Ch19: ហេតុអីល្អនឹងបង?

2.4K 106 7
                                    


"តាមរយៈរូបភាពមួយចំនួននៅក្នុងវិធីសម្ពោធរីសតដ៏ល្បីរបស់លោកស្ទេវិន អ្នកគាំទ្រសង្ស័យថា តារាចម្រៀងដ៏ល្បី ថេយ៍វី អាចកំពុងមានទំនាក់ទំនងនឹងគ្នាជាមួយតារា សម្ដែងលោកសូជុន..."

"ផ្ដេសផ្ដាសមែន!"
ជុងហ្គុក ចុចតេឡេបញ្ជាដូរប៉ុស្តិ៍ទូរទស្សន៍លឿនស្លេវគ្រាន់តែបានឃើញព័ត៌មានគ្មានបានការទាំងអស់នោះ។ តែចៃដន្យអី មួយថ្ងៃនេះបើកឃើញតែព័ត៌មានបែបនេះប៉ុណ្ណោះ

"ទំនាក់ទំនងជីមីន និង ថេយ៍វីកាន់តែស្និទ្ធស្នាលនឹងគ្នាធ្វើឲ្យអ្នកគាំទ្រគិតថា..."
"មានគេប្រទះឃើញថេយ៍វី បានណាត់ជួប និងតំណាងរាស្ត្រវ័យក្មេងលោក ស្ទេវិន..."

"កុំមើលទៀតអី!"
នាយតូច និយាយចេញមកពីមាត់ទ្វារបន្ទប់ ក្រោយឃើញព័ត៌មានក្លែងក្លាយជាច្រើនអំពីខ្លួននៅក្នុងទូរទស្សន៍។

"ម៉េចមិនសម្រាកសិនទៅ?"
ជុងហ្គុក ងាកឃើញសភាពដុនដាបរបស់រាងតូចហើយក៏ហាមាត់ដេញគេទៅក្នុងបន្ទប់វិញ។ បបូរមាត់ហើមជាំ ខ្លួនប្រាណសុទ្ធតែស្នាមស្នេហ៍ ពីកចុះមកដល់ខាងក្រោមដែលបាំងដោយសម្លៀកបំពាក់។ មើលហើយក៏រអៀសចិត្តណាស់ដែរ តែសួរថាធ្វើទៀតទេ? គឺ...ប្រាកដជាធ្វើ!

"គឺអូន... ហឹម... ក្រោកមកមិនឃើញបង ទើបចេញមករក"
ថេយ៉ុង ឆ្លើយបណ្ដើរស្ទាបបំពង់ករបស់ខ្លួនបណ្ដើរ ព្រោះឥឡូវនេះឈឺកនិយាយលែងចង់ចេញទៅហើយ ដោយសារតែស្រែកច្រើនម៉ោងពេកមុននេះ

រាងស្ដើង ដើរថ្នមៗទៅរករង្វង់ដៃដែលចាំទទួលខ្លួនស្រាប់ ហើយក៏ដាក់បង្គុយក្បែរគេនៅមុខទូរទស្សន៍ជាមួយគ្នា

"កុំមើលព័ត៌មានទាំងនោះអីល្អជាង"
ថេយ៍ ចុចបិទទូរទស្សន៍ចោល ក្រោយឃើញគេតាមមើល តាមស្ដាប់ព័ត៌មានមិនពិតទាំងនោះដោយមួរម៉ៅ

"ហេតុអី?"
"គឺអូននៅចំពោះមុខបងទៅហើយ ចង់ដឹងអីក៏សួរមកមិនចាំបាច់ស្ដាប់ព័ត៌មានទាំងនោះទេ"
នាយតូចយកដៃក្រសោបថ្ពាល់គេថ្នមៗ ប្រើសំដីទន់ភ្លន់ឲ្យគេយល់ចិត្ត មិនចង់ឱ្យគេយល់ច្រឡំដូចអ្នកផ្សេង

"ជុង! បើមានរឿងអីបងអាចនិយាយប្រាប់អូនដោយផ្ទាល់បានទេ? កុំអន់ចិត្ត កុំលួចគិតតែម្នាក់ឯង។ បងដឹងទេអូនស្រឡាញ់បងតែម្នាក់គត់។អ្វីផ្សេង គឺគ្រាន់តែជារឿងការងារប៉ុណ្ណោះណា៎"
ខ្លួនពិតជាចង់ឱ្យគេដឹង ឲ្យគេយោគយល់នៅស្ថានភាព និងការងាររបស់នាយពេលនេះ មិនចង់ឲ្យគេគិតច្រើនតែឯងទេ

Star in the dark ⭐ [Complete ✅]Where stories live. Discover now