ကြား ဘယ်အချိန်က စမှားခဲ့ကြတာလဲ ချစ်တာချင်းတူညီနေပါရက်ပေါ့
သူဆေးရုံခန်းထဲရောက်တော့ ကုတင်ထက်ဝယ်အိပ်နေသောကောင်ကလေး နှစ်နှစ်ခြိုက်ခြိုက်အိပ်နေသည်မို့ စိတ်အေးရသည်
"ဒေါ်ဒေါ် တီတီမွန်ချက်ပေးလိုက်တဲ့ ကြက်သားပေါင်း ငယ်လေးကိုကျွေးပေးပါနော် သားသွားထည့်ပေးမယ်နော်"
"ဟုတ်ပြီသားလွှား"
"သား ငယ်လေးအတွက် အားရှိအောင် ကြက်ဥပြုတ်လေးသွားဝယ်လိုက်အုံးမယ်"
"ခဏထိုင်နားပါအုံးသားရယ် ခုမှရောက်တာကို"
"ဆေးရုံနားတင်မို့ ညအတွက်ကြိုသွားဝယ်ထားလိုက်မယ်ဒေါ်ဒေါ် ဒေါ်ဒေါ်ရော ဘာစားမလဲ"
"အဆင်ပြေတာပဲ"
"ကြေးအိုးစားမလား ဒေါ်ဒေါ် ကျွန်တော်ဝယ်လာပေးမယ်"
"တစ်ပွဲလုံးကျ မကုန်ဘူးသားရဲ့"
"တစ်ဝက်စီစားမယ်လေ"
ထွက်သွားသူ သားငယ်ကိုကြည့်လို့ သူမပြုံးမိသည် ကလေးလေးကို ဂရုစိုက်ခွင့်ရနေရုံတင်ပျော်နေသည့် သားလွှားက ကလေးကို တကယ်မြတ်နိုးသွားပြီပေါ့လေ သူမ သူတို့ကြားက ကိစ္စကို အမြန်ဖြေရှင်းပေးမှဖြစ်ပေလိမ့်မည်
××××× ××××××× ×××××××× ××××××××××
"ဒီည ကျွန်တော် ငယ့်ကို စောင့်ပေးလိုက်မယ် ဒေါ်ဒေါ်""မင်းမစောင့်နဲ့"
"ဘာလဲ အသက်ကြီးတဲ့ဒေါ်ဒေါ်က စောင့်ရမှာလား ဒါမှမဟုတ် တီမွန်က အိမ်ကနေလာစောင့်ပေးရမှာလား အသက်ကြီးတဲ့သူတွေကို မင်းသက်သက်ဒုက္ခပေးနေတာလား"
ငယ်လေးက ခပ်မာမာပြောမှသာ မဟုတ်လျှင် သူကခေါင်းငုံ့ခံနေလျှင် ငယ်ကသိပ်ဆိုးချင်တာမို့ သူနှင့်စကားတောင် တစ်နေ့လုံးပြောရမည်မဟုတ် ငယ့်စိတ်ကို သူအသိဆုံးပင်
"ငါကအဲ့လိုပြောတာမဟုတ်ဘူးလေ"
"ဒါဆို ဘယ်လိုပြောချင်သလဲ"
![](https://img.wattpad.com/cover/294599059-288-k441021.jpg)
YOU ARE READING
ချိုမြိန်သောဥပါယ်(ခ်ိဳၿမိန္ေသာဥပါယ္)
Short Storyမာန်ထက်လွှား ~ မင်းကို ဒေါ်ဒေါ့်ကြောင့် ငါအတော်သည်းခံနေရတာ ရွန်းဝေလ တော်တော်စိတ်ပျက်ဖို့ကောင်းတဲ့ကောင်ပဲ ကျစ်! ရွန်းဝေလ ~ မင်းရဲ့ကံဆိုးမှု မှန်သမျှက ငါ့ကြောင့်လို့ မင်းတရားသေမမှတ်သင့်ဘူး မာန် Start 》 》13.12.2021 End 》》26.9.2022 ********...